green enerty: ગ્રીન એનર્જી ઉત્પાદનમાં ગુજરાત સમગ્ર દેશમાં ત્રીજા સ્થાને – gujarat at third position in the country in green energy production

0


હાઈલાઈટ્સ:

  • રાજ્યસભા સાંસદ પરિમલ નથવાણીએ બિન-અશ્મિભૂત ઊર્જા ઉત્પાદન ક્ષમતા અંગે પૂછ્યો હતો સવાલ.
  • દેશમાં ગ્રીન એનર્જી ઉત્પાદનમાં 17,658.18 મેગાવોટ સ્થાપિત ક્ષમતા સાથે ગુજરાત ત્રીજા નંબરે છે.
  • તમિલનાડુ 20,366.08 મેગાવોટ અને કર્ણાટક 20,303.49 મેગાવોટ ઉત્પાદન ક્ષમતા સાથે અનુક્રમે પહેલા અને બીજા સ્થાને છે.

નવી દિલ્હી: ગ્રીન એનર્જી ઉત્પાદનમાં ગુજરાત સમગ્ર દેશમાં ત્રીજા સ્થાને હોવાનું કેન્દ્ર સરકારે આજે રાજ્યસભમાં એક પ્રશ્નના જવાબમાં જણાવ્યું હતું. રાજ્યસભાના સાંસદ પરિમલ નથવાણીએ પૂછેલા પ્રશ્નના જવાબમાં ન્યૂ અને રિન્યુએબલ એનર્જી મંત્રી આર કે સિંહે જણાવ્યું હતું કે, ગુજરાત સમગ્ર દેશમાં 17,658.18 મેગાવોટ સ્થાપિત ક્ષમતા સાથે ગ્રીન એનર્જી ઉત્પાદનમાં સમગ્ર દેશમાં ત્રીજા સ્થાને છે.

મંત્રીએ જણાવ્યું હતું કે, ભારતની ન્યૂ અને રિન્યુએબલ કુલ વીજ ઉત્પાદન ક્ષમતા હાલમાં 1,56,347.45 મેગાવોટ છે અને ગુજરાત 17,658.18 મેગાવોટ સ્થાપિત ક્ષમતા સાથે સમગ્ર દેશમાં ગ્રીન એનર્જી ઉત્પાદન મામલે ત્રીજા નંબરનું સ્થાન ધરાવે છે. તેમણે જણાવ્યું કે, ગુજરાતની ગ્રીન એનર્જી ઉત્પાદન ક્ષમતામાં નાના કદની જળવિદ્યુત ઉત્પાદન ક્ષમતા 82.69 મેગાવોટનો, વિશાળ કદની જળવિદ્યુત ઉત્પાદન ક્ષમતા 1,990 મેગાવોટનો, પવનઊર્જાની ઉત્પાદન ક્ષમતા 8952.92 મેગાવોટનો, બાયો પાવર 99.88 મેગાવોટનો, સૌરઊર્જા ઉત્પાદન ક્ષમતા 6092.60 મેગાવોટનો અને પરમાણુ ઊર્જા ઉત્પાદન ક્ષમતા 440 મેગાવોટનો સમાવેશ છે.

ગ્રામ પંચાયતની ચૂંટણીમાં મોડલની એન્ટ્રી, કાવીઠા ગામથી લડશે સરપંચની ચૂંટણી

બિન-અશ્મિભૂત ઈંધણ સ્ત્રોતનો ઉપયોગ કરીને થતા વીજ ઉત્પાદનની ક્ષમતાના સંદર્ભમાં તમિલનાડુ 20,366.08 મેગાવોટ અને કર્ણાટક 20,303.49 મેગાવોટ ઉત્પાદન ક્ષમતા સાથે અનુક્રમે પહેલા અને બીજા સ્થાને હોવાનું પણ મંત્રીએ જણાવ્યું હતું.

રાજ્યસભા સાંસદ પરિમલ નથવાણીએ 2030 સુધીમાં 500 ગીગાવોટ બિન-અશ્મિભૂત ઊર્જા ઉત્પાદન ક્ષમતાના લક્ષ્યાંકને પ્રાપ્ત કરવા માટે સરકાર દ્વારા હાથ ધરાયેલી પહેલો અને દેશમાં વર્તમાન સમયમાં બિન-અશ્મિભૂત ઇંધણનો ઉપયોગ કરીને થતી ઊર્જા ઉત્પાદન ક્ષમતા અંગે પ્રશ્ન પૂછ્યો હતો.

કેન્દ્રીય ઊર્જા મંત્રીએ તેના જવાબમાં જણાવ્યું હતું કે, તાજેતરમાં સંપન્ન થયેલી CoP26માં માનનીય વડાપ્રધાનની જાહેરાત અનુસાર, સરકાર વર્ષ 2030 સુધીમાં બિન-અશ્મિભૂત ઇંધણ સ્ત્રોતોમાંથી 500 GW સ્થાપિત વીજ ઉત્પાદન ક્ષમતા હાંસલ કરવા માટે પ્રતિબદ્ધ છે. સરકાર દ્વારા લેવાયેલા પગલાં વિશે જણાવતા તેમણે કહ્યું હતું કે, સરકારે દેશમાં પુનઃપ્રાપ્ય ઊર્જા ઉત્પાદનને પ્રોત્સાહન આપવા માટે અનેક પગલાં લીધા છે જેમાં ઓટોમેટિક રૂટ હેઠળ 100 ટકા સુધી સીધું વિદેશી મૂડીરોકાણ (FDI)ને મંજૂરી આપવી, સૌર અને પવન ઊર્જાના આંતર-રાજ્ય વેચાણ માટે ઈન્ટર સ્ટેટ ટ્રાન્સમિશન સિસ્ટમ (ISTS) ચાર્જમાં માફીનો સમાવેશ થાય છે. આ ઉપરાંત 30મી જૂન 2025 સુધીમાં કાર્યરત થનારા પ્રોજેક્ટ્સ માટે, નવી ટ્રાન્સમિશન લાઈનો નાખવા અને પુનઃપ્રાપ્ય ઊર્જાને વિતરિત કરવા માટે નવા સબ-સ્ટેશનની ક્ષમતા ઊભી કરવી તથા વર્ષ 2022 સુધી રિન્યુએબલ પરચેઝ ઓબ્લિગેશન (RPO) માટેની વ્યવસ્થાની જાહેરાતોનો પણ સમાવેશ થાય છે.
સમયની સાથે દારૂબંધીમાં પણ પરિવર્તન આવી શકે છે: ભરતસિંહ
ઊર્જા મંત્રીએ જણાવ્યું કે, ધ્યેય પ્રાપ્ત કરવા માટેની પહેલોમાં આરઈ ડેવલપર્સને પ્લગ એન્ડ પ્લે ધોરણે જમીન અને ટ્રાન્સમિશન આપવા માટે આર.ઈ. પાર્કની સ્થાપના, પ્રધાન મંત્રી કિસાન ઊર્જા સુરક્ષા એવમ ઉત્થાન મહાઅભિયાન (PMKUSUM), સોલર રૂફટોપ ફેઝ ટુ, 12000 MW CPSU યોજના ફેઝ ટુ વગેરે જેવી યોજનાઓ તથા સોલાર ફોટોવોલ્ટેઇક સિસ્ટમ/ઉપકરણોની જમાવટ માટેના ધોરણોની સૂચના અને રોકાણને આકર્ષવા અને સુવિધા આપવા માટે પ્રોજેક્ટ ડેવલપમેન્ટ સેલની સ્થાપનાનો પણ સમાવેશ થાય છે. તેમણે જણાવ્યું કે, સરકારે ગ્રીડ કનેક્ટેડ સોલાર પીવી અને વિન્ડ પ્રોજેક્ટ્સમાંથી વીજળીની પ્રાપ્તિ માટે ટેરિફ આધારિત સ્પર્ધાત્મક બિડિંગ માટે સ્ટાન્ડર્ડાઈઝિંગ બિડિંગ ગાઇડલાઈન્સ જેવી પહેલ પણ કરી છે.

ઊર્જા મંત્રીના જણાવ્યા મુજબ, સરકારે આદેશો જારી કર્યા છે કે RE જનરેટર્સને વિતરણ પરવાનાધારકો દ્વારા સમયસર ચુકવણી સુનિશ્ચિત કરવા માટે લેટર ઓફ ક્રેડિટ (LC) અથવા એડવાન્સ પેમેન્ટ સામે પાવર મોકલવામાં આવશે. સાથે જ તેમણે કહ્યું કે, દેશમાં પાવર એક્સચેન્જ દ્વારા RE પાવરની પ્રાપ્તિની સુવિધા માટે ગ્રીન ટર્મ અહેડ માર્કેટ (GTAM) શરૂ કરવામાં આવ્યું છે.

ચટાકેદાર ચટણી સાથે અહીંની કચોરી, સેવ-મમરા ના ખાધા હોય તેવો અમદાવાદી શોધવો મુશ્કેલ છે!



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here