Pawandeep Rajan: ગીતના વિવાદ વચ્ચે પણ અકબંધ છે પવનદીપ-અરુણિતાની મિત્રતા, કેનેડામાં કરી ખૂબ મસ્તી – amid controversy of not working together pawandeep rajan and arunita kanjilal enjoys winter in canada

0


હાઈલાઈટ્સ:

  • મ્યૂઝિક કોન્સર્ટ માટે હાલ કેનેડામાં છે અરુણિતા કાંજીલાલ અને પવનદીપ રાજન.
  • કેનેડામાં પવનદીપ-અરુણિતાની મસ્તી કરતી તસવીરો જોઈને ફેન્સ ખુશખુશાલ.
  • પવનદીપ-અરુણિતાની સાથે સાયલી અને દાનિશ પણ કેનેડામાં છે.

‘ઈન્ડિયન આઈડલ 12’ ફેમ પવનદીપ રાજન અને અરુણિતા કાંજીલાલ છેલ્લા થોડા દિવસથી વિવિધ કારણોસર ચર્ચામાં છે. હાલમાં જ અરુણિતા કાંજીલાલે પવનદીપ સાથેના મ્યૂઝિક વિડીયોમાં કામ કરવાની ના પાડી હતી. અરુણિતાએ વિડીયો માટે ગીત રેકોર્ડ કર્યું પરંતુ તેમાં એક્ટિંગ કરવાની ના પાડી દીધી હતી. ચર્ચા હતી કે, અરુણિતાના માતાપિતાને તેનું પવનદીપ સાથે નામ જોડાય છે તે પસંદ નથી. આ વિવાદની વચ્ચે પવનદીપ અને અરુણિતાના કેનેડાના વેકેશનની તસવીરો સોશિયલ મીડિયા પર વાયરલ થઈ છે.

સોન્ગ ‘ફુરસત’માં પવનદીપ-ચિત્રા શુક્લાની કેમેસ્ટ્રીએ જીત્યું દિલ, ફેન્સે અરુણિતાને કરી મિસ

હાલમાં જ પવનદીપે અરુણિતા અને સાયલી સાથેની કેનેડા ટ્રીપની તસવીરો ઈન્સ્ટાગ્રામ પર શેર કરી છે. તસવીરોમાં પવનદીપ, અરુણિતા અને સાયલી કેનેડાના શિયાળાને માણતા જોવા મળી રહ્યા છે. તસવીરોમાં જોઈ શકાય છે કે, તેઓ એક બોટ આગળ ઊભા રહીને પોઝ આપે છે. તસવીરોમાં સૌ ખૂબ ખુશ દેખાય છે. આ જ તસવીરો સાબિતી આપે છે કે, પવનદીપ અને અરુણિતા આજે પણ સારા મિત્રો છે. આ તસવીર પર ‘ઈન્ડિયન આઈડલ 12’ના હોસ્ટ આદિત્ય નારાયણે પણ કોમેન્ટ કરતાં લખ્યું હતું, ‘દોસ્તો મળીને ધમાલ કરી રહ્યા છે.’

થોડા દિવસ પહેલા જ સાયલી કાંબલેએ પણ કેનેડાની ટ્રીપની ઝલક બતાવતી કેટલીક તસવીરો સોશિયલ મીડિયા પર શેર કરી હતી. જેમાં તેઓ નાયગ્રા ફોલ્સ પાસે પોઝ આપતાં જોવા મળી રહ્યા છે. આ તસવીરોમાં પવનદીપ, અરુણિતા, સાયલી ઉપરાંત મોહમ્મદ દાનિશ પણ દેખાઈ રહ્યો છે. આ તસવીરો પરથી તેમણે કેનેડામાં કેટલી મજા કરી હશે તે સ્પષ્ટ થાય છે.

જણાવી દઈએ કે, પવનદીપ, અરુણિતા, સાયલી અને મોહમ્મદ દાનિશ મ્યૂઝિક ટૂર પર નીકળ્યા છે. લંડનમાં લાઈવ કોન્સર્ટ કર્યા પછી તેઓ કેનેડા પહોંચ્યા હતા. અહીં પણ તેમણે પોતાના સૂરીલા અવાજથી સૌને મંત્રમુગ્ધ કર્યા હતા. ‘ઈન્ડિયન આઈડલ 12’ દરમિયા શોના કન્ટેસ્ટન્ટ્સ વચ્ચે સારી મિત્રતા થઈ હતી અને શો પૂરો થયા બાદ પણ તે જળવાઈ રહી છે. જોકે, થોડા દિવસ પહેલા આવેલા પવનદીપ અને અરુણિતાના વણસેલા સંબંધોના સમાચારે ફેન્સના દિલ તોડી નાખ્યા હતા પણ આ નવી તસવીરો જોઈને ફેન્સને હાશ થઈ છે.

પવનદીપ રાજનને પસંદ નથી કરતાં અરુણિતા કાંજીલાલના પેરેન્ટ્સ, મ્યૂઝિક વિડીયો છોડવાનું શું છે કારણ?

દરમિયાન, ‘ઈન્ડિયન આઈડલ 12’ના વિજેતા પવનદીપનો બીજો મ્યૂઝિક વિડીયો ‘ફુરસત’ હાલમાં જ લોન્ચ થયો છે. આ વિડીયોમાં પવનદીપ સાથે ચિત્રા શુક્લા જોવા મળે છે. આ ગીત પવનદીપ અને અરુણિતાએ મળીને ગાયું છે. ગીતનું ડાયરેક્શન રાજ સુરાનીએ કર્યું છે. જ્યારે ગીતના શબ્દો અરતાફ મહેમૂદ અને મુકેશ મિશ્રાએ લખ્યું છે. આ ગીતમાં પવનદીપ અને ચિત્રા વચ્ચે રોમેન્ટિક કેમેસ્ટ્રી જોવા મળી હતી.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here