Voter Id card link with Aadhar card: મતદાર કાર્ડ થશે આધાર સાથે લિંક, 10 સવાલ-જવાબ દ્વારા સમજો શું બદલાઈ જશે – modi cabinet clear draft bill for voter id card and aadhar card link here you have to know everything

0


હાઈલાઈટ્સ:

  • મોદી કેબિનેટે મતદાર કાર્ડને આધાર સાથે લિંક કરવાના પ્રસ્તાવને મંજૂરી આપી દીધી છે
  • આ પહેલા ચૂંટણી પંચે કેન્દ્ર સરકારને પત્ર લખીને ચૂંટણી કાર્ડને આધાર સાથે લિંક કરાવવા અંગે માંગણી કરી હતી.
  • જોકે મતદાર કાર્ડને આધાર સાથે લિંક કરવું વૈકલ્પિક હશે, ફરજિયાત નહીં હોય.

નવી દિલ્હીઃ દેશમાં ચૂંટણી સુધારણા તરફ એક વ્યાપક પગલું ભરતા કેન્દ્ર સરકારે આધારને મતદાર ઓળખ કાર્ડ સાથે લિંક કરવાના ડ્રાફ્ટ બિલને મંજૂરી આપી છે. જો કે, બિલમાં એ પણ સ્પષ્ટ કરવામાં આવ્યું છે કે બંને કાર્ડને લિંક કરવું ફરજિયાત નહીં હોય પરંતુ સ્વૈચ્છિક હશે. ચાલો જાણીએ કે કેન્દ્રના આ પગલા પછી શું બદલાઈ શકે છે.

1) ડ્રાફ્ટ બિલમાં શું છે?

– પીએમ નરેન્દ્ર મોદીની કેબિનેટે આ પ્રસ્તાવિત બિલમાં મતદાર કાર્ડને આધાર સાથે લિંક કરવાની મંજૂરી આપી દીધી છે. ચૂંટણી પંચ લાંબા સમયથી આ સુધારાની માંગ કરી રહ્યું છે. આ બિલ હેઠળ રિપ્રેઝન્ટેશન ઑફ પીપલ્સ એક્ટમાં ફેરફાર કરવામાં આવશે.

કોરોનાથી મૃત્યુ પામેલા દરેક વ્યક્તિના સ્વજનોને રુ.50 હજારનું વળતર આપોઃ સુપ્રીમ કોર્ટ

2) ડ્રાફ્ટ બિલ પર આગળ શું થશે?

– કેન્દ્ર સરકાર તેને શિયાળુ સત્રમાં સંસદમાં રજૂ કરશે. સંસદમાં તેના પર ચર્ચા થઈ શકે છે અને સભ્યો કેટલાક ફેરફારો વગેરે અંગે સરકારને અભિપ્રાય આપી શકે છે. સંસદ દ્વારા પસાર થયા પછી જ તે આગળ કાયદાનું સ્વરૂપ લઈ શકશે.

3) શું આ કરાવવું ફરજિયાત હશે?

– ના. સરકારે ડ્રાફ્ટ પ્રસ્તાવમાં તેને સ્વૈચ્છિક ગણાવ્યું છે. એટલે કે, જો કોઈ વ્યક્તિ તેના મતદાર કાર્ડને આધાર સાથે લિંક કરવા માંગે છે, તો તે આવું કરી શકે છે. પરંતુ તે ફરજિયાત રહેશે નહીં.

4) મતદાર અને આધાર કાર્ડ લિંક કરવાથી શું ફાયદો થશે?

– ચૂંટણી પંચના જણાવ્યા અનુસાર, મતદાર કાર્ડને આધાર સાથે લિંક કરવાથી મતદાનમાં છેતરપિંડી રોકી શકાશે. આ સિવાય ઈલેક્ટ્રોનિક વોટિંગની દિશામાં પણ આ એક મહત્વપૂર્ણ પગલું હશે. જો આનો અમલ થશે, તો સ્થળાંતરિત મતદારો જ્યાં તેમનું મતદાર કાર્ડ હશે ત્યાંથી તેમનો મત આપી શકશે.
મંગળ અને કેતુનો ગજબ સંયોગ, આ 15 દિવસ દરેક રાશિના જીવનમાં થશે મોટી ઉથલપ-પાથલ
5) મતદાર કાર્ડ સાથે આધાર લિંક કરવા પર અન્ય કયા લાભો મળશે?

– ઉદાહરણ તરીકે, કોઈ વ્યક્તિનું નામ તેના ગામની મતદાર યાદીમાં છે અને તે લાંબા સમયથી શહેરમાં રહે છે. તે વ્યક્તિ પોતાનું નામ શહેરની મતદાર યાદીમાં પણ નોંધાવી લે છે. આમ હાલમાં બંને જગ્યાએ જે તે વ્યક્તિનું નામ મતદાર યાદીમાં હોય છે. પરંતુ એકવાર આધાર સાથે લિંક થતાં જ માત્ર એક જગ્યાએ એક જ મતદારનું નામ મતદાર યાદીમાં રહેશે. એટલે કે વ્યક્તિ માત્ર એક જ જગ્યાએ પોતાનો મત આપી શકશે.

6) વોટર આઈડી કાર્ડ અને આધારને લિંક કરવાની શરૂઆત ક્યારે થઈ?

– ફેબ્રુઆરી 2015 માં, ભારતના ચૂંટણી પંચે મતદાર આઈડી કાર્ડ (EPIC) ને આધાર સાથે લિંક કરવાનું શરૂ કર્યું હતું. તેની શરૂઆત તત્કાલિન મુખ્ય ચૂંટણી કમિશનર એસએસ બ્રહ્માએ કરાવી હતી. જો કે, તે જ વર્ષે ઓગસ્ટમાં પીડીએસ, એલપીજી અને કેરોસીનના વિતરણમાં આધારના ઉપયોગ પર સુપ્રીમ કોર્ટે સ્ટે મૂક્યો હોવાને કારણે ચૂંટણી પંચ દ્વારા આ કાર્યવાહી પાછળથી રોકી દેવામાં આવી હતી. આ દરમિયાન લગભગ 38 કરોડ મતદાર કાર્ડને પણ આધાર સાથે લિંક કરવામાં આવ્યા હતા.

7) ચૂંટણી પંચે કેન્દ્ર પાસે શું માંગણી કરી?

– ઓગસ્ટ 2019માં ચૂંટણી પંચ વતી કાયદા મંત્રાલયના સચિવને એક પત્ર લખવામાં આવ્યો હતો. આ પત્રમાં જનપ્રતિનિધિત્વ અધિનિયમ 1950 અને આધાર અધિનિયમમાં સંશોધનના પ્રસ્તાવની માગણી કરવામાં આવી હતી. પંચની દલીલ એવી હતી કે આનાથી મતદાર યાદીમાં રહેલી વિસંગતતાઓ ટાળી શકાશે. પંચે પત્રમાં લખ્યું હતું કે આધાર લિંક થવાથી મતદાર કાર્ડની છેતરપિંડીથી બચી શકાશે અને નકલી મતદારોની સમસ્યા દૂર કરી શકાશે.
કમુરતા બેસતા જ સોની બજારમાં ચહલ-પહલ ઓછી થઈ, વેચાણમાં ઘટાડો
8) ડ્રાફ્ટ બિલમાં શું ફેરફારો છે?

– મતદાર કાર્ડ સાથે આધાર લિંક કરવા ઉપરાંત, મતદાર હવે એક વર્ષમાં 4 તારીખો 1 જાન્યુઆરી, 1 એપ્રિલ, 1 જુલાઈ અને 1 ઓક્ટોબરના દિવસે પોતાનું નામ મતદાર યાદીમાં ઉમેરી શકશે. અગાઉ આ કામ ફક્ત 1 જાન્યુઆરીએ જ થતું હતું. વર્તમાન સિસ્ટમ હેઠળ દર વર્ષની 1 જાન્યુઆરી સુધીમાં 18 વર્ષની વય પ્રાપ્ત કરનારને મતદાર બનવાનો અધિકાર મળે છે.

9) લિંગ ભેદભાવને સમાપ્ત કરવાની દરખાસ્તો શું છે?

– પ્રસ્તાવિત બિલમાં સશસ્ત્ર દળો અને કેન્દ્રીય સશસ્ત્ર પોલીસ દળોના કર્મચારીઓ માટે લિંગના આધારે ચૂંટણી નિયમોને એક સમાન બનાવવાનો પ્રસ્તાવ પણ સામેલ છે. આ હેઠળ, કમિશને મહિલા સૈન્ય કર્મચારીઓના પતિઓને સેવા મતદારનો દરજ્જો આપવા માટે જન પ્રતિનિધિત્વ કાયદામાં ફેરફારોની પેન્ડિંગ દરખાસ્તને લાગુ કરવા વિનંતી કરી હતી. હાલની વ્યવસ્થામાં સેનાના જવાનની પત્નીને સર્વિસ વોટરનો દરજ્જો મળે છે, પરંતુ મહિલા સર્વિસમેનના પતિને આ દરજ્જો આપવાની કોઈ જોગવાઈ નથી.

10) આ ડ્રાફ્ટ બિલમાં અન્ય શું દરખાસ્તો છે?

– અન્ય ઠરાવમાં, ચૂંટણી પંચને ચૂંટણી સંબંધિત જરૂરિયાતો માટે કોઈપણ જગ્યાનો કબજો લેવાની સત્તા આપવામાં આવી છે. આ દરખાસ્ત હેઠળ, પંચ હવે માત્ર મતદાન મથકો અથવા મતપેટીઓ અથવા ઇવીએમ રાખવા સિવાય અન્ય પ્રકારની જરૂરિયાતો માટે પરિસરનો ઉપયોગ કરી શકશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here