virat kohli and sourav ganguly controversy: BCCIમાં સામે આવ્યો મોટો વિવાદ, વિરાટનો દાવો સાચો કે સૌરવ ગાંગુલીનો? – big controversy came out in bcci, virat contradicts sourav ganguly’s claim

0


હાઈલાઈટ્સ:

  • વિરાટ કોહલી અને બીસીસીઆઈ તેમજ સૌરવ ગાંગુલી આમને-સામને
  • કોહલીએ કહ્યું કે, ટી20 ટીમનું સુકાનીપદ છોડવાના નિર્ણયને બોર્ડે આવકાર્યો હતો
  • જો કે, ગાંગુલીએ કહ્યું હતું કે, અમે ટી20નું સુકાનીપદ ન છોડવા વિરાટને વિનંતી કરી હતી
  • હવે આ મામલે કોણ સાચું? સૌરવ ગાંગુલી કે વિરાટ કોહલી?

સાઉથ આફ્રિકાના પ્રવાસ પહેલાં ટીમ ઈન્ડિયાની પ્રેસ કોન્ફરન્સમાં મસમોટો વિવાદ સામે આવ્યો છે. વિરાટ કોહલી અને બીસીસીઆઈ વચ્ચે બધું બરાબર નથી તે સ્પષ્ટ જાહેર થઈ ચૂકયું છે. અને હવે વિરાટ કોહલી અને સૌરવ ગાંગુલી બંનેમાંથી કોણ સાચું તેનો સવાલ ઉભો થયો છે. બુધવારે પ્રેસ કોન્ફરન્સમાં વિરાટ કોહલીએ જણાવ્યું હતું કે, ટી20 વર્લ્ડ કપ અગાઉ ટી20 ટીમનું સુકાનીપદ છોડવાના નિર્ણયની જાણ મેં વર્લ્ડ કપ અગાઉ કરી દીધી હતી અને બીસીસીઆઈના ટોચના અધિકારીઓએ આ નિર્ણયનું સ્વાગત કર્યું હતું. જો કે, થોડા દિવસ અગાઉ જ સૌરવ ગાંગુલીએ નિવેદન આપ્યું હતું કે, વિરાટ કોહલીને ટી20 ટીમનું સુકાનીપદ ન છોડવા માટે બોર્ડ દ્વારા કહેવામાં આવ્યું હતું. હવે, આજની પ્રેસ કોન્ફરન્સ બાદ સવાલ ઉઠી રહ્યા છે કે, વિરાટ કોહલીનો દાવો સાચો છે કે, પછી બીસીસીઆઈ પ્રમુખ સૌરવ ગાંગુલીનો?

ટી20 ટીમનું સુકાનીપદ છોડવાના નિર્ણયને BCCIએ આવકાર્યો હતોઃ વિરાટ

યુએઈમાં ટી20 વર્લ્ડ કપની શરૂઆતના ઠીક પહેલાં જ વિરાટ કોહલીએ ટી20 ટીમનું સુકાનીપદ છોડવાની જાહેરાત કરતો ધડાકો કર્યો હતો, જે બાદ ક્રિકેટ જગતમાં સન્નાટો ફેલાઈ ગયો હતો. આજે બુધવારે પ્રેસ કોન્ફરન્સને વર્ચ્યુઅલી સંબોધતાં વિરાટ કોહલીએ કહ્યું કે, જ્યારે મેં ટી20નું સુકાનીપદ છોડવાનો નિર્ણય કર્યો, અને મારા આ નિર્ણય અંગે બીસીસીઆઈને જાણ કરી, ત્યારે તેઓએ આ નિર્ણયને સારી રીતે લીધો હતો. તે સમયે કોઈ વિરોધ કે અચકાટ ન હતી. મને કહેવામાં આવ્યું કે, આ યોગ્ય દિશામાં કરવામાં આવેલો ખુબ જ પ્રગતિશીલ નિર્ણય છે.

ટેસ્ટ અને વન-ડેના કેપ્ટન તરીકે ચાલુ રહેવા સ્પષ્ટ કહ્યું હતુંઃ વિરાટ

આ ઉપરાંત વિરાટે કહ્યું કે, આ નિર્ણયની સાથે મેં તેઓને એમ પણ કહ્યું હતું કે હું ટેસ્ટ અને વન-ડે ટીમનો સુકાની રહેવા માગુ છું, પણ જો સિલેક્ટર્સ અને અધિકારીઓ ઈચ્છે કે હું કોઈપણ જવાબદારી ન સંભાળું તો તેના માટે પણ હું તૈયાર છુ. હું શું કરવા માગું છું તેને લઈને કરવામાં આવેલો મારો સંચાર એકદમ સ્પષ્ટ હતો. મેં તેમને વિકલ્પ આપ્યો હતો, જો તેઓને લાગતું ન હોય તો (ટેસ્ટ અને વન-ડે ટીમનો કેપ્ટન), નિર્ણય તેમના હાથમાં હતો.

હું વન-ડે સિરીઝ રમવા માટે તૈયાર, રોહિત શર્માને મિસ કરીશ: વિરાટ કોહલી

સૌરવ ગાંગુલીએ કહ્યું હતું કે, વિરાટને ટી20 ટીમનું સુકાનીપદ ન છોડવા વિનંતી કરી હતી

ઉલ્લેખનીય છે કે, થોડા દિવસ અગાઉ બીસીસીઆઈ પ્રેસિડેન્ટ સૌરવ ગાંગુલીએ કહ્યું હતું કે, ટી20 ટીમનું સુકાનીપદ ન છોડવા માટે તેણે વિરાટ કોહલીને વિનંતી કરી હતી. ગાંગુલીએ ન્યૂઝ 18 સાથે વાતચીત કરતાં કહ્યું હતું કે, ટી20 ટીમનું સુકાનીપદ ન છોડવા માટે મેં તેને વ્યક્તિગત વિનંતી કરી હતી. સ્વાભાવિક છે કે, તે વર્કલોડને અનુભવી રહ્યો હતો. અને તે યોગ્ય છે, તે એક મહાન ક્રિકેટર છે, અને ક્રિકેટ પ્રત્યે તે ખુબ જ આક્રમક છે. તે લાંબા સમયથી સુકાની છે અને હવે આ વસ્તુ બની ગઈ. હું પણ અનેક વર્ષો સુધી સુકાની રહ્યો છું, તેથી જાણી શકું છું કે, તેઓને વ્હાઈટ બોલ માટે માત્ર એક કેપ્ટન જોઈએ છે. અને આ જ કારણે આ નિર્ણય લેવામાં આવ્યો છે.
કોહલીના ODI બ્રેકથી BCCI બેચેન, મનાવવાના તમામ પ્રયાસ, શું વિરાટ માનશે?
આ ઉપરાંત 33 વર્ષીય વિરાટ કોહલીએ વન-ડેના સુકાની તરીકે હટાવવા અંગેના કારણ અંગે કહ્યું કે, સ્વાભાવિક છે કે અમે એકપણ આઈસીસી ટુર્નામેન્ટ જીત્યા ન હતા. તેઓએ આ નિર્ણય કેમ કર્યો હશે તેની પાછળનો તર્ક હું સમજી શકું છું. આ ઉપરાંત વિરાટે રોહિત અને રાહુલ દ્રવિડની પ્રશંસા કરતાં કહ્યું હતું કે, રોહિત શર્મા ખુબ જ કાબેલ કેપ્ટન છે, અને ઈન્ડિયા તેમજ આઈપીએલમાં પણ આપણે આ વસ્તુ જોઈ છે. આ સાથે રાહુલ ભાઈ પણ, અને બંનેને મારો પૂરતો સાથ હશે.

ઉલ્લેખનીય છે કે, વિરાટે એમ પણ ધડાકો કર્યો હતો કે, સાઉથ આફ્રિકા પ્રવાસ માટે ટીમ જાહેર કરવામાં આવે તેના દોઢ કલાક અગાાઉ જ તેને જાણ કરવામાં આવી હતી કે તેને વન-ડે ટીમના કેપ્ટન પદેથી હટાવવામાં આવ્યો છે. હવે ટી20 કેપ્ટનશિપ છોડવાના નિર્ણય અંગે વિરાટ કોહલી સાચો છે કે પછી સૌરવ ગાંગુલી તેને લઈને સવાલો ઉભા થઈ રહ્યા છે. બીસીસીઆઈમાં સામે આવી ચૂકેલો આ વિવાદ હજુ કેટલો આગળ વધે છે તે જોવું રહ્યું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here