saree library: લગ્નની સીઝનમાં પૈસા નથી ખર્ચવા? આ લાઈબ્રેરીમાં મળશે મનગમતી અને મોંઘી સાડીઓ – vadodara a group of women started saree library they are rented out for free

0


હાઈલાઈટ્સ:

  • અષ્ટ સહેલી ગ્રુપે વડોદરાના જૂના પાદરા રોડ પર શરૂ કરી સાડી લાઈબ્રેરી
  • સાડી ભાડે લઈ જતી મહિલાને ડિપોઝિટ આપવી પડે છે, જે બાદમાં પરત કરાઈ છે
  • સાડી લાઈબ્રેરીમાં 300 જેટલી સાડીઓ છે અને તમામ દાનમાં આવેલી છે

તુષાર ટેરે, વડોદરાઃ શહેરના ટેક્સટાઈલ ડિઝાઈનર રમા મલિકને આ મહિને લગ્નમાં હાજરી આપવાની હતી, પરંતુ તેમની પાસે પર્ફેક્ટ સાડીની ખરીદી કરવા જવાનો સમય નહોતો. રમા તરત જ જૂના પાદરા રોડ પર આવેલી ‘સાડી લાઈબ્રેરી’માં પહોંચી ગયા હતા અને તેમને સૌથી વધારે ગમતી કેટલીક સાડીઓ લીધી હતી. તેઓ તે સાડી પહેરીને લગ્નમાં ગયા હતા અને બધાને તે પસંદ પણ આવી હતી.

1.

‘આપણા દેશમાં વેડિંગ ફંક્શન ત્રણથી ચાર દિવસ સુધી ચાલે છે અને દરેક ફંક્શનમાં મહિલાઓ નવી સાડી પહેરે તેવી અપેક્ષા રાખવામાં આવે છે. શોપિંગ માટે વ્યસ્ત શિડયૂલમાંથી સમય કાઢવો ખૂબ જ મુશ્કેલ હોય છે, ખાસ કરીને જ્યારે તમે નોકરી કરતા હો. સાડી લાઈબ્રેરી આપણને સરળ અને તાત્કાલિક ઉકેલ આપે છે. આ સિવાય સાડીઓ મેળવવાની પ્રક્રિયા પણ એકદમ સરળ છે’, તેમ રમાએ અમારા સહયોગી ટાઈમ્સ ઓફ ઈન્ડિયા સાથે વાતચીત કરતાં જણાવ્યું હતું.

2.

મિશનરીમાં છોકરીઓનું ધર્મપરિવર્તન કરાવવામાં આવતું હોવાનો આક્ષેપ, સંચાલકો સામે ફરિયાદ
સાડી લાઈબ્રેરીની પહેલ આઠ જેટલી શહેરની આંત્રપ્રિન્યોર અને ગૃહિણીઓ દ્વારા બે મહિના પહેલા શરૂ કરવામાં આવી હતી. લાઈબ્રેરીમાં જે સાડીઓ છે તે દાનમાં આવેલી છે અને ભાડાપેટે એક રૂપિયો પણ લેવામાં આવતો નથી.

3.

‘મહિલાઓને અલગ-અલગ પ્રસંગમાં અલગ-અલગ સાડીઓ પહેરવાનું ગમે છે. પરંતુ મધ્યમ વર્ગ અથવા નીચલા મધ્યમ વર્ગની મહિલાઓને ખાસ કરીને મોંઘી સાડી ખરીદવી પરવડી શકે નહીં, જે ભાગ્યે જ એક-બે વખત પહેરવામાં આવે છે’, તેમ લાઈબ્રેરી શરૂ કરનારા અષ્ટ સહેલી ગ્રુપના હેમા ચૌહાણે કહ્યું હતું.

4.

‘ઉપરાંત નોકરિયાત મહિલાઓ તેમના વ્યસ્ત શિડ્યૂલના કારણે વધુ ખરીદી કરી શકતી નથી. તેથી અમે લાઈબ્રેરી શરૂ કરવાનું નક્કી કર્યું હતું, જ્યાં મહિલાઓ સારામાં સારી સાડીઓ તેમજ ડ્રેસ ફ્રીમાં મેળવી શકે. તેઓ સાડી અથવા ડ્રેસ પહેરી શકે છે અને એક અઠવાડિયાની અંદર પરત કરી શકે છે’, તેમ ચૌહાણે ઉમેર્યું હતું.

5

રેસ્ટોરન્ટ દ્વારા પાકિસ્તાની ફૂડ ફેસ્ટિવલના બેનર લગાવાતા વિવાદ સર્જાયો
મહિલાઓ ડિપોઝિટ ફી ભર્યા બાદ સાડી ઘરે લઈ જઈ શકે છે. જ્યારે તેઓ સાડી પરત કરે ત્યારે તેમની ડિપોઝિટ ફી પરત કરવામાં આવે છે અને માત્ર ડ્રાય-ક્લીનિંગના પૈસા લેવામાં આવે છે. ‘જ્યારથી લાઈબ્રેરી શરૂ કરવામાં આવી છે, ત્યારથી 200થી વધારે મહિલાઓ સાડી લાઈબ્રેરીમાંથી શ્રેષ્ઠ ઘરે લઈ જઈ ચૂકી છે. અમારી લાઈબ્રેરીમાં આશરે 300થી વધારે સાડીઓ અને ડ્રેસ છે, જે તમામ મહિલાઓ દ્વારા દાન કરવામાં આવી છે’, તેમ ચૌહાણે ઉમેર્યું હતુ.

થોડા અઠવાડિયા પહેલા શહેરમાં રહેતા અને ઘરઘાટી તરીકે કામ કરતા એક મહિલાએ તેમની સાડીઓ લાઈબ્રેરીમાં દાન કરી હતી. ‘અમારી લાઈબ્રેરીમાં કેટલીક બેસ્ટ અને મોંઘી બનારસી તેમજ શિફોન સાડીઓ પણ છે’, તેમ તેમણે કહ્યું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here