Aeshra Patel Kavitha village sarpanch election: ગ્રામ પંચાયતની ચૂંટણીમાં મોડલની એન્ટ્રી, કાવીઠા ગામથી લડશે સરપંચની ચૂંટણી – mumbai supermodel aeshra patel registered her candidature for kavitha village sarpanch election

0


વડોદરા: ગુજરાતની ગ્રામ પંચાયતની ચૂંટણીમાં મુંબઈની સુપર મોડલની એન્ટ્રી થઈ છે. પ્રાપ્ત માહિતી અનુસાર મુંબઈમાં મોડેલિંગ કરતી એશ્રા પટેલે વતનમાં સરપંચ પદ માટે ઉમેદવારી નોંધાવી છે અને તે છોટા ઉદેપુર જિલ્લાના સંખેડા તાલુકાના કાવિઠા ગામમાંથી સરપંચની ચૂંટણી લડશે. અહીં સરપંચ પદ માટે ચાર મહિલાઓએ ઉમેદવારી નોંધાવી છે. જેમાં મો઼ડલ એશ્રા પટેલનો પણ સમાવેશ થાય છે.

પ્રાપ્ત માહિતી અનુસાર એશ્રા પટેલ અનેક એડ ફિલ્મમાં તેમજ શાહરુખ ખાન અને અમિતાભ બચ્ચન સાથે પણ કામ કરી ચૂકી છે. પ્રાપ્ત માહિતી અનુસાર છોટાઉદેપુરના સંખેડા તાલુકાના કાવીઠા ગામમાં પ્રથમ વખત સરપંચપદ માટે સામાન્ય મહિલાની બેઠક આવી છે. આ બેઠક માટે 4-4 મહિલાએ ઉમેદવારી નોંધાવી હતી. જેમાં કાવીઠા ગામની અને મુંબઈમાં મોડેલિંગ કરતી એશ્રા (નિપા) પટેલને પણ સામેલ છે.

મીડિયા રિપોર્ટ મુજબ એશ્રાએ કેન્સર અવરેનસ માટે અમિતાભ બચ્ચન સાથે કામ કર્યું હતું. તેમજ 100થી વધુ બ્રાન્ડને પ્રમોટ કરી ચૂકી છે. તેણીએ પોંડ્સ, પેંટિન, પ્રોવોગ, એશિયન પેઇંટ્સ, રેમંડ જેવી એડ ફિલ્મસ માટે પણ કામ કર્યું છે. ઉલ્લેખનીય છે કે, એશ્રાના પિતા નરહરિ પટેલ પણ ગામના સરપંચ રહી ચૂક્યાં છે. એશ્રાએ સરપંચની ચૂંટણી મુદ્દે વાત કરતા જણાવ્યું કે, સમગ્ર દુનિયા વિકાસના પંથે છે. દરેક દેશ વિકાસ કરી રહ્યો છે તો મારા દેશનું આ ગામ કેમ તેનાથી વંચિત રહે. મારા ગામ માટે કંઇક કરવાની ઈચ્છાએ મને ચૂંટણી લડવા માટે પ્રેરણા આપી છે.

મહત્વનું છે કે, ગુજરાત ગ્રામ પંચાયત ચૂંટણીની જાહેરાત રાજ્ય ચૂંટણી પચં દ્રારા કરવામાં આવી છે. ડિસેમ્બરમાં રાજ્યમાં 10879 ગ્રામ પંચાયતોમાં ચૂંટણીઓ યોજાશે. અને આ ગ્રામ પંચાયતના મહાસંગ્રામનું મતદાન 19 ડિસેમ્બરે થશે. આ મતદાનની મતગણતરી 21 ડિસેમ્બરના રોજ કરવામાં આવશે. ચૂંટણી પ્રક્રિયા 24 ડિસેમ્બરે પુન કરવામાં આવશે. ચૂંટણીની સમગ્ર મતદાનની વ્યવસ્થા માટે 17 પ્રાંત અધિકારીઓને જવાબદાર સોંપવાની માહિતી પણ સામે આવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here