india defeat pakistan in hockey: ACT હોકીમાં ભારતે પાકિસ્તાનને રગદોળ્યું, 3-1થી મેળવી શાનદાર જીત – india won by 3-1 against pakistan in atc hockey

0


હાઈલાઈટ્સ:

  • ATC હોકીમાં ભારતે પાકિસ્તાન સામે 3-1થી જીત મેળવી
  • વાઈસ કેપ્ટન હરપનપ્રીત સિંહનું શાનદાર પ્રદર્શન, 2 ગોલ ફટકાર્યાં
  • ટુર્નામેન્ટમાં 7 પોઈન્ટ સાથે ભારત પોઈન્ટ ટેબલમાં ટોચ પર

એશિયન ચેમ્પિયન્સ ટ્રોફી મેન્સ હોકી ટુર્નામેન્ટમાં શુક્રવારનો દિવસ ભારતીય ટીમ માટે ખુબ જ શાનદાર રહ્યો હતો. ભારતીય હોકી ટીમે પાકિસ્તાન સામે 3-1થી મેચ પર વિજય મેળવી પાકિસ્તાનને રગદોળી દીધું હતું. ઓલિમ્પિક બ્રોન્ઝ મેડાલિસ્ટ ભારતીય ટીમે આ ટુર્નામેન્ટમાં સતત બીજી જીત મેળવી છે અને પાકિસ્તાન સામેની જીત બાદ હવે સેમિફાઈનલ માટે પણ ક્વોલિફાય થઈ ગઈ છે. આ મેચમાં વાઈસ કેપ્ટન હરમનપ્રીત સિંહે બે ગોલ કર્યાં હતા. ભારત હોકી ટુર્નામેન્ટમાં પોઈન્ટ ટેબલમાં 7 પોઈન્ટ સાથે ટોચ પર છે.

હરમનપ્રીત સિંહની ડબલ સ્ટ્રાઈકથી પાકિસ્તાન ઘૂંટણિયે

ભારતીય ટીમના વાઈસ કેપ્ટન હરમનપ્રીત સિંહે (8મી, 53મી મિનિટ) બે પેનલ્ટી કોર્નર્સ પર ગોલ કર્યો હતો. જ્યારે ટોક્યો ઓલિમ્પિક સ્ક્વોડ માટે ટીમમાં સ્થાન ચૂકી ગયેલાં આકાશદીપ સિંહને આ વખતે મોકો આપવામાં આવ્યો હતો, તેણે 42મી મિનિટમાં ટુર્નામેન્ટમાં તેનો બીજો ગોલ કર્યો હતો. જ્યારે પાકિસ્તાન તરફથી માત્ર ઝુનૈદ મંઝૂર દ્વારા 45મી મિનિટ પર એક ગોલ કરવામાં આવ્યો હતો. મજબૂત ભારતીય ડિફેન્સને ભેદવામાં પાકિસ્તાનની ટીમ નિષ્ફળ નીવડી હતી.

29 વર્ષ પછી દ.આફ્રિકામાં ઈતિહાસ રચી શકશે કોહલી એન્ડ કંપની? શું કહે છે આંકડા

ભારતે ટુર્નામેન્ટમાં સતત બીજી જીત મેળવી

એશિયન હોકી ચેમ્પિયનશિપમાં ભારતની આ સતત બીજી મેચ છે. આ અગાઉ ભારતે યજમાન બાંગ્લાદેશ સામે 9-0થી જીત મેળવી હતી. જ્યારે પાકિસ્તાનને હજુ સુધી પણ એકપણ સફળતા મળી નથી. જાપાન સામે તેની ઓપનિંગ મેચમાં એકપણ ગોલ થઈ શક્યો ન હતો. જ્યારે ભારતે ટુર્નામેન્ટમાં કોરિયા સામેની મેચ 2-2થી ડ્રો થઈ હતી.

એશિયન ચેમ્પિયન્સ ટુર્નામેન્ટમાં ભારત 7 પોઈન્ટ સાથે ટોચ પર

હાલમાં ભારત આ ટુર્નામેન્ટમાં 3 મેચોમાં 7 પોઈન્ટ સાથે નંબર વનના સ્થાન પર છે. અને રવિવારે જાપાન સામે ભારતની મેચ છે. જ્યારે આ ટુર્નામેન્ટમાં પાકિસ્તાન પાસે માત્ર 1 પોઈન્ટ છે. વર્ષ 2018માં મસ્કતમાં રમાયેલ ગત ટુર્નામેન્ટની ફાઈનલ મેચ વરસાદને કારણે ધોવાઈ જવાને કારણે ભારત અને પાકિસ્તાનને સંયુક્ત રીતે વિજેતા જાહેર કરાયા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here