omicron cases in india: મહારાષ્ટ્રમાં ઓમિક્રોન વેરિયન્ટના 8 નવા દર્દી મળી આવ્યા, જેમાંથી 7 મુંબઈના – 8 more patients found infected with omicron in maharashtra

0


હાઈલાઈટ્સ:

  • મહારાષ્ટ્રમાં ઓમિક્રોનના 8 નવા કેસ, જેમાંથી 7 મુંબઈ તો એક દર્દી વસઈ વિરારનો
  • રાષ્ટ્રીય રાજધાની દિલ્હીમાં ઓમિક્રોનના 4 કેસ નોંધાતા ચિંતામાં વધારો થઈ રહ્યો છે
  • આ રીતે જ કેસો વધતા રહેશે તો દેશમાં કોરોનાની ત્રીજી લહેરની પ્રબળ શક્યતા છે

મહારાષ્ટ્રમાં ઓમિક્રોનના 8 નવા કેસ નોંધાતા કુલ સંખ્યા 28 પર પહોંચી ગઈ છે, જે દેશમાં સૌથી વધુ છે. પ્રાપ્ત માહિતી અનુસાર દેશભરમાં ઓમિક્રોનના 57 કેસ નોંધાયા છે. મંગળવારે દિલ્હીમાં ઓમિક્રોનના વધુ 4 કેસ નોંધાયા બાદ હવે રાજધાનીમાં આ પ્રકારથી સંક્રમિત લોકોની સંખ્યા 6 થઈ ગઈ છે. જેમાં હાલ પાંચ લોકો પોઝિટિવ છે. દિલ્હીમાં પહેલીવાર એક દિવસમાં ઓમિક્રોનથી સંક્રમિત લોકોની આ સૌથી વધુ સંખ્યા છે. જો કે, આ દરમિયાન ઓમિક્રોનથી સંક્રમિત વ્યક્તિને પણ રજા આપવામાં આવી છે. સંબંધિત વ્યક્તિ રાંચીનો રહેવાસી છે અને દિલ્હીની એલએનજેપી હોસ્પિટલમાં તેની સારવાર ચાલી રહી હતી. રાજસ્થાનમાં પણ 4 ઓમિક્રોન સંક્રમિત દર્દીઓ મળી આવતા ફફડાટ ફેલાયો છે.

મહારાષ્ટ્રમાં ઓમિક્રોનથી સંક્રમિત 9 દર્દી મળી આવ્યા
પ્રાપ્ત માહિતી અનુસાર મહારાષ્ટ્રમાં કોરોનાના નવા વેરિયન્ટ ઓમિક્રોનથી સંક્રમિત વધુ 8 દર્દીઓ મળી આવ્યા છે. જેમાંથી 7 મુંબઈના છે અને 1 દર્દી વસઈ વિરારનો છે. અત્યાર સુધીમાં રાજ્યમાં ઓમિક્રોનથી સંક્રમિત કુલ 28 દર્દીઓ નોંધાયા છે. તેમાંથી 9ને RT-PCR ટેસ્ટ નેગેટિવ આવ્યા બાદ રજા આપવામાં આવી છે. જો કે, બાકીની સારવાર હજુ ચાલી રહી હોવાનું જાણવા મળ્યું છે. જો આ જ રીતે ઓમિક્રોનના કેસો વધતા રહેશે તો ત્રીજી લહેર આવવાની પ્રબળ શક્યતા છે.

ઓમિક્રોન સામે આપણી રસી બિનઅસરકારક થશે!
દેશમાં ઓમિક્રોન કેસ વધી રહ્યા છે, આવી સ્થિતિમાં નીતિ આયોગના સભ્ય વીકે પોલનું નિવેદન મહત્વપૂર્ણ બની રહ્યું છે. તેમણે કહ્યું છે કે ઓમિક્રોન સામેની અમારી રસી બિનઅસરકારક હોઈ શકે છે.

દિલ્હીમાં 4 દર્દીઓમાં ઓમિક્રોન વેરિયન્ટની પુષ્ટિ
દિલ્હીમાં કોરોના વાયરસ સંક્રમણના ઓમિક્રોન વેરિયન્ટના ચાર નવા કેસ સામે આવ્યા છે. ઓમિક્રોન કેસ પર દિલ્હીના સ્વાસ્થ્ય મંત્રી સત્યેન્દ્ર જૈને કહ્યું કે ચાર નવા કેસની પુષ્ટિ થઈ છે અને હવે કુલ કેસની સંખ્યા 6 થઈ ગઈ છે. 6 કેસમાંથી એક દર્દીને હોસ્પિટલમાંથી રજા આપવામાં આવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here