organ donation: બ્રેનડેડ થયેલા વ્હાલસોયા ભાઈનું ત્રણ બહેનોએ કર્યું અંગદાન, 21 વર્ષના યુવકમાં ધબક્યું હૃદય – ahmedabad a youth who was declared brain dead gave new lease of life to five

0


હાઈલાઈટ્સ:

  • બ્રેનડેડ જાહેર કરાયેલો યુવક નાની જ ઉંમરમાં ગુમાવી ચૂક્યો હતો માતા-પિતા
  • ચાર ભાઈ-બહેનમાં યુવક સૌથી મોટો હતો અને એકમાત્ર કમાનારો હતો
  • ભાઈની સગાઈ થતાં બહેનો ખુશ હતી અને લગ્નની તૈયારીઓ પણ શરૂ કરી દીધી હતી

અમદાવાદઃ સાબરકાંઠા જિલ્લાના તલોદમાં રહેતા મેહુલ પરમાર નામના યુવકે ઘણા સપના જોયા હતા. 12મી ડિસેમ્બરે જ તેની સગાઈ થઈ હતી અને તેની ત્રણ બહેનો લગ્નની તૈયારી કરી રહી હતી, જે આવતા વર્ષે લેવાના હતા. પરંતુ ભાગ્યએ કંઈક અલગ જ લખ્યું હતું. બીજા જ દિવસે મેહુલ પરમારનો અકસ્માત થયો હતો અને તેને ગંભીર ઈજાઓ પહોંચતા અમદાવાદની સિવિલ હોસ્પિટલમાં ખસેડવામાં આવ્યો હતો

વર્ષો જૂનું પરિમલ ગાર્ડન આધુનિક બનશે, રૂ. 10 કરોડના ખર્ચે રિડેવલપ કરાશે
ત્રણ દિવસની સઘન સારવાર બાદ, 16મી ડિસેમ્બરે તેને બ્રેનડેડ જાહેર કરવામાં આવ્યો હતો. સારવાર કરનારા ડોક્ટરો મેહુલના જીવનની કહાણી સાંભળીને અંદરથી હચમચી ગયા હતા. ‘મેહુલ જ્યારે નાનો હતો ત્યારે જ તેણે માતા-પિતાની છત્રછાયા ગુમાવી દીધી હતી. ચારેય ભાઈ-બહેનમાં તે સૌથી મોટો હતો અને પરિવારમાં તે એકમાત્ર કમાનાર હતો. તેની સગાઈ લાંબા સમય પછી પરિવારમાં ખુશી લાવી હતી’, તેમ એક અધિકારીએ જણાવ્યું હતું.

બ્રેનડેડ મહિલાના કારણે 17 વર્ષની છોકરીને મળ્યું આશાનું નવું કિરણ, હાર્ટ ટ્રાન્સપ્લાન્ટ કરાયું
મેહુલ પરમારના નિધન બાદ, ત્રણ બહેનોનું SOTTO (સ્ટેટ ઓર્ગન ટિશૂ ટ્રાન્સપ્લાન્ટ ઓર્ગેનાઈઝેશન) દ્વારા કાઉન્સિલિંગ કરવામાં આવ્યું હતું. ભાઈના નિધનનું દુઃખ હોવા છતાં તેઓ મેહુલના ઓર્ગનને ડોનેટ કરવા માટે તૈયાર થઈ ગયા હતા. ડોક્ટરોએ તેનું હૃદય, લિવર, સ્વાદુપિંડ અને બે કિડની મેળવી હતી. મેહુલ પરમારના હૃદયને ગ્રીન કોરિડોર મારફતે સિમ્સ હોસ્પિટલમાં મોકલાયું હતું, જે 21 વર્ષીય યુવકમાં ટ્રાન્સપ્લાન્ટ કરાયું હતું.

સિવિલના સુપ્રીટેન્ડેન્ટ ડો. રાકેશ જોશીએ જણાવ્યું હતું કે, હોસ્ટિપલને રિટ્રાઈવલ સેન્ટરની મંજૂરી મળ્યાના 355 દિવસમાં 24 ઓર્ગન ડોનેશનમાં સફળતા મળી છે. અત્યારસુધીમાં 24 વ્યક્તિઓના અંગદાનથી 68 દર્દીઓને નવું જીવન મળ્યું છે. સિવિલ હોસ્પિટલની SOTTO ટીમ દિવસ-રાત નિષ્ઠાપૂર્વક અંગદાનની જાગૃકતા અને સફળતા માટે કામગીરી કરી રહી છે. જેના કારણે રાજ્યભરમાં અંગદાન અંગે જાગૃતિ વધી છે. અંગદાન થકી દર્દીઓના જીવનમાં સુધારો થઈ રહ્યો છે. બ્રેનડેડ થયેલા વ્યક્તિના પરિવારજનોએ પણ અંગદાનનું મહત્વ સમજીને અંગદાન એ જ મહાદાનની પરિકલ્પનાને સાકાર કરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here