gujarat omicron cases: રાજ્યમાં ઓમિક્રોનનો પાંચમો કેસ, મહેસાણાની મહિલાને બેસણાંમાંથી ચેપ લાગ્યો! – fifth case of omicron in gujarat mehsana woman may be infected from prayer meeting

0


હાઈલાઈટ્સ:

  • મહેસાણાના પિલવાઈ ગામની મહિલા સાસુ સાથે એક બેસણાંમાં ગઈ હોવાનું સામે આવ્યું
  • મહિલા સાથે બેના રિપોર્ટ પોઝિટિવ આવતાં સેમ્પલ જીનોમ સિક્વન્સિંગ માટે મોકલ્યા છે
  • ગુજરાતમાં છેલ્લા 24 કલાકમાં કોરોનાના નવા, 67 કેસ, સૌથી વધુ અમદાવાદમાં નોંધાયા

મહેસાણા: મહેસાણામાં કોરોનાના નવા વેરિયન્ટ ઓમિક્રોનનો કેસ નોંધાતા રાજ્યમાં કુલ કેસની સંખ્યા હવે પાંચ પર પહોંચી ગઈ છે. પ્રાપ્ત માહિતી અનુસાર મહેસાણા જિલ્લાના વિજાપુર તાલુકાના પિલવાઈની મહિલાનો કોરોનાનો રિપોર્ટ પોઝિટિવ આવ્યા બાદ શંકાસ્પદ નમૂનાની તપાસ ઓમિક્રોન વેરિયન્ટની તપાસ માટે મોકલાયા હતા. જેમાં ઓમિક્રોનની પુષ્ટિ થતાં આરોગ્ય વિભાગ દોડતું થયું હતું.

બેસણાંમાં ઝિમ્બાવવેથી આવેલા વ્યક્તિઓના સંપર્કમાં આવી હતી મહિલા
બીજી તરફ મહિલાની કોઈ ટ્રાવેલ હિસ્ટ્રી ન હોવાથી તંત્રની ચિંતામાં વધારો થયો છે. મીડિયા રિપોર્ટ મુજબ પોઝિટિવ મહિલા ગયા અઠવાડિયે એક બેસણાંમાં પોતાની સાસુ સાથે ગઈ હતી અને ત્યાં ઝિમ્બાવવેથી આવેલા ત્રણ વ્યક્તિઓના સંપર્કમાં આવ્યા હતા.

ચેપ લાગતા આરોગ્ય તંત્ર દોડતું થયું
આરોગ્ય તંત્ર પાસેથી પ્રાપ્ત માહિતી અનુસાર ઝિમ્બાવવેથી આવેલા આ ત્રણેય વ્યક્તિઓના ક્વોરેન્ટાઈન દરમિયાન 3-3 વાર ટેસ્ટ કરવામાં આવ્યા હતા અને તમામ નેગેટિવ આવ્યા હતા. જો કે, આ ત્રણેય વ્યક્તિઓ જે બેસણાંમાં ઉપસ્થિત હતા એમાં આવેલી મહિલાનો ઓમિક્રોનનો રિપોર્ટ પોઝિટિવ આવ્યો છે. જેનાથી તંત્ર દ્વારા મહિલાના સંપર્કમાં આવેલા અન્ય લોકોને શોધવા મથી રહી છે.

મહિલાની સાથે અન્ય બેનો રિપોર્ટ પોઝિટિવ
પ્રાપ્ત માહિતી અનુસાર મહિલા સાથે અન્ય બે લોકોની તબિયત લથડતા એમના પણ ટેસ્ટ કરવામાં આવ્યા હતા, જે બે દિવસ પહેલા પોઝિટિવ આવતા તેમના પણ નમૂના ઓમિક્રોનની તપાસ માટે મોકલાયા હોવાનું જાણવા મળ્યું છે.

24 કલાકમાં રાજ્યમાં કોરોનાના નવા 67 કેસ
આરોગ્ય વિભાગ દ્વારા જાહેર કરાયેલા આંકડા મુજબ ગુજરાતમાં છેલ્લા 24 કલાકમાં કોરોનાના નવા 67 કેસ નોંધાયા છે. જેમાંથી અમદાવાદમાં સૌથી વધારે 20, વડોદરામાં 12, સુરતના 10, રાજકોટના 7, ગાંધીનગરના 5 અને જામનગરના 3 કેસનો સમાવેશ થાય છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here