christian missionary: મિશનરીમાં છોકરીઓનું ધર્મપરિવર્તન કરાવવામાં આવતું હોવાનો આક્ષેપ, સંચાલકો સામે ફરિયાદ – vadodara missionaries of charity booked for attempting to forcibly convert the girls

0


હાઈલાઈટ્સ:

  • મિશનરી ઓફ ચેરિટીમાં હિંદુ છોકરીઓને બાઈબલનું પઠન કરાવવામાં આવતું હોવાનો આરોપ
  • મિશનરી હિંદુ છોકરીઓનું ધર્મપરિવર્તન કરાવવામાં આવતું હોવાની વિગતો સામે આવી
  • વડોદરા જિલ્લા સમાજ સુરક્ષા અધિકારીએ મિશનરીના સંચાલકો સામે નોંધાવી ફરિયાદ

વડોદરાઃ શહેરના મકરપુરા વિસ્તારમાં આવેલી મિશનરી ઓફ ચેરિટી ચિલ્ડ્રન હોમ ફોર ગર્લ્સના સંચાલકો સામે ગુનો દાખલ કરવામાં આવ્યો છે. આ મિશનરીમાં હિંદુ છોકરીઓનું ધર્મપરિવર્તન કરાવવામાં આવતું હોવાની ચોંકાવનારી વિગતો સામે આવ્યા બાદ ગુનો નોંધાયો હતો. રાષ્ટ્રીય બાળ આયોગ ચેરપર્સનની મુલાકાત દરમિયાન મિશનરી સંસ્થામાં ગુજરાત ફ્રીડમ ઓફ રિલિજન એક્ટ 2003ની વિવિધ કલમોનો જાહેરમાં ભંગ થતો હોવાનું ધ્યાનમાં આવ્યું હતું. જે બાદ જિલ્લા સમાજ સુરક્ષા અધિકારીએ મિશનરી સંસ્થાના સંચાલકો સામે પોલીસ સ્ટેશનમાં ફરિયાદ નોંધાવી હતી. સંસ્થામાં હિંદુ છોકરીઓને બાઈબલનું પઠન કરાવવામાં આવતું હોવાના તેમજ ગળામાં ક્રોસ પહેરાવાતું હોવાના આક્ષેપ ફરિયાદમાં કરવામાં આવ્યા હતા.

દાહોદમાં ધાર્મિક પ્રસંગમાં ભોજન લીધા બાદ 4 લોકોનાં શંકાસ્પદ મોત, 9 સારવાર હેઠળ
વડોદરા જિલ્લા સમાજ સુરક્ષા અધિકારી મયંક ત્રિવેદીએ મકરપુરા પોલીસ સ્ટેશનમાં ફરિયાદ નોંધાવી હતી. જેમાં જણાવ્યા પ્રમાણે, મિનશરીમાં આવતી છોકરીઓને ખ્રિસ્તી ધર્મના પ્રચાર પ્રસારને લગતા પુસ્તક વંચાવવામાં આવતા હતા. આ સિવાય તેમને ગળામાં ક્રોસ પણ પહેરાવતા હતા.

હાલમાં નેશનલ કમિશન ફોર પ્રોટેક્શન ઓફ ચાઈલ્ડ્સ રાઈટ્સના ચેરપર્સન પ્રિયાંક કાનુંગો તેમજ અન્ય અધિકારીઓ ટીમ માટે સંસ્થામાં પહોંચ્યા હતા. આ દરમિયાન મિશનરીમાં આઠ જેટલી બાઈબલ હિંદુ છોકરીઓના નામે ઈશ્યૂ કરવામાં આવી હોવાની વિગતો કેન્દ્રની ટીમને મળી હતી. આ સિવાય બાળમજૂરી દરમિયાન મળી આવેલા બાળકોને સંસ્થામાં સોંપાયા બાદનો રિપોર્ટ પણ કેન્દ્રની ટીમને મળ્યો નહોતો.

રાજ્યમાં ઓમિક્રોનનો ચોથો કેસ નોંધાયો, સુરતની વ્યક્તિ સંક્રમિત હોવાનું સામે આવ્યું
તપાસ દરમિયાન મિશનરી ઓફ ચેરિટી ચિલ્ડ્રન હોમ ફોર ગર્લ્સમાં રહેતી બાળકીઓનું ધર્માંતરણ કરાવવામાં આવતું હોવાની શક્યતા લાગતી હતી. તેથી, આ મામલે વડોદરા કલેક્ટરને રિપોર્ટ સોંપાતા જિલ્લા સમાજ સુરક્ષાના અધિકારી અને ચાઈલ્ડ વેલફેર કમિટી દ્વારા સંસ્થાની મુલાકાત લેવામાં આવી હતી. આ દરમિયાન બાળકોને ધર્મપરિવર્તન કરવા માટે પ્રેરિત, અન્ય ધર્મમાં લગ્ન કરાવવા અને બાળમજૂરી કરતા છોડાવાયેલા બાળકો અંગે કોઈ તપાસ રિપોર્ટ મળી આવ્યો નહોતો. જે આધારે કમિટીના સભ્ય અને સમાજ સુરક્ષાના અધિકારી મયંક ત્રિવેદીએ મકરપુરા પોલીસ સ્ટેશનમાં ફરિયાદ નોંધાવી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here