vicky kaushal: કેટરીના-વિકીના લગ્ન પર અક્ષય કુમારે કહ્યો જોક, હસવાનું ન રોકી શકી સારા અલી ખાન – the kapil sharma show akshay kumar makes fun of vicky kaushal and katrina kaif’s wedding

0


હાઈલાઈટ્સ:

  • ‘ધ કપિલ શર્મા શો’માં કિકુ શારદાએ કાઢી કેટરીના કૈફ-વિકી કૌશલના લગ્નની વાત
  • કેટરીના કૈફ-વિકી કૌશલના લગ્નમાં એન્ટ્રી ન આપવા અંગે કિકુ શારદાએ કરી મજાક
  • 9મી ડિસેમ્બરે 120 મહેમાનોની ઉપસ્થિતિમાં લગ્નના બંધનમાં બંધાયા કેટરીના-વિકી

કેટરીના કૈફ અને વિકી કૌશલના લગ્નનો વિષય છેલ્લા બે મહિનાથી સૌથી વધારે ચર્ચામાં હતો. રિલેશનશિપને આગળ વધારતાં બંનેએ આખરે 9મી ડિસેમ્બરે રાજસ્થાનના સિક્સ સેન્સિસ ફોર્ટ બરવાડામાં પરિવારજનો તેમજ મિત્રોની હાજરીમાં લગ્ન કરી લીધા. કેટરીના અને વિકીના લગ્નમાં 120 મહેમાનોને આમંત્રિત કરાયા હતા અને તેમાથી ઈન્ડસ્ટ્રી સાથે જોડાયેલા લોકો ખૂબ ઓછા હતા. અક્ષય કુમાર પણ તેવા એક્ટર્સમાંથી એક હતો જે કપલના ગેસ્ટ લિસ્ટમાં નહોતો. તેથી, જ્યારે હાલમાં તેણે ધ કપિલ શર્મા શોની મુલાકાત લીધી ત્યારે કેટરીના-વિકીના લગ્ન પર જોક માર્યા વગર રહી શક્યો નહીં.


કરીના કપૂરે કોરોના વાયરસ પર ઉતાર્યો ગુસ્સો, બંને દીકરાને ન મળી શકતા થઈ દુઃખી
‘ધ કપિલ શર્મા શો’ના અપકમિંગ એપિસોડમાં અક્ષય કુમાર, સારા અલી ખાન અને આનંદ એલ. રાય મહેમાન બનવાના છે. તેઓ ફિલ્મ ‘અતરંગી રે’ના પ્રમોશન માટે આવવાના છે. જેનો પ્રોમો સામે આવ્યો છે. જેમાં કિકુ શારદા અક્ષય કુમારને કહે છે ‘હું રાજસ્થાનથી એક હાઈ પ્રોફાઈલ વેડિંગમાં હાજરી આપીને આવ્યો છું. તમને વિશ્વાસ નહીં આવે કે મેં આવા લગ્ન જીવનમાં ક્યારેય જોયા નથી. કારણ કે તેમણે મને જોવા જ ન દીધી. પરંતુ ઘણા કૌશલ મંગલ સાથે પૂરી થઈ ગઈ’. તો અક્ષય કુમાર મજાકમાં કહે છે ‘તમે ત્યાં કિટકેટ ખાધી હશે’. અક્કીની વાત સાંભળીને સારા અલી ખાન ખડખડાટ હસી પડી હતી.

‘તારક મહેતા…’ શો નથી છોડી રહ્યો ‘ટપ્પુ’, ‘બબીતાજી’ સાથે નામ જોડાતા થયો હતો પરેશાન
ઉલ્લેખનીય છે કે, લગ્નની એક પણ તસવીર વાયરલ ન થાય તે માટે વિકી કૌશલ અને કેટરીના કૈફે ટાઈટ સિક્યુરિટી ગોઠવી દીધી હતી. લગ્નમાં હાજરી આપનારા મહેમાનોને પણ તેમણે ફંક્શનમાં હાજરી આપી હોવા અંગેની જાહેરાત થાય તેવું કંઈ પણ શેર ન કરવા કહ્યું હતું. આ સિવાય ફોટોગ્રાફી અને લગ્નસ્થળ પર મોબાઈલ લઈ આવવા અંગે પણ પ્રતિબંધ હતો. મહેમાનોને હોટેલના સ્ટાફે સિક્રેટ કોડ પણ આપ્યા હતા. કોડના આધારે મહેમાનોને રૂમ સર્વિસ અને સિક્યુરિટી જેવી સુવિધાઓ આપવામાં આવી હતી.

અક્ષય કુમાર અને સારા અલી ખાનની ફિલ્મ ‘અતરંગી રે’ની વાત કરીએ તો, તે 24મી ડિસેમ્બરે ઓટીટી પ્લેટફોર્મ પર રિલીઝ થવાની છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here