gaun seva paper leak: ગૌણ સેવા હેડ ક્લાર્ક પેપર લીક: 42 ઉમેદવારોને પેપર પહોંચાડાયું હોવાનો યુવરાજસિંહનો દાવો – gaun seva head clerk paper leak 42 candidates got leaked paper claims student leader yuvrajsinh jadeja

0


અમદાવાદ: ગૌણ સેવા પસંદગી મંડળ દ્વારા લેવામાં આવેલી હેડ ક્લાર્કની પરીક્ષાનું પેપર કથિત રીતે લીક થવાના મામલે હવે પોલીસે તપાસનો ધમધમાટ શરુ કર્યો છે. આ મામલે 11 જેટલા લોકોની અટકાયત કરવામાં આવી હોવાનું જાણવા મળી રહ્યું છે. બે લોકોને પેપર વેચાયા હોવાનું બહાર આવ્યું હોવાનું પણ સૂત્રો જણાવી રહ્યા છે. આ મામલે આજે સત્તાવાર જાહેરાત કરવામાં આવે તેવી શક્યતા છે. વિદ્યાર્થી નેતા યુવરાજસિંહે એવો પણ દાવો કર્યો છે કે 42 લોકોને પેપર મળ્યું હોવાના તેમની પાસે પુરાવા છે. આ આંકડો વધારે પણ હોઈ શકે છે. ઉલ્લેખનીય છે કે, આ ભરતી 186 પદો માટે હતી.

આ સમગ્ર મામલાને બહાર લાવનારા વિદ્યાર્થી નેતા યુવરાજસિંહ જાડેજાના જણાવ્યા અનુસાર, ગૌણ સેવા પસંદગી મંડળને પેપર લીકના પુરાવા આપવામાં આવ્યા છે, આ ઉપરાંત લેખિત ફરિયાદ પણ કરવામાં આવશે. તેમણે એવી પણ માગ કરી હતી કે ફરિયાદની રાહ જોવાના બદલે આ મામલે સરકાર કે ભરતી બોર્ડ પોતે ફરિયાદી બને. જો તેમ ના થયું તો પોતે પણ ફરિયાદી બનવા તૈયાર હોવાનું પણ યુવરાજસિંહે જણાવ્યું હતું.

યુવરાજસિંહે દાવો કર્યો હતો કે પેપર લીક સાથે સંકળાયેલા તેમજ લાભાર્થી એવા 16 જેટલા વિદ્યાર્થીઓને સાબરકાંઠા પોલીસે પકડ્યા છે. ગાંધીનગર પોલીસે પણ આઠ વ્યક્તિની અટકાયત કરી છે. પોલીસ તપાસમાં એક પછી એક લિંક ખૂલી રહી છે તેમ છતાંય જો સરકારને આટલા પુરાવા ઓછા પડતા હોય તો પોતે ગોપનીય પુરાવા આપવા હોવા તૈયાર હોવાનું પણ તેમણે કહ્યું હતું. ગૌણ સેવા પસંદગી મંડળના અધ્યક્ષની નિષ્પક્ષતા પર શંકા વ્યક્ત કરતા યુવરાજસિંહે એમ પણ કહ્યું હતું કે તેઓ પુરાવા એવા વ્યક્તિને જ આપશે કે જે તપાસ કરીને સત્ય બહાર લાવવામાં સક્ષમ હોય. જે વિદ્યાર્થીઓને પેપર મળ્યું છે તેમજ તેમની સાથે પૈસાની જે લેતી-દેતી થઈ છે તેના પુરાવા પોતાની પાસે હોવાનું યુવરાજસિંહે જણાવ્યું હતું.

પ્રાંતિજ પાસેના એક ફાર્મ હાઉસમાં ઉમેદવારોને બોલાવીને માસ્ટર માઈન્ડે પેપર આપ્યું હોવાના થોડા દિવસ પહેલા જ આક્ષેપ કરવામાં આવ્યા હતા. જોકે, તેના પર સ્પષ્ટતા આપતા ગૌણ સેવા પસંદગી મંડળના અધ્યક્ષ અસિત વોરાએ ગઈકાલે એવો દાવો કર્યો હતો કે પેપર લીક થયાના કોઈ પુરાવા નથી મળ્યા તેમજ આ અંગે કોઈ ફરિયાદ પણ નથી આવી. બીજી તરફ, આ મામલે પોલીસ તપાસ ચાલુ છે તેવામાં ગૃહમંત્રી, રાજ્યના પોલીસ વડા સહિતના લોકોને મળીને તપાસ જલ્દી થાય તેવું વિદ્યાર્થી નેતા યુવરાજસિંહે જણાવ્યું હતું.

ગૌણ સેવાના હેડ ક્લાર્કની પોસ્ટ માટેની પરીક્ષાનું પેપર લીક થવાના મામલે સાબરકાંઠા પોલીસે હિંમતનગરના કેતન નામના શખ્સની ધરપકડ કરી છે. કેતન પેપર લીકના મામલાનો માસ્ટર માઈન્ડ હોવાનું કહેવામાં આવી રહ્યું છે. કેતને ઉમેદવાર દીઠ 10 લાખ રૂપિયા લીધા હતા. રવિવારે પરીક્ષા હતી અને શનિવારે રાતે પ્રાંતિજ નજીક આવેલા ફાર્મ હાઉસમાં 42 ઉમેદવારોને પેપર આપી દેવામાં આવ્યું હતું. આ કેસમાં વધુ ત્રણ શખ્સની સંડોવણી હોવાની શક્યતા છે. કેતન પાસેથી આ માટે ઉપયોગમાં લેવામાં આવેલી કાર પણ કબ્જે કરવામાં આવી છે. જે ઉમેદવારોએ પરીક્ષા પહેલા પૈસા ચૂકવીને પેપર લીધું હોવાનું ધ્યાનમાં આવતા પોલીસે કેતનના બેંક અકાઉન્ટની પણ તપાસ કરી હતી. કેતને 42 વિદ્યાર્થીઓ પાસેથી 10-10 લાખ રૂપિયા લીધા હતા.

મળેલી માહિતી પ્રમાણે, જે કાર મળી આવી છે, તે પેપર લીક માટે પ્રાંતિજ નજીકના ફાર્મહાઉસ ખાતે ઉપયોગમાં લેવાઈ હતી. કેતન રાતે પેપર લઈને ફાર્મહાઉસ પહોંચ્યો હતો. તેની સાથે અન્ય ત્રણ શખ્સ પણ હતા. જે સરકારી નોકરી કરતા હોવાનું માનવામાં આવી રહ્યું છે. આ કિસ્સામાં કુલ ચાર કારનો ઉપયોગ થયો હતો. જે સુરત, અમદાવાદ અને હિંમતનગરની પાસિંગ હોવાનું તપાસમાં ખુલ્યું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here