varun singh mother: શહીદ વરુણ સિંહની માતાએ કહ્યું- હું રડીશ નહીં, મેં પુત્રને આઝાદ કરી દીધો છે – i will not cry says martyr group captain varun singh mother

0


હાઈલાઈટ્સ:

  • ગ્રૃપ કેપ્ટન વરુણ સિંહનો પાર્થિવ દેહ ભોપાલ ખાતે તેઓના ઘરે લવાયો
  • શહીદના માતા ઉમા સિંહે કહ્યું કે, પુત્રને ગુમાવ્યો નથી આઝાદ કર્યો છે
  • પુત્રના નિધનથી દુઃખ છે, પણ રડીશ નહીં, તેનાથી તેની આત્માને દુઃખ પહોંચશે

તમિલનાડુ હેલિકોપ્ટર ક્રેશમાં એકમાત્ર જીવિત બચેલાં ગ્રૃપ કેપ્ટન વરુણ સિંહે પણ લાંબી સારવાર બાદ બુધવારે હોસ્ટિલમાં અંતિમ શ્વાસ લીધા હતા. આજે તેઓનો નશ્વર દેહ ભોપાલ સ્થિત તેમના ઘરે લાવવામાં આવ્યો હતો. દેશમાં શહીદી વહોરનાર જવાનનો પાર્થિવ દેહ વતન પરત ફરતાં જ સૌ કોઈની આંખોમાં આંસુ હતા. પણ શહીદની માતા ઉમા સિંહે કહ્યું કે, હું રડીશ નહીં, રડવાથી વરુણની આત્માને દુઃખ પહોંચશે.

ગુરુવારે સૈન્ય પ્લેનમાં ગ્રૃપ કેપ્ટન વરુણ સિંહનો પાર્થિવ દેહ ભોપાલ ખાતે લાવવામાં આવ્યો હતો. અને ત્યારબાદ એરપોર્ટ પર સીએમ સહિતના અધિકારીઓએ શ્રદ્ધાંજલિ આપીને તેમના નશ્વર દેહને ભોપાલના એરપોર્ટ રોડ સ્થિત સનસિટી કોલોનીના તેમના નિવાસસ્થાને લાવવામાં આવ્યો હતો. શહીદને શ્રદ્ધાંજલિ આપવા માટે રસ્તાઓ પર ભારે ભીડ એકઠી થઈ હતી, તમામની આંખોમાં આંસુ વહી રહ્યા હતા.

ગ્રૃપ કેપ્ટન વરુણ સિંહનો નશ્વર દેહ ભોપાલ પહોંચ્યો, શુક્રવારે કરાશે અંતિમ સંસ્કાર

આ વચ્ચે શહીદ વરુણ સિંહની માતાના ચહેરા ઉપર પણ દુઃખ સ્પષ્ટ જોઈ શકાતું હતું. પુત્રને ગુમાવવાનો દુઃખ એક માતાથી વધારે બીજા કોઈને હોઈ શકે નહીં. પણ આ વિકટ સ્થિતિમાં પણ તેઓ નબળા પડ્યા ન હતા. અને એક જવાન જેવું જ સાહસ તેઓએ દેખાડ્યું હતું. તેઓ પોતાની પુત્રવધૂને સંભાળી રહ્યા હતા, અને સાથે-સાથે પુત્રની અંતિમ વિદાય માટેની તમામ તૈયારીઓની દેખરેખ પણ રાખી રહ્યા હતા. આ દરમિયાન અમારા સહયોગી એનબીટી ઓનલાઈન સાથે તેઓએ એક્સક્લુઝિવ વાતચીત કરી હતી.

ગ્રૃપ કેપ્ટન વરુણ સિંહની માતાએ જણાવ્યું કે, મેં મારા પુત્રને ગુમાવ્યો નથી, પણ આઝાદ કર્યો છે. વરુણ જન્મજાત ફાઈટર હતો. તેનો જન્મ થયો ત્યારે તે પ્રી-મેચ્યોર બેબી હતો. ડોક્ટરોને પણ તેના બચવાની ખુબ ઓછી સંભાવનાઓ લાગતી હતી, પણ તે લડ્યો અને જીવતો રહ્યો. તેની ફાઈટિંગ સ્પિરિટ આજીવન બની રહી. આવી ભયંકર હેલિકોપ્ટર ક્રેશની દુર્ઘટનામાં તેમાં સવાર 14માંથી 13 લોકોનાં મોત નિપજ્યા, પણ વરુણ એકલો બચી ગયો. તે સાત દિવસ સુધી મોત સામે લડતો રહ્યો, પણ અંતે જિંદગીની જંગ હારી ગયો.
શહીદની બહેનના લગ્નનમાં CRPFના જવાનોએ નિભાવી ભાઈની ફરજ
આ ઉપરાંત માતા ઉમા સિંહે જણાવ્યું કે, તેઓને પણ દુઃખ થયું છે. દીકરાના મોતનું દુઃખ કઈ માતાને નથી થતું, પણ આંસુ પાડવા તેમની સ્વભાવમાં નથી. તેઓને લાગ્યું કે, રડવાથી વરુણની આત્માને દુઃખ પહોંચશે. તે તો લોકોથી મળેલાં પ્રેમ અને ઈજ્જત જોઈને આશ્ચર્યચકિત છે. તેઓએ એમ માનીને પોતાનું મન બનાવી દીધું છે કે, વરુણ જ્યાં પણ રહે, ખુશ રહે.

વધુમાં ઉમા સિંહે કહ્યું કે, શહીદની માતા હોવાનું ગર્વ હવે તેઓની જિંદગીનો સહારો છે. ગ્રૃપ કેપ્ટન વરુણ સિંહની પત્નીને પણ તેઓ આ જ દિલાસો આપી રહ્યા છીએ. આ સાથે તેઓએ કહ્યું કે, વરુણની પત્ની તો એક સિંહણ છે. તે દુઃખી જરૂર છે, પણ સમગ્ર પરિવાર તેમની સાથે છે. આ દુર્ઘટનાનું દુઃખ ક્યારેય ખતમ નહીં થાય, પણ તે આનાથી વધારે મજબૂત થઈને નીકળશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here