omicron infects 70 times faster then delta: ઓમિક્રોનના સંક્રમણની ઝડપ 70 ગણી પરંતુ ફેફસામાં અસર 10 ગણી ઓછી – omicron infects 70 times faster then delta but 10 times lower severe

0


હાઈલાઈટ્સ:

  • દેશમાં, કોરોનાના ઓમિક્રોન વેરિઅન્ટથી સંક્રમણના કેસ 100ને પાર, 11 રાજ્યોમાં મળી આવ્યા છે તેના કેસ
  • હોંગકોંગ યુનિવર્સિટીના અભ્યાસમાં દાવો કરવામાં આવ્યો છે કે ઓમિક્રોન ડેલ્ટા કરતા 70 ગણી ઝડપથી હવામાં ફેલાય છે
  • જોકે અભ્યાસમાં રાહતના સમાચાર એ મળ્યા કે ઝ઼઼ડપથી ફેલાતો ઓમિક્રોનની ફેફસાં પર ઘણી ઓછી અસર કરે છે.

નવી દિલ્હીઃ દેશમાં કોરોના વાયરસના નવા પ્રકાર ઓમિક્રોનથી સંક્રમણના કુલ કેસ 100ને વટાવી ગયા છે. અત્યાર સુધીમાં 11 રાજ્યોમાં આ ખૂબ જ ઝડપથી ફેલાતા વાયરસ પ્રકારે પોતાની હાજરી નોંધાવી છે. દક્ષિણ આફ્રિકામાં પ્રથમ વખત ઓળખાયેલ ઓમિક્રોન વેરિઅન્ટ યુરોપ અને બાકીના વિશ્વમાં ઝડપથી ફેલાઈ રહ્યો છે. તે ભારતમાં કોરોનાની ભયંકર બીજી લહેર માટે જવાબદાર ડેલ્ટા વેરિઅન્ટ કરતા 70 ગણી ઝડપથી ફેલાવાની ક્ષમતા ધરાવે છે. આ જ કારણ છે કે એવી આશંકા વધી રહી છે કે ઓમિક્રોનથી દેશમાં મહામારીના ત્રીજી લહેર આવી શકે છે.

ઓમિક્રોનથી ત્રીજી લહેરનો ભય!
ભારતમાં લાંબા સમયથી કોરોના સંક્રમણના દૈનિક કેસ 10 હજારથી ઓછા છે, પરંતુ ઓમિક્રોને ચિંતા વધારી દીધી છે. આ વાયરસ અંગેની ચિંતાનો અંદાજ તેના પરથી લગાવી શકાય છે કે નીતિ આયોગના સભ્ય વીકે પૉલે ચેતવણી આપી છે કે યુકેમાં જે દરે ઓમિક્રોન વધી રહ્યો છે, જો ભારતમાં તે જ દરે વધશે તો દૈનિક 14 લાખ કેસ આવશે. બ્રિટન સહિત યુરોપના ઘણા દેશોમાં કોરોનાની ચિંતાજનક ગતિ અને તાજેતરના એક અભ્યાસના પરિણામ ખરેખર મનમાં ભય ઉત્પન્ન કરનારા છે.

જોકે આ અભ્યાસમાં આશાનું કિરણ પણ દેખાયું
હકીકતમાં, આ જ અઠવાડિયામાં હોંગકોંગ યુનિવર્સિટીના મેડિસિન ફેકલ્ટીના સંશોધકો દ્વારા એક અભ્યાસ પ્રકાશિત કરવામાં આવ્યો છે. તેમાં બહાર આવ્યું છે કે ઓમિક્રોન ડેલ્ટા વેરિઅન્ટ કરતાં 70 ગણી ઝડપથી ફેલાવાની ક્ષમતા ધરાવે છે. જોકે, આ જ અભ્યાસમાં આશાનું કિરણ પણ દેખાઈ રહ્યું છે. તે એ છે કે હોંગકોંગ યુનિવર્સિટીના અભ્યાસ મુજબ ઓમિક્રોન જેટલી ઝડપથી ફેલાય છે તેની સામે ફેફસાં પર બહુ ઓછી અસર કરે છે. ડૉ. માઇકલ ચાન ચી-વાઇ અને સંશોધકોની ટીમે શોધી કાઢ્યું કે ઓમિક્રોન વેરિઅન્ટ સંક્રમણના 24 કલાક પછી આપણી શ્વાસનળીમાં તેની સંખ્યા ખૂબ જ ઝડપથી વધે છે. શ્વાસનળી ફેફસાં સાથે જોડાય છે અને આ માર્ગ દ્વારા આપણે લીધેલી હવા અંદર જાય છે અને આપણા ફેફસામાં આવે છે.

અભ્યાસમાં એ પણ સામે આવ્યું છે કે ઓમિક્રોન ફેફસાની પેશીઓ એટલે કે તંતુઓમાં કોરોના વાયરસના મૂળ પ્રકાર કરતાં 10 ગણી ઓછી ઝડપથી વૃદ્ધી કરે છે. સરળ શબ્દોમાં કહીએ તો, ઓમિક્રોન ફેફસાંને કોરોનાના મૂળ પ્રકાર કરતાં 10 ગણી ઓછી અસર કરે છે. આ એ વાતનો સંકેત છે કે નવા વેરિઅન્ટનો ચેપ ઓછો ગંભીર રહેશે, ફેફસાંને બહુ ઓછું નુકસાન થશે. એટલે કે આના કારણે દર્દીની સ્થિતિ વધુ ખરાબ થવાની કે મૃત્યુ થવાની શક્યતા બહુ ઓછી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here