fastet 4g download speed: 4G ડાઉનલોડ મામલે જિયોએ VI-એરટેલને ફરી પછાડ્યું, 24.1 MBPS સાથે ટોચ પર – trai data revealed jio again on top in 4g download speed

0


હાઈલાઈટ્સ:

  • 4G ડાઉનલોડ સ્પીડ મામલે જિયો પ્રથમ સ્થાન પર
  • બીજા સ્થાન પર VI અને ત્રીજા સ્થાન પર એરટેલ
  • 4G અપલોડ સ્પીડ મામલે VI ટોચ પર

દેશમાં સૌથી ફાસ્ટ 4G નેટવર્ક કોણ આપે છે તેને લઈને કંપનીઓ વચ્ચે ગળાકાપ સ્પર્ધા ચાલી રહી છે. દરેક કંપની પોતાનું 4G નેટવર્ક સૌથી ઝડપી હોવાનું દાવો કરે છે. પણ હાલમાં જ ટ્રાઈ દ્વાર નવેમ્બર મહિનાના 4G સ્પીડને લઈને આંકડાઓ જાહેર કરવામાં આવ્યા હતા. જેમાં 4G ડાઉનલોડ સ્પીડ મામલે જિયો પહેલા નંબરે છે, જ્યારે બીજા નંબરે વોડાફોન-આઈડિયા (VI) તો ત્રીજા સ્થાને એરટેલ છે.

નવેમ્બર મહિના દરમિયાન 4G ડાઉનલોડ સર્વિસ પ્રોવાઇડર્સમાં સૌથી વધુ 24.1 મેગાબાઇટ પ્રતિ સેકન્ડની સ્પીડ સાથે રિલાયન્સ જિયો સૌથી વધુ સરેરાશ સ્પીડ આપવાના ચાર્ટમાં ટોચ પર રહ્યું છે, તેમ ટેલિકોમ રેગ્યૂલેટરી ઓથોરિટી ઓફ ઇન્ડિયા (ટ્રાઈ) દ્વારા જાહેર કરાયેલાં તાજા ડેટામાં જણાવવામાં આવ્યું હતું.

ઓક્ટોબર મહિનામાં જિયોની ડાઉનલોડ સ્પીડ 21.9 એમબીપીએસ હતી, અને તેની સરખામણીમાં નવેમ્બર મહિનામાં જિયોની ડાઉનલોડ સ્પીડમાં 2.2 એમબીપીએસનો ઉછાળો જોવા મળ્યો હતો. જ્યારે નવેમ્બર મહિનામાં જિયોની 4G ડાઉનલોડ સ્પીડ એરટેલથી 10.2 એમબીપીએસ વધારે અને વીઆઈથી 7.1 એમબીપીએસ વધારે રહી હતી. એરટેલની 4G ડાઉનલોડ સ્પીડ 13.9 એમબીપીએસ હતી, જ્યારે વીઆઈની 17.0 એમબીપીએસ હતી.

નવેમ્બર મહિના દરમિયાન વોડાફોન આઇડિયા (VIL) અને ભારતી એરટેલના નેટવર્કે પણ સરેરાશ 4G ડાઉનલોડ સ્પીડમાં વધારો નોંધાવ્યો હતો. ગત મહિને એટલે કે ઓક્ટોબરની સરખામણીએ જિયો નેટવર્કે તેની સરેરાશ 4G ડાઉનલોડ સ્પીડમાં 10 ટકાનો વધારો નોંધાવ્યો હતો, જ્યારે VIL અને એરટેલ નેટવર્કે અનુક્રમે 8.9 ટકા અને 5.3 ટકાનો વધારો દર્શાવ્યો હતો.

ઓક્ટોબર મહિનામાં VILએ 4G અપલોડ સ્પીડમાં તેની સર્વોપરિતા જાળવી રાખી હતી. વીઆઈ કંપનીના નેટવર્કની સરેરાશ અપલોડ સ્પીડ 8 એમબીપીએસ હતી, જે છેલ્લા પાંચ મહિનાની સૌથી વધુ સ્પીડ છે. નવેમ્બર મહિનામાં એરટેલ અને જિયો નેટવર્કે તેમની મહત્તમ અપલોડ સ્પીડ અનુક્રમે 5.6 એમબીપીએસ અને 7.1 એમબીપીએસ જાળવી રાખી છે. આમ અપલોડ સ્પીડ મામલે વીઆઈ નંબર વન પર તો જિયો બીજા અને એરટેલ ત્રીજા સ્થાને રહી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here