civil hospital: બે વર્ષની બાળકી રમતાં-રમતાં LED બલ્બ ગળી ગઈ, સિવિલમાં થઈ સફળતાપૂર્વક સર્જરી – ahmedabad two year old girl swallowed led bulb doctors of civil hospital removed it

0


હાઈલાઈટ્સ:

  • બાળકીના જમણી બાજુના ફેફસાં અને શ્વાસનળીમાં ફસાઈ ગયા બલ્બના બંને છેડા
  • બે વર્ષની બાળકી LED બલ્બ ગળી જતાં સિવિલના ડોક્ટરોએ તાત્કાલિક સર્જરી કરી
  • બાળકોને સંવેદનશીલ પદાર્થોથી દૂર રાખવાની ડોક્ટરોની માતા-પિતાને ખાસ સલાહ

અમદાવાદઃ ઘણીવાર નાના બાળકો રમત રમવામાં એવી હરકત કરી બેસતા હોય છે જેના કારણે તેમનો જીવ મુશ્કેલીમાં મૂકાઈ જાય છે. બે વર્ષની બાળકી સાથે પણ આવું જ કંઈક થયું હતું જ્યારે તે રમકડાંથી રમતી વખતે એલઈડી બલ્બ ગળી ગઈ હતી. આ બલ્બ તેની શ્વાસનળી સુધી પહોંચી ગયો હતો. એલઈડી બલ્બના ઈલેક્ટ્રોડ્સના બંને છેડામાંથી એક છેડો જમણી બાજુના ફેફસામાં જ્યારે બીજો છેડો શ્વાસનળીમાં ફસાઈ ગયો હતો. અમદાવાદ સિવિલ હોસ્પિટલના ડોક્ટરોએ ભારે જહેમતથી સર્જરી કરીને બલ્બને બહાર કાઢ્યો હતો.

પહેલા જ ટેસ્ટમાં ઓમિક્રોન દર્દીનો રિપોર્ટ નેગેટિવ, રહેણાંક સોસાયટી ક્લસ્ટર ઝોન જાહેર
10મી ડિસેમ્બરે બે બાળકો બાહ્ય પદાર્થ ગળી ગયા હોવાની અને દુખાવો થઈ રહ્યો હોવાની ફરિયાદ સાથે સિવિલ હોસ્પિટલમાં સારવાર માટે આવી પહોંચ્યા હતા. 2 વર્ષની છોકરી જ્યારે રમકડાથી રમી રહી હતી ત્યારે રમકડામાં લગાવેલો એલઈડી બલ્બ ગળી ગઈ હતી. આ વિશે તેની માતા રાજકુમારીને જાણ થતાં તેઓ તરત જ સિવિલ હોસ્પિટલ આવી પહોંચ્યા હતા. હોસ્પિટલમાં એક્સ-રે અને સીટી સ્કેન કરવામાં આવ્યું હતું. જેમાં બલ્બ શ્વાસનળીમાં ફસાઈ ગયો હોવાનું જાણવા મળ્યું હતું.

આવા જ બીજા એક કિસ્સામાં મહેસાણામાં રહેતા એક પરિવારની બે વર્ષની દીકરીને શ્વાસ લેવામાં તકલીફ પડી રહી હતી. સ્થાનિક હોસ્પિટલમાં સીટી સ્કેન કરાવતા તેની શ્વાસનળીમાં સિંગનો દાણો ફસાઈ ગયો હોવાનું ધ્યાનમાં આવ્યું હતું. જ્યાં તેમને આ સર્જરી અત્યંત જટિલ અને નિષ્ણાત તબીબો જ કરી શકશે તેમ કહેવામાં આવ્યું હતું. જે બાદ પરિવાર બે વર્ષની દીકરીને લઈને સિવિલ હોસ્પિટલ આવ્યો હતો. સિવિલના ડો. મહેશ વાઘેલા અને એનેસ્થેસિયા વિભાગના ડો. કિરણ પટેલે જટિલ સર્જરી કરી હતી.

ક્રિકેટ મેચ એડવાન્સમાં બતાવી સટોડિયાને ફાયદો કરાવતો ભેજાબાજ ઝડપાયો
બલ્બ ગળી ગયેલી છોકરીની સમસ્યા વધારે જટિલ હતી. જે સિવિલ હોસ્પિટલના સુપ્રીટેન્ડેન્ટ અને બાળરોગ સર્જરી વિભાગના વડા ડો. રાકેશ જોશી અને તેમની ટીમે એનેસ્થેસિયા વિભાગના ડો. સીમા ગાંધીના સહયોગથી સર્જરી હાથ ધરીને સફળતાપૂર્વક પાર પાડી હતી.

સિવિલના સુપ્રીટેન્ડેન્ટ ડો. રાકેશ જોશીએ દરેક માતા-પિતાને તેમના પાંચ વર્ષથી નાની ઉંમરના બાળકોને સંવેદનશીલ પદાર્થોથી દૂર રાખવાની સલાહ આપી હતી. તેમણે કહ્યું હતું કે, બાળકો જ્યારે પદાર્થ ગળી જાય ત્યારે બંને કિસ્સા મુજબ તે શ્વાસનળીમાં પ્રવેશે છે. જેનાથી બાળક ગંભીર સ્થિતિમાં મૂકાઈ શકે છે. અગાઉ પણ જ્વલંત પદાર્થો ગળી જવાના ઘણા કેસ સામે આવી ચૂક્યા છે. આ પ્રકારની તકલીફથી બચવા માટે સાવચેતી એ જ સલામતીને ધ્યાનમાં રાખીને પોતાના બાળકની સારસંભાળ રાખવી જોઈએ.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here