ઠગની મીઠી-મીઠી વાતોમાં આવી ગઈ ડિવોર્સી મહિલા, ગિફ્ટના બહાને ₹2.18 લાખ પડાવ્યા – divorcee woman lured by conman deposited 2.18 lakh rupees to release gifts and other couriers

0


હાઈલાઈટ્સ:

  • ઈન્ટરનેટનો ઉપયોગ કરનાર લોકો માટે લાલબત્તી સમાન ઘટના.
  • મેટ્રીમોની વેબસાઈટ પર થઈ હતી મહિલા અને ઠગની મુલાકાત.
  • ગિફ્ટ છોડાવાવના બહાને અવારનવાર પૈસા જમા કરાવડાવ્યા.

અમદાવાદ- ઈન્ટરનેટ સાથે સંકળાયેલી સુવિધાઓનો ઉપયોગ વધ્યો છે તેની સાથે સાથે તે પ્રકારના ગુનામાં પણ વધારો થયો છે. મોટી સંખ્યામાં લોકો સાયબર ઠગાઈનો શિકાર બનતા હોય છે. સાયબર ક્રાઈમના અધિકારીઓ દ્વારા અવારનવાર આ બાબતે વિવિધ સૂચનાઓ આપવામાં આવતી હોય છે, પરંતુ મોટાભાગે જ્યાં પૈસાની વાત આવે ત્યાં લોકો ભૂલ કરી બેસતા હોય છે અને લાલચમાં પોતાનું જ નુકસાન કરાવે છે. એવા ઘણા કિસ્સા સામે આવ્યા છે જેમાં એવું કહેવામાં આવે છે કે વિદેશથી ગિફ્ટ કે પાર્સલ આવ્યું છે જેને છોડાવવા માટે કસ્ટમમાંથી છોડાવવા માટે પૈસા ભરવા પડશે. આ પ્રકારના કેસમાં વ્યક્તિ પૈસા ગુમાવે છે અને હકીકતમાં ગિફ્ટ કે પાર્સલ તો આવ્યુ જ નથી હોતું. સાયબર ક્રાઈમના અધિકારીઓએ આ પ્રકારના ફોન કોલથી સાવધ રહેવાની સલાહ ઘણી વાર આપી છે.

ક્રિકેટ મેચ એડવાન્સમાં બતાવી સટોડિયાને ફાયદો કરાવતો ભેજાબાજ ઝડપાયો

અમદાવાદ શહેરના ઘાટડોલિયા વિસ્તારમાં રહેતા એક ડિવોર્સી મહિલા સાથે આ જ પ્રકારની ઘટના બની છે. લગ્ન માટેના પોર્ટલ શાદી ડોટ કોમ પર તેઓ એક ગઠિયાના સંપર્કમાં આવ્યા હતા, જેણે કેનેડાથી ગિફ્ટ મોકલી હોવાનું બહાનું કરીને 2.18 લાખ રુપિયા પડાવ્યા હતા. મહિલાએ પોલીસ સ્ટેશનમાં ફરિયાદ કરતાં હવે આ બાબતે વધુ તપાસ હાથ ધરવામાં આવી છે. આ પ્રકારના કિસ્સા તમામ લોકો માટે લાલબત્તી સમાન હોય છે.

બે વર્ષની બાળકી રમતાં-રમતાં LED બલ્બ ગળી ગઈ, સિવિલમાં થઈ સફળતાપૂર્વક સર્જરી
પ્રાપ્ત જાણકારી અનુસાર શહેરના ઘાટલોડિયા વિસ્તારમાં રહેતા 41 વર્ષીય શિલ્પા(નામ બદલવામાં આવ્યું છે)ના છૂટાછેડા થઈ ગયા હતા. તેમણે ફરીથી જીવન શરુ કરવા માટે શાદી ડોટ કોમ પર પોતાનો બાયોડેટા મૂક્યો હતો. બાયોડેટાના આધારે 2020માં એક યુવકનો તેમના પર કોલ આવ્યો હતો. યુવકે પોતાનું નામ ડોક્ટર દેવરાજ પટેલ હોવાનુ કહ્યુ હતુ. તેણે દાવો કર્યો હતો કે તે કેનેડામાં રહે છે અને કેન્સરની બીમારીને કારણે તેની પત્નીનું પણ અવસાન થયું છે. ડોક્ટર પટેલે શિલ્પાને કહ્યું કે, પત્નીના મૃત્યુ પછી તે એકલો થઈ ગયો છે અને હવે યોગ્ય જીવનસાથીની શોધમાં છે.

શિલ્પા અને ડોક્ટર દેવરાજ વચ્ચે થોડા સમય સુધી વાતચીત થઈ અને વાત લગ્ન સુધી પહોંચી. શિલ્પાને લગ્ન પછી કેનેડા લઈ જવાની લાલચ આપવામાં આવી. શિલ્પા લગ્ન પછી કેનેડામાં નવું જીવન શરુ કરવાના સપના જોવા લાગી હતી. આ દરમિયાન દેવરાજે તેને ફોન કરીને જણાવ્યું કે તેણે કેનેડાથી પોતાના ડોક્યુમેન્ટ્સ અને એક ગિફ્ટ મોકલી છે, જે કૂરિયર છોડાવવા માટે અકાઉન્ટમાં 2500 રુપિયા જમા કરાવવાના છે. વંદનાએ ત્યારે તો પૈસા જમા કરાવ્યા જ, પરંતુ ત્યારપછી તેની પાસે અનેકવાર ગિફ્ટ છોડાવવાના બહાને અલગ અલગ અકાઉન્ટમાં પૈસા જમા કરાવવામાં આવ્યા. કુલ મળીને વંદનાએ 2.18 લાખ રુપિયા ભર્યા. આખરે જ્યારે તેને સમજાવવા લાગ્યું કે તે છેતરાઈ ગઈ છે, તેણે પૈસા ટ્રાન્સફર કરવાનું બંધ કર્યું અને પોલીસ સ્ટેશનમાં ફરિયાદ નોંધાવી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here