ruturaj gaikwad join kohli’s elite club: રુતુરાજ ગાયકવાડે કોહલીના ખાસ ક્લબમાં બનાવી જગ્યા, આવું કરનારો ચોથો ભારતીય બન્યો – ruturaj gaikwad joins virat kohli’s elite club

0


હાઈલાઈટ્સ:

  • રુતુરાજ ગાયકવાડે ચંદીગઢ વિરૂદ્ધ 168 રન ફટકાર્યા હતા
  • વિજય હજારે ટ્રોફીમાં 4 સદી ફટકારનારો ચોથો ભારતીય બન્યો રૂતુરાજ
  • વિરાટ કોહલી, પૃથ્વી સાવ અને દેવદત્ત પડીક્કલ કરી ચૂક્યા છે આ કારનામું

રાજકોટઃ મહારાષ્ટ્રના કેપ્ટની રુતુરાજ ગાયકવાડે વિજય હજારે ટ્રોફીમાં ચોથી સદી ફટકારીને મોટો રેકોર્ડ પોતાના નામે કર્યો છે. રુતુરાજે મંગળવારે એલીટ ગ્રૂપ ડી રાઉન્ડ 5 મેચમાં ચંદીગઢ વિરૂદ્ધ 168 રન ફટકાર્યા હતા. 24 વર્ષીય ઓપનર રુતુરાજ ગાયકવાડે આ વર્ષે જુલાઈમાં શ્રીલંકા વિરૂદ્ધ ટી-20 સિરીઝ દ્વારા ઈન્ટરનેશનલ ક્રિકેટમાં ડેબ્યૂ કર્યુ હતુ. રુતુરાજે પ્રિતિષ્ઠિત ઘરેલૂ 50 ઓવરના ટૂર્નામેન્ટમાં ચોથી સદી ફટકારીને એક સિઝનમાં સૌથી વધુ સદીના રેકોર્ડની બરાબરી કરી છે.

આ પહેલાં ભારતીય ક્રિકેટ ટીમના કેપ્ટન વિરાટ કોરલી, દેવદત્ત પડીક્કલ અને પૃથ્વી સાવ આ ઉપલબ્ધિને હાંસલ કરી ચૂક્યા છે. કોહલીએ સૌથી પહેલાં આ ટૂર્નામેન્ટમાં 2009-10ની સિઝનમાં ચાર સદી ફટકારી હતી. એ પછી સાવ અને પડીક્કલે પણ આવું કર્યુ હતું. બંનેએ ગયા વર્ષે આ ઉપલબ્ધિ હાંસલ કરી હતી.

5 મેચ… 603 રન… 4 સેન્ચ્યુરી, ધોનીના આ શિષ્યનું શાનદાર પ્રદર્શન

132 બોલમાં 168 રન ફટકાર્યા
રુતુરાજે 132 બોલમાં 168 રન ફટકાર્યા હતા. જ્યારે મહારાષ્ટ્રની ટીમ 7 બોલ બાકી રહેતા 5 વિકેટ પર 313 રન બનાવીને લક્ષ્ય હાંસલ કર્યુ હતું. આઈપીએલ 2021માં ચેન્નાઈ સુપરકિંગ્સની તરફથી રમનારા બેટ્સમેન રુતુરાજે પોતાની બેટિંગ વખતે 12 ચોકા અને 6 છક્કા લગાવ્યા હતા.

600 પ્લસ સ્કોર કરનારો પહેલો બેટ્સમેન બન્યો
રુતુરાજ ગાયકવાડે શાનદાર બેટિંગ કરીને હાલની ટૂર્નામેન્ટમાં 600 પ્લસ સ્કોર કરનારો પહેલો બેટ્સમેન બની ગયો છે. તેણે પાંચ મેચોમાં અત્યાર સુધીમાં 603 રન બનાવ્યા છે, જેમાં ચાર સદી સામેલ છે. આ દરમિયાન તેની એવરેજ 150.75 રહી હતી.
સાઉથ આફ્રિકામાં પડકારોનો સામનો કરવા સજ્જ છે અમદાવાદી સ્ટાર પ્રિયાંક પંચાલ
રુતુરાજ ગાયકવાડની 5 ઈનિંગ્સ આવી રહી
રુતુરાજ ગાયકવાડે પાંચ ઈનિંગસમાં 168, 21, 124, 154 અણનમ અને 136નો સ્કોર કર્યો છે. ચંદીગઢ વિરૂદ્ધ રાજકોટના સૌરાષ્ટ્ર એસોસિએશન ક્રિકેટ ગ્રાઉન્ડમાં આ મેચ યોજાઈ હતી. હાલની ટૂર્નામેન્ટમાં રુતુરાજે સૌથી વધુ રન, બેસ્ટ એવરેજ, વ્યક્તિગત સ્કોર, સૌથી વધુ ચોકા અને છક્કા અને સૌથી વધુ સદી મામલે ટોપ પર છે.

રુતુરાજે 95 બોલમાં ફટકારી સેન્ચ્યુરી
આઈપીએલ 2022માં રિટેન્શનમાં ચેન્નાઈ તરફથી રિટેન કરવામાં આવેલા રુતુરાજે 95 બોલમાં પોતાની સદી પૂરી કરી હતી જ્યારે એ પછી તેણે 36 બોલમાં 68 રન ફટકાર્યા હતા. મહારાષ્ટ્ર તરફથી રુતુરાજ ગાયકવાડ સિવાય અઝીમ કાઝીએ 73 અણનમ રન બનાવ્યા હતા. જેમાં ટીમ પાંચ મેચોમાં બીજી વાર 300 પ્લસનો સ્કોર ચેઝ કરવામાં સફળ રહી. ચંદીગઢના મનન વોહરાએ 141 રન બનાવ્યા અને 7 વિકેટ પર 309 રન બનાવ્યા હતા.

કાશીની જનતાએ પીએમ મોદી પર કરી પુષ્પવર્ષા, પહેરાવી પાઘડી



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here