omicron patient experience: ઓમિક્રોનનો ચેપ લાગે ત્યારે શું થાય છે? મુંબઈના દર્દીએ જણાવ્યો અનુભવ – what happens when person is infected with omicron? experience narrated by a patient from mumbai

0


હાઈલાઈટ્સ:

  • ઓમિક્રોનથી સંક્રમિત મુંબઈના મોટાભાગના દર્દીઓ રિકવર થયા
  • ઓમિક્રોનથી હળવો તાવ, ગળામાં ખારાશ જેવાં સામાન્ય લક્ષણો જોવા મળે છે
  • મુંબઈની અંધેરી હોસ્પિટલમાં સામાન્ય તાવ અને દુઃખાવાની દવાથી જ દર્દીઓ સ્વસ્થ થયા

દુનિયાભરમાં હાલ કોરોનાના નવા વેરિયન્ટ ઓમિક્રોનનો હાહાકાર જોવા મળી રહ્યો છે. દેશમાં પણ ઓમિક્રોનના કેસોમાં સતત વધારો જોવા મળી રહ્યો છે. પણ બીજી બાજુ રાહતની વાત એ છે કે, ઓમિક્રોનથી સંક્રમિત થયેલ દર્દીઓ હવે સ્વસ્થ થઈને ઘરે પરત ફરી રહ્યા છે. તેવામાં મુંબઈમાં ઓમિક્રોન વેરિયન્ટને માત આપી રિકવર થયેલ દર્દીએ પોતાનો અનુભવ શેર કર્યો હતો.

મુંબઈની સેવન હિલ્સ હોસ્પિટલમાં દાખલ થયેલ ઓમિક્રોન સંક્રમિત દર્દીઓમાં ગળામાં ખારાશ, થાક, શરીરમાં દુઃખાવો અને સામાન્ય તાવ જેવાં લક્ષણો જોવા મળ્યા હતા. બીજી બાજુ અંધેરી હોસ્પિટલમાં ઓમિક્રોન દર્દીઓ માટે અલગથી આઈસોલેશન વોર્ડ બનાવવામાં આવ્યો હતો. આ હોસ્પિટલમાં દાખલ થયેલાં 14 દર્દીઓમાંથી 13 દર્દીઓએ કોરોનાને માત આપી છે.

રાજ્યમાં ઓમિક્રોનનો પાંચમો કેસ, મહેસાણાની મહિલાને બેસણાંમાંથી ચેપ લાગ્યો!

અંધેરી હોસ્પિટલના 14 કેસોમાંથી 8 કેસો એસિમ્પ્ટોમેટિક હતા. દર્દીઓની સારવાર કરનાર એક ડોક્ટરે જણાવ્યું કે, જે દર્દીઓમાં લક્ષણો જોવા મળ્યા હતા, તેમાં મોટાભાગના લોકોએ ગળામાં ખારાશ, થાક અને શરીરમાં દુઃખાવાની ફરિયાદ કરી હતી. આ સાથે તેઓએ જણાવ્યું હતું કે, કોઈપણ દર્દીમાં ચેપનો ફેલાવો જોવા મળ્યો ન હતો. HRCT સ્કેનમાં તમામ દર્દીઓના ફેફસામાં કોઈ સંક્રમણ ફેલાયું ન હતું. મોટાભાગના લોકોને સામાન્ય તાવ અને દુઃખાવાની દવા જેમ કે પેરાસિટામોલથી ઠીક થઈ ગયા હતા, જ્યારે એસિમ્પ્ટોમેટિક દર્દીઓને મલ્ટીવિટામિન્સ આપવામાં આવ્યા હતા.

મહારાષ્ટ્રમાં ઓમિક્રોનના 32 કેસો નોંધાયા છે. સ્ટેટ સર્વેલન્સ ઓફિસર ડો. પ્રદીપ અવાતે જણાવ્યું હતું કે, 50 ટકા દર્દીઓમાં એક લક્ષણ પણ જોવા મળ્યું ન હતું. જ્યારે અન્યોમાં પ્રથમ દિવસે સામાન્ય તાવ, નાકમાંથી પાણી વહેવું, કફ જેવાં લક્ષણો જોવા મળ્યા હતા. આ ઉપરાંત ડો. પ્રદીપે જણાવ્યું હતું કે, ગંધ ન આવવી કે જે કોવિડ-19નું મુખ્ય લક્ષણ હતું કે ઓમિક્રોનના દર્દીઓમાં જોવા મળ્યું ન હતું. ઓમિક્રોનના 32 દર્દીઓમાંથી 25 (78 ટકા) દર્દીઓએ રસી લીધી હતી, જ્યારે 5 બાળકો હતા. જો કે, બે દર્દીઓ કે જેઓએ વેક્સિન લીધી ન હતી તેઓને પણ કોઈ ગંભીર લક્ષણો જોવા મળ્યા ન હતા. જેમાંથી નાગપુરના એક દર્દીને ફરીથી ચેપ લાગ્યો હતો, અને પ્રથમ વખતે પણ તેને સામાન્ય બીમારી જ હતી.
ઓમિક્રોનની ઘાતક ઝડપથી યુરોપમાં હાહાકાર, ફ્રાંસે બ્રિટન આવવા-જવા પર રોક લગાવી
સેવન હિલ્સના ફિઝિશિયને જણાવ્યું કે, હાલના સમયમાં ઓમિક્રોન વેરિયન્ટની ગંભીરતાને લઈને ટિપ્પણી કરી શકાય નહીં. કેમ કે હજુ સુધી ખુબ જ ઓછા કેસ સામે આવ્યા છે, અને રસીના બે ડોઝ લીધેલાં યુવાનો કે જેઓને અન્ય કોઈ ગંભીર બીમારી ન હતી તેઓ સંક્રમિત બન્યા હતા. ડેલ્ટા વેરિયન્ટ અને ઓમિક્રોન વેરિયન્ટના દર્દીઓમાં એક તફાવત માત્ર તાવમાં વધારો છે. ડેલ્ટા વેરિયન્ટમાં દિવસ દરમિયાન અનેક વખત ભારે તાવ જોવા મળે છે. પણ ઓમિક્રોનના દર્દીઓમાં ભારે તાવ જોવા મળતો નથી. તેઓમાં માત્ર સામાન્ય તાવ જોવા મળે છે.

BMCના એડિશનલ મ્યુનિસિપલ કમિશનર સુરેશ કાકાનીએ જણાવ્યું કે, કોઈપણ દર્દીમાં ગંભીર લક્ષણો જોવા ન મળવાને કારણે તેઓને એન્ટીબોડી આપવામાં આવી ન હતી. આ ઉપરાંત કોઈપણ દર્દીને ઓક્સિજન સપોર્ટની પણ જરૂર પડી ન હતી. ઉલ્લેખનીય છે કે મહારાષ્ટ્રમાં ઓમિક્રોનના સૌથી વધારે કેસો મુંબઈ (13)માં જોવા મળ્યા હતા, તે બાદ પિંપરી ચિંચવાડ(10 કેસો) જોવા મળ્યા હતા. જેમાંથી ચાર દર્દીઓ બાળક હતા. ડોક્ટર્સે કહ્યું હતું કે, બાળકોએ વેક્સિન ન લીધી હોવા છતાં પણ તેઓ એસિમ્પ્ટોમેટિક હતા.
કોઈ નહીં રોકી શકે કોરોનાની ત્રીજી લહેર, હેલ્થ એક્સપર્ટના દાવાએ વધાર્યો ભય
હોસ્પિટલમાં ઓમિક્રોનનો માત્ર એક દર્દી સારવાર હેઠળ છે. તે લાતુરનો રહેવાસી છે અને તેની ઉંમર 33 વર્ષની છે. તેને માત્ર સામાન્ય તાવ અને કફ છે. જિલ્લા સ્વાસ્થ્ય અધિકારી ડો. હનમન્ત વાડગવેએ જણાવ્યું કે, દુબઈથી મુંબઈ પરત ફરતાં સમયે તેને આ લક્ષણો જોવા મળ્યા હતા, જે બાદ તેને હોમ ક્વોરન્ટાઈન કરવામાં આવ્યો હતો. તે સંપુર્ણ રિકવર થઈ ગયો છે, પણ તેનો આરટી-પીસીઆર ટેસ્ટ નેગેટિવ ન આવવાને કારણે તે હજુ પણ હોસ્પિટલમાં છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here