uttar pradesh: શહીદની બહેનના લગ્નનમાં CRPFના જવાનોએ નિભાવી ભાઈની ફરજ – crpf jawans performed duty of brother in the marriage of martyr’s sister

0


હાઈલાઈટ્સ:

  • 5 ઓક્ટોબર, 2020એ પુલવામામાં આતંકવાદીઓ સામે લડતા શૈલેન્દ્ર પ્રતાપ સિંહ શહીદ થયા હતા.
  • શહીદની બહેનના લગ્નમાં સોમવારે સીઆરપીએફના જવાનોએ પહોંચી ભાઈની ફરજ નિભાવી.
  • જવાનોના આ કામને સીઆરપીએફએ પોતાના ઓફિશિયલ ટ્વિટર હેન્ડલ પરથી ટ્વીટ કરી જવાનોના આ કામની પ્રશંસા કરી.

રાયબરેલી: બહેનને ડોલીમાં બેસતી જોવી અને તેના માટે મંડપ સજાવવો એક ભાઈનું સપનું હોય છે. એક બહેન પણ જ્યારે ફેરા લેવા જઈ રહી હોય છે, ત્યારે તેને પોતાના ભાઈનો સાથ જ મળે છે. ભાઈ જ્યારે મંડપ પકડીને ચાલે છે તેમાં ચાલતી દુલ્હન બનેલી બહેન પોતાને નસીબદાર સમજે છે. પરંતુ, આ બહેન માટે 14 મહિના પહેલા જ આ સપનું તૂટી ગયું હુતં. પરંતુ, સીઆરપીએફના જવાનોએ આ બહેન માટે તેના ભાઈની ફરજ પૂરી કરી.

ઉત્તર પ્રદેશના રાયબરેલીમાં સીઆરપીએફના શહીદ જવાન શૈલેન્દ્ર પ્રતાપ સિંહની બહેનના લગ્ન હતા. લગ્ન સમારંભ આમ તો સામાન્ય જ રહેવાનો હતો, પરંતુ સીઆરપીએફના જવાનોએ તેને ખાસ બનાવી દીધો. શૈલેન્દ્ર પ્રતાપ સિંહની બહેનનો મંડપ સીઆરપીએફના જવાનોએ હાથમાં લીધો, તો શહીદ શૈલેન્દ્ર સિંહને યાદ કરીને ત્યાં ઉપસ્થિત દરેકની આંખમાં આંસુ આવી ગયા.

J&K: કોની લાપરવાહી? નિ:શસ્ત્ર હતા ટ્રેનિંગ કેમ્પ જઈ રહેલા જવાન, બસ પણ બુલેટપ્રૂફ નહોતી

શૈલેન્દ્ર પ્રતાપ સિંહ વર્ષ 2008માં સીઆરપીએફમાં ભરતી થયા હતા. તેઓ 110મી બટાલિયનમાં તૈનાત હતા. તેમની કંપની જમ્મુ-કાશ્મીરના સોપોરમાં પોતાની સેવા આપી રહી હતી. આ દરમિયાન 5 ઓક્ટોબર, 2020એ પુલવામામાં આતંકવાદીઓ સામેની અથડામણમાં શૈલન્દ્ર સિંહને ગોળી વાગી હતી અને તેઓ શહીદ થઈ ગયા હતા. તેમનો પાર્થિવ દેહ જ્યારે રાયબરેલી પહોંચ્યો તો એ સમયે શહીદના સન્માનમાં આખું શહેર ઉમટ્યું હતું. તેમને અંતિમ વિદાય આપતી વખતે દરેકની આંખ ભીની થઈ ગઈ હતી.

શૈલેન્દ્ર પ્રતાપના પરિવારમાં તેમના પિતા નરેન્દ્ર બહાદુર સિંહ, માતા સિયા દુલારી સિંહ, પત્ની ચાંદની, બહેનો શીલા, પ્રીતિ અને જ્યોતિ છે. તેમનો એક નવ વર્ષનો પુત્ર પણ છે, જેનું નામ કુશાગ્ર છે. બે બહેનોના લગ્ન પહેલા જ થઈ ચૂક્યા છે. સૌથી નાની બહેનના લગ્ન લેવાયા હતા. તેની જાણ શૈલેન્દ્ર સાથે તૈનાત સીઆરપીએફના જવાનોને થતા તેઓ સોમવારે રાયબરેલી આવી પહોંચ્યા હતા.
લખીમપુર ખીરી હિંસા: મંત્રીના પુત્ર સહિતના આરોપી સામે હત્યાના પ્રયાસનો ગુનો નોંધવા માગ
મોટી સંખ્યામાં સીઆરપીએફના જવાનોને જોઈને બધા આશ્ચર્યમાં મૂકાઈ ગયા. જોકે, મંડપ પકડવાની વિધિ જેવી શરૂ થઈ, આ જવાનો આગળ આવી ગયા. તેમણે ચારે તરફથી મંડપને પકડ્યો. દુલ્હન બનેલી બહેન આ જવાનોની વચ્ચે મંડપ નીચે આવી તો ત્યાં ઉપસ્થિત બધાને શહીદ શૈલેન્દ્રની યાદ આવી ગઈ.

જવાનોના આ કાર્યની સીઆરપીએફએ પણ પ્રશંસા કરી છે. દેશના સૌથી મોટા અર્ધસૈનિક બળના સત્તાવાર ટ્વિટર અકાઉન્ટ પરથી ટ્વીટ કરી શૈલન્દ્રની બહેન માટે આ જવાનોને બ્રધર ફોર લાઈફ જણાવ્યા. ટ્વીટમાં લખાયું છે કે, નાની બહેનના લગ્નમાં મોટા ભાઈ સીઆરપીએફના જવાન પહોંચ્યા. આ દરમિયાન સીઆરપીએફ જવાનોએ પરિવાર અને દુલ્હા-દુલ્હનની સાથે પણ તસવીર પડાવી. એક ભાઈની ફરજ નિભાવી. સોશ્યલ મીડિયા પર સીઆરપીએફના જવાનોના આ કાર્યની ઘણી પ્રશંસા થઈ રહી છે.

સેથામાં સિંદૂર, હાથમાં ચૂડો.. લગ્ન બાદ પહેલીવાર વિકી સાથે દેખાઈ કેટરિના



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here