punjab election: હરભજન સિંહ કોંગ્રેસમાં જોડાશે? નવજોત સિંહ સિદ્ધુ સાથે કરી મુલાકાત – punjab congress chief navjot singh sidhu shared a photo with harbhajan singh

0


હાઈલાઈટ્સ:

  • પંજાબ કોંગ્રેસના અધ્યક્ષ નવજોત સિંહ સિદ્ધુએ હરભજન સાથેનો ફોટો સોશ્યલ મીડિયા પર પોસ્ટ કર્યો.
  • પંજાબ વિધાનસભાની આગામી વર્ષે ચૂંટણી યોજાવાની છે, ત્યારે આ ફોટાએ ચર્ચા જગાવી.
  • અગાઉ હરભજન ભાજપમાં જોડાવાનો હોવાના ફેક ન્યૂઝ વહેતા થયા હતા.

નવી દિલ્હી: પંજાબ કોંગ્રેસના અધ્યક્ષ નવજોત સિંહ સિદ્ધુએ ભારતીય ક્રિકેટ ટીમના અનુભવી ઓફ સ્પિનર હરભજન સિંહ સાથેનો ફોટો સોશ્યલ મીડિયા પર શેર કરી બજાર ગરમ કરી દીધું છે. સિદ્ધુએ પોતાના ઓફિશિયલ ટ્વિટર હેન્ડલ પર બુધવારે હરભજન સાથે એક તસવીર શેર કરી. તેમાં તેમણે કેપ્શનમાં લખ્યું હતું કે, ‘શક્યતાઓથી ભરેલી તસવીર… ચમકતા સ્ટાર ભજ્જી સાથે.’

પંજાબમાં આગામી વર્ષે વિધાનસભા ચૂંટણી યોજાવાની છે. સત્તાધારી કોંગ્રેસને ઉખાડી ફેંકવા માટે બધા વિપક્ષોએ જોર લગાવવાનું શરૂ કરી દીધું છે. અકાલી દળ, ભાજપ, આમ આદમી પાર્ટીએ મતદારોને રિઝવવા માટે પ્રયાસો શરૂ કરી દીધા છે.

BCCIમાં સામે આવ્યો મોટો વિવાદ, વિરાટનો દાવો સાચો કે સૌરવ ગાંગુલીનો?

આ દરમિયાન અહેવાલ આવ્યા છે કે, પંજાબથી જ આવતા બે ભારતીય ક્રિકેટર હરભજન સિંહ અને યુવરાજ સિંહ ભાજપમાં સામેલ થઈ શકે છે. જોકે, હરભજને તેને ફેક ન્યૂઝ જણાવ્યા હતા.

કહાં ગયા વો યારાના… જ્યારે કોહલીએ રોહિત શર્મા માટે રિપોર્ટર સાથે ઝઘડો કર્યો હતો
હરભજને તે સમયે આ મામલે પ્રતિક્રિયા આપી હતી .ટીમ ઈન્ડિયા માટે 700 ઈન્ટરનેશનલ વિકેટ લેનારા હરભજને આવા જ એક ન્યૂઝને રીટ્વીટ કરતા તેને ખોટા જણાવ્યા હતા. હરભજને કેપ્શનમાં લખ્યું હતું કે, ફેક ન્યૂઝ. તે પછી એ બધી અટકળો પર પૂર્ણવિરામ મૂકાઈ ગયું હતું, જે હરભજનને રાજકારણ સાથે જોડતી હતી. જોકે, હવે સિદ્ધુએ શેર કરેલા ફોટાથી હરભજનના રાજકારણમાં આવવાને લઈને ફરીથી અટકળો શરૂ થઈ ગઈ છે.

ઉલ્લેખનીય છે કે, થોડા સમય પહેલા અહેવાલ આવ્યા હતા કે, હરભજન સિંહ ડિસેમ્બર મહિનામાં જ ક્રિકેટમાંથી નિવૃત્તિની ઔપચારિક જાહેરાત કરે તેવી શક્યતા છે. તેમાં કહેવાયું હતું કે, ક્રિકેટમાંથી નિવૃત્તિ લઈને તે આઈપીએલની કોઈ ફ્રેન્ચાઈઝી સાથે સપોર્ટ સ્ટાફ તરીકે જોડાશે. જોકે, છેલ્લા કેટલાક દિવસોના ઘટનાક્રમ અને હવે સિદ્ધુ સાથેની તસવીરે તે રાજકરણમાં પ્રવેશવાનો હોવાની ચર્ચા શરૂ થઈ ગઈ છે. જોકે, હરભજન રાજકારણમાં જોડાશે કે આઈપીએલની કોઈ ફ્રેન્ચાઈઝીનો સપોર્ટ સ્ટાફ બનશે તેની તો આવનારા સમયમાં જ જાણ થશે.

પટણાની ગાયોને મળી દિલ્હીવાળી દુલ્હન, રાબડી દેવીએ આખો બંગલો બતાવ્યો



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here