સરકારનો મહત્વનો નિર્ણય, મહિલાઓ માટે લગ્નની ઉંમર 18થી વધારીને 21 કરાશે – cabinet approves the proposal of raising marriageable age of women to 21

0


હાઈલાઈટ્સ:

  • મહિલા સશક્તિકરણ માટે કેબિનેટમાં મંજૂર કરવામાં આવ્યો પ્રસ્તાવ.
  • મહિલાઓ માટે લગ્નની કાયદાકીય ઉંમર 18થી વધારીને 21 કરાશે.
  • સ્વાતંત્ર્ય દિવસના સંબોધનમાં વડાપ્રધાન મોદીએ આપ્યો હતો સંકેત.

નવી દિલ્હી- દેશમાં યુવતીઓ માટે લગ્નની કાયદાકીય ઉંમર વધારવાની દિશામાં સરકારે એક મહત્વનું પગલું લીધું છે. બુધવારના રોજ કેબિનેટની બેઠકમાં મોદી સરકારે મહિલાઓ માટે લગ્નની કાયદાકીય ઉંમર વધારીને 21 વર્ષ કરવાના પ્રસ્તાવને મંજૂરી આપી દીધી છે. દેશમાં પુરુષોની લગ્ન માટેની કાયદાકીય ઉંમર 21 વર્ષ છે. એક વર્ષ પહેલા સ્વાતંત્ર્ય દિવસના સંબોધનમાં વડાપ્રધાન નરેન્દ્ર મોદીએ આ બાબતે સંકેત આપ્યા હતા. હવે સરકાર આ વિચારને અમલમાં મૂકવાની શરુઆત કરી રહી હોય તેમ લાગી રહ્યું છે.

સૂત્રો દ્વારા પ્રાપ્ત જાણકારી અનુસાર, કેબિટનેટમાં મંજૂરી મળ્યા પછી સરકાર બાળ લગ્ન અધિનિયમ 2006 તેમજ હિન્દુ લગ્ન અધિનિયમ 1955 જેવા કાયદામાં સંશોધન કરશે. કહેવામાં આવી રહ્યું છે કે જયા જેટલીની આગેવાની વાળી ટાસ્ક ફોર્સ દ્વારા ડિસેમ્બર 2020માં નીતિ આયોગને પોતાનો પ્રસ્તાવ સોંપવામાં આવ્યો હતો. આ પ્રસ્તાવના આધારે કેબિનેટમા મંજૂરી આપવામાં આવી છે. આ ટાસ્ક ફોર્સની રચના માતૃત્વની ઉંમરને લગતી બાબતો, માતાના મૃત્યુ દરને ઘટાડવાની જરુરિયાત, પોષણમાં સુધારને લગતી બાબતોની તપાસ માટે કરવામાં આવી હતી.

આર્ટિકલ 370 નાબૂદ થયા બાદ બહારના લોકોએ J&Kમાં કેટલી જમીન ખરીદી?

એક સમાચારપત્ર સાથેની વાતચીતમાં જયા જેટલીએ કહ્યું કે, હું ચોખવટ કરવા માંગુ છું કે અમારા પ્રસ્તાવનો હેતુ વસતી નિયંત્રણમાં લાવવાનો બિલકુલ નથી. રાષ્ટ્રીય પરિવાર સ્વાસ્થ્ય સર્વેના તાજેતરમાં જાહેર કરવામાં આવેલા આંકડા સ્પષ્ટપણે દર્શાવે છે કે પ્રજનન દરમાં ઘટાડો નોંધાયો છે અને વસતી નિયંત્રણમાં જ છે. મહિલાઓની લગ્નની ઉંમર ઘટાડવાનો વાસ્તવિક હેતુ મહિલાઓને સશક્ત કરવાનો છે.

કોરોનાથી મૃત્યુ પામેલા દરેક વ્યક્તિના સ્વજનોને રુ.50 હજારનું વળતર આપોઃ સુપ્રીમ કોર્ટ
ઉલ્લેખનીય છે કે ગત નવેમ્બરમાં કેન્દ્રીય સ્વાસ્થ્ય મંત્રાલયે રાષ્ટ્રીય પરિવાર કલ્યાણ સર્વેક્ષણ 5ના બીજા તબક્કાના આંકડા જાહેર કર્યા હતા. આ રિપોર્ટમાં દેશમાં પ્રજનન દરમાં ઘટાડો જોવા મળ્યો હતો. પ્રજનન દર 2.2 ટકાથી ઘટીને 2 ટકા થઈ ગયો છે. વર્ષ 2005-06માં નેશનલ ફેમિલી હેલ્થ સર્વે 3 દરમિયાન ટીએફઆર 2.7 હતો જે 2015-16માં ઘટીને 2.2 થઈ ગયો હતો. આ ઘટાડો દર્શાવે છે કે દેશમાં નજીકના ભવિષ્યમાં વસતી વિસ્ફોટ નથી થવાનો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here