sachin tendulkar: સચિન તેંડુલકરે પોતાની મહિલા મિત્રનો જીવ બચાવનારા પોલીસકર્મીનો માન્યો આભાર – sachin tendulkar thank cop for saving his friend and also gives advice to people to follow traffic rules

0


હાઈલાઈટ્સ:

  • સચિન તેંડુલકરે પોતાની મિત્રની સમયસર મદદ કરી જીવ બચાવનારા ટ્રાફિક પોલીસકર્મીનો આભાર માન્યો.
  • સચિને કહ્યું કે, દરેકે થોડો સમય કાઢીને સેવાભાવી લોકોનો આભાર માનવો જોઈએ.
  • તેંડુલકરે લોકોને ટ્રાફિકના નિયમોનું પાલન કરવા પણ સલાહ આપી.

મુંબઈ: ભારતીય ક્રિકેટના મહાન બેટ્સમેન સચિન તેંડુલકરે ટ્રાફિક પોલીસનો આભાર માન્યો છે. તે સાથે જ લોકોની સેવા કરી રહેલા બધા લોકોનો આભાર વ્યક્ત કર્યો છે. તેમણે એક ઘટના અંગે જણાવ્યું છે, જ્યારે ટ્રાફિક પોલીસે તેમના એક મહિલા મિત્રને સમયસર મદદ કરી હતી. તેમણે જણાવ્યું કે, ટ્રાફિક પોલીસકર્મીએ તેમના મહિલા મિત્રને સમસયર હોસ્પિટલ પહોંચાડી અને સાથે જ રસ્તામાં તેની જરૂરી દેખરેખ પણ કરી.

તેંડુલકરે કહ્યું કે, ઘણા લોકો એવા છે જે ડ્યૂટીથી આગળ વધીને લોકોની મદદ કરે છે અને આપણે થોડો સમય કાઢીને તેમના સારા કામની પ્રશંસા કરવી જોઈએ.

29 વર્ષ પછી દ.આફ્રિકામાં ઈતિહાસ રચી શકશે કોહલી એન્ડ કંપની? શું કહે છે આંકડા

સચિને લખ્યું કે, ‘થોડા દિવસ પહેલા મારી નજીકની એક મિત્રને એક્સિડન્ટ થયો. ઈશ્વરની કૃપાથી તેણી હવે સ્વસ્થ છે. જોકે, એક ટ્રાફિક પોલીસકર્મીએ સમયસર કરેલી મદદ કામ આવી. તેણે તાત્કાલિક મારી મિત્રને રિક્ષામાં બેસાડી હોસ્પિટલ પહોંચાડી અને યોગ્ય સમયે યોગ્ય નિર્ણય લીધો. પોલીસકર્મીએ એ ધ્યાન રાખ્યું કે, હોસ્પિટલ જવા દરમિયાન મારી મિત્રનું કરોડરજ્જુનું હાડકું, જેમાં ઈજા થઈ હતી, તેને ઓછામાં ઓછું નુકસાન થાય.’

સચિને ટ્વીટમાં લખ્યું કે, ‘હું એ પોલીસકર્મીને મળ્યો અને મદદ માટે તેમનો આભાર માન્યો.’ તેમણે આગળ લખ્યું કે, ‘એ પોલીસકર્મી જેવા ઘણા જેવા લોકો છે, જે આગળ આવીને લોકોને મદદ કરે છે. આવા જ લોકોને કારણે આ દુનિયા ઘણું સુંદર સ્થળ છે. જ્યારે તમે આવા લોકોને જુઓ છો, ખાસ કરીને તે કે જે લોકોની મદદ કરે છે, એક પળ કાઢીને તેમનો આભાર માની લો. તમને કદાચ જાણ નહીં હોય, પરંતુ તેઓ ચૂપચાપ લોકોના જીવનમાં પરિવર્તન લાવવાનું કામ કરી રહ્યા છે.’

IPL લખનૌ ફ્રેન્ચાઈઝીએ એન્ડી ફ્લાવરને બનાવ્યા હેડ કોચ, KL રાહુલ ટીમમાં સામેલ થઈ શકે છે
સચિને લોકોને ટ્રાફિકના નિયમોનું પાલન કરવા પણ કહ્યું. સચિને કહ્યું કે, લોકોએ શોર્ટ કટ ન લેવો જોઈએ, કેમકે તેનાથી તેમના જીવને જોખમ થઈ શકે છે. તેમણે લોકોનું જીવન સુરક્ષિત બનાવવા માટે દેશભરના ટ્રાફિક પોલીસકર્મીઓની પ્રશંસા કરી.

સચિને કહ્યું કે, ‘ભારતભરના ટ્રાફિક પોલીસકર્મીઓનો તેમના પ્રયાસો માટે આભાર માનવા ઈચ્છું છું. તમે લોકોનું જીવન સુરક્ષિત બનાવવાનું કામ કરે છે અને આપણે બધાએ ટ્રાફિકના નિયમોનું પાલન કરવું જોઈએ અને શોર્ટ કટ ન લેવો જોઈએ. કોઈના જીવનને ખતરામાં મૂકીને થોડો સમય બચાવી લેવો કોઈ સમજદારીની વાત નથી.’

ચટાકેદાર ચટણી સાથે અહીંની કચોરી, સેવ-મમરા ના ખાધા હોય તેવો અમદાવાદી શોધવો મુશ્કેલ છે!



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here