unique marriage: અનોખા લગ્નઃ દુલ્હન ઘોડા પર થઈ સવાર, બેન્ડવાજા સાથે જાન લઈ વરરાજાને લેવા પહોંચી – unique wedding: the bride rides on mare, arrives with baraat to pick up the groom

0


હાઈલાઈટ્સ:

  • બિહારના ગયામાં જોવા મળ્યા અનોખા લગ્ન
  • ઘોડા પર સવાર થઈને દુલ્હન જાન લઈને વરરાજાને લેવા પહોંચી
  • છોકરા અને છોકરી વચ્ચે ભેદભાવ દૂર કરવા દુલ્હને આ નિર્ણય કર્યો

સામાન્ય રીતે વરરાજા ઘોડી પર બેસીને જાન લઈને દુલ્હનને લેવા માટે જતો હોય છે. પણ હવે જમાન બદલાઈ ગયો છે. પુરુષ અને મહિલાઓ વચ્ચેના ભેદભાવને દૂર કરવા માટે બિહારમાં એક દુલ્હન ઘોડા પર ચઢીને જાન લઈ વરરાજાને લેવા માટે પહોંચી હતી. આ અનોખા લગ્નને જોવા માટે મોટી સંખ્યામાં લોકો એકઠા થયા હતા. દુલ્હન ઘોડા પર બેસીને ડાન્સ કરી રહી હતી, જ્યારે તેના સંબંધીઓ બેન્ડવાજાના તાલે નાચતાં નાચતાં વરરાજાના ત્યાં પહોંચ્યા હતા.

bihar bride mare


બિહારના ગયા શહેરના ચાંદચૈરાની રહેવાસી અનુષ્કા ગુહા કોલકાતામાં ઈન્ડિગો એરલાઈન્સમાં એર હોસ્ટેસ તરીકે કામ કરે છે. જ્યારે તેના લગ્ન પશ્ચિમ બંગાળના કોલકાતાના રહેવાસી જીત મુખર્જી સાથે થયા હતા. ગયાના ચાંદચૈરામાં આવેલ સિજુઆર ભવન ધર્મશાળાથી દુલ્હન ઘોડા પર સવાર થઈને વરરાજાને લેવા માટે હોટેલ પર પહોંચી હતી. આ જાનને જોવા માટે મોટી સંખ્યામાં સ્થાનિકો રસ્તા પર એકઠા થઈ ગયા હતા. દુલ્હન હોટેલ પર પહોંચતાં જ યુવકના પરિવારજનોએ તેનું સ્વાગત કર્યું હતું. જે બાદ ઘોડા પર સવાર દુલ્હનની પાછળ-પાછળ વરરાજા કાર લઈને લગ્નના સ્ટેજ સુધી પહોંચ્યા હતા.

આ અંગે દુલ્હન અનુષ્કાએ કહ્યું કે, આજે પણ છોકરા અને છોકરીઓમાં ભેદભાવ કરવામાં આવે છે. છોકરીઓને છોકરાઓ સમકક્ષ લાવવા માટે આ પ્રકારની મુહિમની ખાસ જરૂર છે. આને એક બદલાવ તરીકે જોવો જોઈએ. છોકરા જ કેમ જાન લઈને પોતાની દુલ્હનને લેવા માટે જાય, દુલ્હન પણ કેમ આવું કરી ન શકે? તો બીજી બાજુ વરરાજા જીત મુખર્જીએ કહ્યું કે, આ પ્રકારના કામથી સમાજમાં એક સારો સંદેશો ફેલાય છે. આપણે અન્યોને સુધરવાની આશા રાખીએ છીએ પણ પોતે જ એ ભૂલ કરીએ છીએ. એટલા માટે પરિવર્તનનો પ્રારંભ પોતાનાથી જ કરવો જોઈએ. આજે છોકરીઓ છોકરાઓની સાથે પગથી પગ મળાવીને ચાલે છે, તેમાં ખોટું શું છે.

bihar bride mare 1

વરરાજાના પિતા રુદલ ફરેરાએ પોતાના પુત્ર અને પુત્રવધૂના વખાણ કરતાં કહ્યું કે, આ ખુબ જ સારું પગલું છે. કોઈપણ ઉંમરના લોકોને આ નિર્ણય અંગે સમજાવવામાં આવે તો તેઓ સરળતાથી સમજી જશે કે આમાં કાંઈ ખોટું નથી. દુનિયા હવે આ દિશામાં આગળ ચાલી રહી છે. દુલ્હનની માતા સુષ્મિતાએ કહ્યું કે, દીકરીના આઈડિયા પર જમાઈનો સાથ મળ્યો હતો અને આ અનોખા લગ્નને લઈને સમગ્ર પરિવારમાં ભારે ઉત્સાહ હતો. અને હવે અમારો તમામ પરિવાર પણ આ પ્રકારે પોતાના દીકરા અને દીકરીઓના લગ્ન કરવા માટે તૈયાર છે.

(IANSના ઈનપુટની સાથે)



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here