ahmedabad cyber crime branch: ક્રિકેટ મેચ એડવાન્સમાં બતાવી સટોડિયાને ફાયદો કરાવતો ભેજાબાજ ઝડપાયો – ahmedabad cyber crime team nabs man from west bengal who broadcasting cricket match in advance

0


હાઈલાઈટ્સ:

  • ઝડપાયેલો શખ્સ ટીવી ચેનલ સોર્સ ક્રેક કરીને ક્રિકેટ સહિતની મેચ એડવાન્સમાં પ્રસારિત કરી દેતો
  • આને કારણે સટોડિયાઓને ખાસ્સો ફાયદો, જ્યારે પ્રાઈવેટ ટીવી ચેનલોને મોટું નુકસાન થતું હતું
  • પ્રાઈવેટ ચેનલ દ્વારા અમદાવાદ સાયબર ક્રાઈમને ફરિયાદ કરતા તપાસ હાથ ધરવામાં આવી હતી

અમદાવાદ: ક્રિકેડની મેચ એડવાન્સમાં બતાવીને ચેનલોને કરોડોનું નુકસાન કરાવાનાર ભેજાબાજને અમદાવાદ સાયબર ક્રાઈમની ટીમ પશ્ચિમ બંગાળમાંથી ઝડપી લીધો છે. પ્રાપ્ત માહિતી અનુસાર ઝડપાયેલો શખ્સ જુદી-જુદી ટીવી ચેનલ અને મૂવીની એપ્લિકેશન સોર્સ ક્રેક કરીને ક્રિકેટ સહિતની મેચ એડવાન્સમાં પ્રસારિત કરી દેતો હતો. જો કે, હવે તેની ધરપકડ કરાતા પ્રાઈવેટ ટીવી ચેનલોને રાહત થઈ છે.

મીડિયા રિપોર્ટ મુજબ અમદાવાદ સાયબર ક્રાઈમને એક પ્રાઈવેટ ચેનલ તરફથી ફરિયાદ મળી હતી કે, તેમના દ્વારા પ્રસારિત થતી મેચ કોઈ એપ્લિકેશન થકી એડવાન્સમાં બતાવીને તેઓને લાખો-કરોડોનું નુકસાન થઈ રહ્યું છે. ચેનલ દ્વારા સાયબર ક્રાઈમને એવી પણ રજૂઆત કરવામાં આવી હતી કે, કોઈ સિગ્નલ ચોરી કરીને અમુક એપ્લિકેશન ડાઉનલોડ કરી તેનું પ્રસારણ લાઈવ બતાવી રહ્યો છે. આ ફરિયાદના આધારે તપાસ હાથ ધરવામાં આવી હતી.

ત્યારબાદ સાયબર ક્રાઈમે ટેક્નિકલ એનાલિસિસ કરતા પશ્ચિમ બંગાળના ગંગાપુરનો નિતાઈ નિરંજન સરકાર નામનો યુવક આવી કારીગકરરી કરતો હોવાનું સામે આવતા અમદાવાદ સાયબર ક્રાઈમની ટીમ તરત જ આ યુવકને વેસ્ટ બંગાળ ઝડપી લીધો હતો. નિતાઈ એપ્લિકેશન બનાવી સિગ્નલ હેક કરીને મેચનું પ્રસારણ કરી રહ્યો હતો. સ્પોર્ટસને લગતા પ્રસારણ તે થોડી મિનિટો પહેલા પ્રસારિત કરી દેતો અને તેના માટે તે 5 હજાર રૂપિયા લેતો હતો. તેણે કેટલીક પ્રતિબંધિત પાકિસ્તાની ચેનલાનું પણ પ્રસારણ એપ્લિકેશન થકી બતાવ્યું હોવાનું તપાસમાં જાણવા મળ્યું છે.

સાયબરની ટીમ દ્વારા પૂછપરછમાં એવું પણ સામે આવ્યું કે, તે એડવાન્સ પ્રસારણ બતાવવાના 5 હજાર લેતો હતો. આ ઉપરાંત નિતાઈએ ટી-20 વર્લ્ડ કપનું પણ એડવાન્સમાં પ્રસારણ કરી દીધું હતું તેવી પણ વિગતો સામે આવતા સાયબર ક્રાઈમના અધિકારીઓ ચોંકી ગયા હતા. આમ નિતાઈ સરકારની આ હરકતને લઈને સટોડિયાઓને ખાસ્સો ફાયદો થતો હતો, જ્યારે પ્રાઈવેટ ટીવી ચેનલોને મોટું નુકસાન થતું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here