Bootlegger caught by satellite police station: અ’વાદ: સેટેલાઈટમાં દારુની ડિલિવરી કરવા જઈ રહેલો બુટલેગર શર્ટના બટનના કારણે ઝડપાયો – police caught a bootlegger from satellite area and the button of his shirt led him to arrest

0


હાઈલાઈટ્સ:

  • શર્ટની અંદર દારુની બોટલ છુપાવીને લઈ જતો હતો બુટલેગર.
  • પોલીસે પકડીને પરમિટ માગી ત્યારે રજૂ ના કરી શકતાં ગુનો નોંધાયો.
  • પકડાયેલી દારુની બોટલ પંજાબથી આવેલા દારુના જથ્થાનો ભાગ હતી.

અમદાવાદ: ગુજરાતમાં દારુબંધી છે છતાં પીવાવાળા અને વેચવાવાળા પોતાનો જુગાડ કરી જ લે છે. ગ્રાહક સુધી દારુની બોટલો પહોંચાડવા માટે બુટલેગરો વિવિધ પ્રકારના કીમિયા અપનાવતા હોય છે. જોકે, ક્યારેક નાની અમથી બાબત તેમની પોલ ખોલવામાં મોટો ભાગ ભજવી જાય છે. આવા જ એક બુટલેગરને પોલીસે પકડ્યો છે અને તેના પકડાવાનું કારણ શર્ટનું બટન બન્યું છે.

છોકરીઓની લગ્નની વય 21 વર્ષ કરવાનો નિર્ણય પ્રગતિશીલ કે મુશ્કેલી સર્જનારો? નિષ્ણાતોમાં મતમતાંતર

સેટેલાઈટના રાજીવનગર વિસ્તારમાં દારુની બોટલ પહોંચાડવા ગયેલા શખ્સને અંદાજો પણ નહીં હોય કે તેના શર્ટનું તૂટેલું બટન બુટલેગિંગ માટે તેને જેલના સળિયા પાછળ ધકેલી દેશે. શર્ટમાં છુપાવીને આ શખ્સ દારુની બોટલ લઈ જતો હતો પરંતુ બોટલ તેમાંથી સહેજ બહાર નીકળી અને પોલીસને દેખાઈ ગઈ હતી.

સેટેલાઈટ પોલીસ સ્ટેશનમાં નોંધાયેલી ફરિયાદ પ્રમાણે, રાજીવનગરમાં રહેતા નવીન રાઠોડ બાઈક પર જઈ રહ્યો હતો ત્યારે તેના પેટનો આકાર વિચિત્ર લાગતો હતો. નવીન રાઠોડે જિન્સ અને વ્હાઈટ શર્ટ પહેર્યું હતું. શર્ટની અંદર તેણે સેટેલાઈટમાં રહેતા એક ગ્રાહકને ડિલિવર કરવા માટે દારુની બોટલ છુપાવી હતી.

લોકરક્ષક દળના જવાન ફૈઝાન શકીલની નજર આ બોટલ પર પડતાં તેણે નવીન રાઠોડને રોક્યો હતો. નવીનને રોક્યા બાદ તેની તપાસ કરવામાં આવી હતી. દારુની બોટલ જિન્સમાં ખોસવામાં આવી હતી પરંતુ તેનો ઉપરનો ભાગ શર્ટના તૂટેલા બટનના કારણે બહાર દેખાતો હતો.

બ્રેનડેડ મહિલાના કારણે 17 વર્ષની છોકરીને મળ્યું આશાનું નવું કિરણ, હાર્ટ ટ્રાન્સપ્લાન્ટ કરાયું

દારુની બોટલ મળતાં તેની પાસે પરમિટ છે કે કેમ તે પોલીસે પૂછ્યું હતું. જોકે, તે પરમિટ ના બતાવી શકતાં પ્રોહિબિશન એક્ટ હેઠળ તેની સામે ગુનો દાખલ કરવામાં આવ્યો હતો. પોલીસના કહેવા પ્રમાણે, તેમણે નવીનની બાઈક અને દારુની બોટલ જપ્ત કરી છે. પંજાબથી આવેલા દારુના જથ્થા પૈકીની આ એક બોટલ હતી, તેમ પોલીસે ઉમેર્યું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here