Girls marriage age in india: છોકરીઓની લગ્નની વય 21 વર્ષ કરવાનો નિર્ણય પ્રગતિશીલ કે મુશ્કેલી સર્જનારો? નિષ્ણાતોમાં મતમતાંતર – experts have different opinion on moving up girl’s marriage age to 21

0


હાઈલાઈટ્સ:

  • 20થી24 વર્ષની 23.3 ટકા જેટલી યુવતીઓ એવી છે જેમના લગ્ન તેમની ઉંમર 18 થઈ તે પહેલાં જ કરાવી દેવાયા હતા.
  • બાળલગ્નની સમસ્યા ભારતના ગ્રામ્ય વિસ્તારોમાં વધારે છે.

નવી દિલ્હી: હવે દેશમાં છોકરીઓની લગ્ન માટેની ન્યૂનતમ ઉંમર 18થી વધારીને 21 કરવાના પ્રસ્તાવને કેંદ્રીય કેબિનેટની મંજૂરી મળી છે. કાયદામાં મોટો સુધારો લાવવાની તૈયારી સરકારે કરી દીધી છે ત્યારે આ મુદ્દે નિષ્ણાતો અને એક્ટિવિસ્ટો બે ભાગમાં વહેંચાઈ ગયા છે.

રાજ્યમાં ઓમિક્રોનનો પાંચમો કેસ, મહેસાણાની મહિલાને બેસણાંમાંથી ચેપ લાગ્યો!

સંસદમાં આ બિલ પાસ થવાનું હજી બાકી છે ત્યારે લગ્નની ઉંમરમાં કોઈપણ ફેરફાર થશે તો તેના પડઘા દૂર સુધી સંભળાશે. બાળવિવાહ સામે કાયદાઓ છે તેમ છતાં નાની ઉંમરે થઈ જતાં લગ્નો વર્ષોથી ચિંતાનો વિષય છે. 20થી24 વર્ષની 23.3 ટકા જેટલી યુવતીઓ એવી છે જેમના લગ્ન તેમની ઉંમર 18 (છોકરીઓની લગ્ન માટેની કાયદાકીય ઉંમર) થઈ તે પહેલાં જ કરાવી દેવાયા હતા. આ આંકડો નેશનલ ફેમિલી હેલ્થ સર્વે- 5 (2019-21) દ્વારા મળ્યો છે. 2015-16માં આ ટકાવારી 26.8% જેટલી ઊંચી હતી. લેટેસ્ટ સર્વે પરથી જાણવા મળ્યું છે કે, બાળલગ્નની સમસ્યા ભારતના ગ્રામ્ય વિસ્તારોમાં વધારે છે. ગ્રામ્ય વિસ્તારોમાં આ આંકડો 27 ટકા છે જ્યારે શહેરી વિસ્તારોમાં કુલ લગ્નના 14.7 ટકા લગ્નો બાળવિવાહ છે.

પ્રસ્તાવિત કાયદા દ્વારા મહિલાઓ અને પુરુષોની લગ્નની ઉંમર સરખી થઈ જશે ત્યારે સરકાર આ પગલાંને જાતીય સમાનતાના બંધારણ તરીકે જોઈ રહી છે. “ભારત વિકાસની દિશામાં આગળ વધી રહ્યું છે ત્યારે મહિલાઓ માટે ઉચ્ચ અભ્યાસ કરવાની અને કરિયર બનાવાની ઉજળી તક ખુલશે. માતૃ મૃત્યુદર, બાળ મૃત્યુદરમાં ઘટાડો કરવા તેમજ જન્મ સમયે લિંગ ગુણોત્તરમાં સુધારો કરવા માટે આ અત્યાવશ્યક છે. પ્રસ્તાવિત કાયદાને લાગુ કરવા માટે આ તમામ મહત્વના કારણો છે”, તેમ વિશ્વસનીય સૂત્ર પાસેથી જાણવા મળ્યું છે. તદુપરાંત, લગ્ન પહેલા છોકરીમાં માનસિક પુખ્તતા આવી જાય તે માટે પણ આ પગલાને મહત્વનું ગણવામાં આવી રહ્યું છે.

હેડ કલાર્ક પેપર લીક મામલે 16 શખ્સની સંડોવણી, આજે થઈ શકે છે વધુ ખુલાસા

એક વર્ગ આ નિર્ણયને મહિલા સશક્તિકરણનું પ્રગતિશીલ પગલું ગણાવી રહ્યો છે, જે ‘પસંદગી’નો હક પણ આપે છે. ત્યારે એક્ટિવિસ્ટોનો એક વર્ગ એવો છે જેમને લાગે છે કે, ગરીબ પરિવારોમાં સુધારેલા કાયદાથી સંભવિત રીતે અપરાધીકરણ વધી શકે છે કારણકે, પરિસ્થિતિને વશ થઈને તેઓ પોતાની દીકરીઓને 18 વર્ષથી વધુની પણ 21થી ઓછી ઉંમરે પરણાવા મજબૂર બને.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here