Omicron Cases in India: ભારતમાં ઓમિક્રોનના કેસનો આંકડો 100ને પાર, સરકારે લોકોને આપી ચેતવણી – omicron cases cross 100 mark in india government warns that avoid unnecessary travel, gathering

0


હાઈલાઈટ્સ:

  • ભારતમાં ઓમિક્રોનના વધુ કેસ નોંધાયા હતા અને હાલમાં દેશમાં 11 રાજ્યોમાં કુલ 101 કેસ નોંધાયા છે
  • ઓમિક્રોનથી મહારાષ્ટ્ર સૌથી વધારે અસરગ્રસ્ત છે, મહારાષ્ટ્રમાં ઓમિક્રોનના 32 કેસ નોંધાયા છે
  • નોંધનીય છે કે ઓમિક્રોનનો પ્રથમ કેસ ગત મહિને સાઉથ આફ્રિકામાં નોંધાયો હતો

નવી દિલ્હીઃ કોરોના વાયરસના નવા વેરિયન્ટ ઓમિક્રોનથી સમગ્ર વિશ્વમાં ફફડાટ ફેલાઈ ગયો છે. ભારતમાં પણ ઓમિક્રોનના કેસ સામે આવી રહ્યા છે. શુક્રવારે ભારતમાં ઓમિક્રોનના વધુ કેસ નોંધાયા હતા અને હાલમાં દેશમાં 11 રાજ્યોમાં કુલ 101 કેસ નોંધાયા છે તેમ સ્વાસ્થ્ય મંત્રાલયે જણાવ્યું હતું.

ઓમિક્રોનના કારણે દેશમાં ત્રીજી લહેર આવી શકે છે તેવી ચેતવણી નિષ્ણાતો આપી ચૂક્યા છે. હવે ઓમિક્રોનના કેસ વધી રહ્યા છે ત્યારે સરકારે પણ લોકોને માસ્ક પહેરવાનું અને સોશિયલ ડિસ્ટન્સિંગ જાળવી રાખવા જેવા કોવિડ પ્રોટોકોલનું પાલન કરવાનું કહ્યું છે. મંત્રાલયે લોકોને બિનજરૂરી ટ્રાવેલ કરવાનું ટાળવા કહ્યું છે તથા મોટા મેળાવડા કરવાથી દૂર રહેવા જણાવ્યું છે.

ઓમિક્રોનનો ચેપ લાગે ત્યારે શું થાય છે? મુંબઈના દર્દીએ જણાવ્યો અનુભવ
મંત્રાલયે બાદમાં યુકેમાં જે રીતે ઓમિક્રોન ફેલાઈ રહ્યો છે તે જોતા ચેતવણી ઉચ્ચારી છે કે ભારતમાં દરરોજના 14 લાખ કેસ નોંધાઈ શકે છે. હાલમાં યુકેમાં ઓમિક્રોનના 11,000થી વધુ કેસ નોંધાયા છે. શુક્રવારે દિલ્હીમાં ઓમિક્રોનના 10 નવા કેસ નોંધાયા હતા. હવે દિલ્હીમાં ઓમિક્રોનના 22 કન્ફર્મ કેસ છે.

ઓમિક્રોનથી મહારાષ્ટ્ર સૌથી વધારે અસરગ્રસ્ત છે. મહારાષ્ટ્રમાં ઓમિક્રોનના 32 કેસ નોંધાયા છે. જ્યારે રાજસ્થાનમાં 17 તથા કર્ણાટક અને તેલંગાણામાં 8-8 કેસ નોંધાયા છે. ગુજરાત, કેરળ, તામિલનાડુ, બંગાળ અને આંધ્ર પ્રદેશમાં પણ ઓમિક્રોનના કેસ નોંધાયા છે. આમાં સૌથી મોટી ચિંતાની વાત એ છે કે મહારાષ્ટ્રમાં એક ત્રણ વર્ષીય બાળક અને 18 મહિનાની બાળકીને પણ ઓમિક્રોનનો ચેપ લાગ્યો છે.
કરીના, અમૃતા, સીમા ખાન, મહીપ કપૂરના કોવિડ સેમ્પલ્સ જિનોમ સિક્વન્સિંગ માટે મોકલાયા: રિપોર્ટભારતમાં કોવિડ ટાસ્ક ફોર્સના વડા ડોક્ટર વીકે પૌલે જણાવ્યું હતું કે, મોટા ભાગના ઓમિક્રોન કેસમાં ટ્રાવેલ હિસ્ટ્રી અથવા તો ટ્રાવેલ હિસ્ટ્રી ધરાવતા વ્યક્તિના સંપર્કમાં આવેલા હોય છે. જોકે, એવા કેટલાક કેસ છે જેમાં આવી કોઈ હિસ્ટ્રી મળી રહી નથી. નોંધનીય છે કે ઓમિક્રોનનો પ્રથમ કેસ ગત મહિને સાઉથ આફ્રિકામાં નોંધાયો હતો.

ત્યારબાદ અમેરિકા, ઈઝરાયલ, હોંગકોંગ અને જાપાન સહિત 77 દેશોમાં આ વાયરસ ફેલાઈ ગયો છે. વર્લ્ડ હેલ્થ ઓર્ગેનાઈઝેશને (ડબલ્યુએચઓ) આશંકા વ્યક્ત કરી છે કે ઓમિક્રોન વિશ્વના માટો ભાગના દેશોમાં ફેલાઈ ગયો છે. ભારતમાં સૌ પ્રથમ કેસ 2 ડિસેમ્બરે કર્ણાટકમાં નોંધાયો હતો. જોકે, નિષ્ણાતોનું કહેવું છે કે ઓમિક્રોન ઝડપથી ફેલાય છે પરંતુ એટલો ઘાતક નથી. અત્યાર સુધી ઓમિક્રોનથી એક માત્ર મૃત્યુ યુકેમાં નોંધાયું છે. તેમ છતાં નિષ્ણાતોનું કહેવું છે કે લોકોએ આને હળવાશથી લેવો જોઈએ નહીં.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here