rakhi sawant’s husband ritesh: ગેરકાયદે છે રાખી સાવંતના લગ્ન? રિતેશની પહેલી પત્નીએ કહ્યું- ‘અમારા ડિવોર્સ નથી થયા’ – rakhi sawant’s husband ritesh’s first wife snigdha priya says he is still married to her and shocked to see him on bigg boss 15

0


હાઈલાઈટ્સ:

  • રાખી સાવંતનો પતિ રિતેશ અગાઉથી પરણિત એક બાળકનો પિતા છે.
  • રિતેશની પહેલી પત્ની સ્નિગ્ધાની આપવીતી સાંભળીને કંપારી છૂટી જશે!
  • સ્નિગ્ધાએ રિતેશ સામે ઘરેલુ હિંસાની ફરિયાદ નોંધાવી છે.

‘બિગ બોસ 15’ના ઘરમાં રિતેશ સિંહની એન્ટ્રી થઈ છે ત્યારથી સૌને તેના દાવા સામે આશંકાઓ છે. બેલ્જિયમમાં રહેતો NRI અને રાખી સાવંતનો પતિ હોવાનો દાવો રિતેશ કરી ચૂક્યો છે. થોડા દિવસ પહેલા જ રિતેશ અને તેની પહેલી પત્ની સ્નિગ્ધા પ્રિયાની તસવીર સોશિયલ મીડિયા પર વાયરલ થઈ હતી. તસવીરમાં રિતેશ અને સ્નિગ્ધા સાથે તેમનો દીકરો પણ જોવા મળી રહ્યો છે. અમારા સહયોગી ઈટાઈમ્સ ટીવીએ હકીકત જાણવા સ્નિગ્ધાનો સંપર્ક કર્યો હતો. ત્યારે તેણે સ્વીકાર્યું કે રિતેશ તેનો પતિ છે અને તેની સામે જ તેણે ઘરેલુ હિંસાની ફરિયાદ નોંધાવી છે.

BB 15: રાખી સાવંતને લાગશે ઝટકો, કપાશે રિતેશનું પત્તું, રાજીવ અડાતિયા પણ થશે શોની બહાર!

સ્નિગ્ધા પ્રિયાએ કહ્યું, “‘બિગ બોસ 15’માં તમે જે રિતેશ કુમારને જોવો છો તે મારો પતિ છે. અમે બંને બિહારના છીએ. મેં 1 ડિસેમ્બર 2014ના રોજ તેની સાથે લગ્ન કર્યા હતા. અમારા અરેન્જ મેરેજ હતા. શરૂઆતમાં અમે તેના વતન બેતિયા (બિહાર)માં રહ્યા હતા અને માર્ચ 2015માં અમે ચેન્નૈમાં આવીને વસ્યા હતા. એ વર્ષે ડિસેમ્બર મહિનામાં જ અમારા સંતાનનો જન્મ થયો હતો. સાત વર્ષના લગ્નજીવનમાં હું તેની સાથે અઢી વર્ષ રહી છું અને એ સમયગાળો પણ ખૂબ પીડાદાયક હતો.”

ritesh marriage

સ્નિગ્ધાના કહેવા પ્રમાણે, રિતેશ નાની-નાની વાતે ગુસ્સે થઈ જાય છે. “તે અવારનવાર મને મારતો હતો. પરંતુ ચેન્નૈમાં 18 ફેબ્રુઆરી 2017ના રોજ બનેલી ઘટનાએ અમારા સંબંધનો અંત નક્કી કરી દીધો હતો. સ્થિતિ એટલી હદે વણસી ગઈ હતી કે હિંસા સહન થાય તેવી નહોતી. તેની મમ્મી (મધુબાલા દેવી) અને બહેન (વંદના સિંહ) અમારા ત્યાં આવ્યા ત્યારે રિતેશે ચાર કલાક સુધી મને બેલ્ટથી મારી હતી. જે બાદ મને હોસ્પિટલ લઈ જવાઈ હતી અને ત્યારપછી હું જેમ-તેમ કરીને મારા માતાપિતાના ઘરે પહોંચી હતી”, તેમ આરોપ લગાવતાં સ્નિગ્ધાએ કહ્યું.

સ્નિગ્ધાના પિતાએ રિતેશ, તેની મમ્મી અને બહેન સામે બિહારના સ્થાનિક પોલીસ સ્ટેશનમાં ઘરેલુ હિંસાની ફરિયાદ નોંધાવી હતી. સ્નિગ્ધાએ આપવીતી જણાવતાં આગળ કહ્યું, “ઘટનાના આઠ મહિના બાદ રિતેશ મને લેવા આવ્યો હતો અને ફરી ક્યારેય મારા પર હાથ નહીં ઉગામવાનું મારા પિતાને વચન આપ્યું હતું. હું નહોતી ઈચ્છતી કે મારા બાળકને પિતાનો પ્રેમ ના મળે એટલે જ મેં તેની સાથે જવાનો નિર્ણય લીધો હતો. બે મહિના સુધી બધું જ સારું ચાલ્યું પરંતુ ધીમે-ધીમે સ્થિતિ બગડતી ગઈ. ઓક્ટોબર 2018માં રિતેશે ઘર છોડી દીધું અને મારો નંબર પણ બ્લોક કરી દીધો હતો. હું કોઈપણ પ્રકારે તેનો સંપર્ક ના કરી શકી. જોકે, જૂન 2019માં તે મારા પિયર નાવડા (બિહાર) આવ્યો અને અમારી સાથે 10 દિવસ રોકાયો હતો. ત્યારપછી તે ફરી જતો રહ્યો અને મારો નંબર ફરી બ્લોક કરી દીધો. થોડા મહિનાઓ બાદ અમારા દીકરા માટે થઈને મેં તેને ઈ-મેઈલ કર્યો હતો. મારો દીકરો તેના પિતાને યાદ કરતો હતો. રિતેશે મારો સંપર્ક કર્યો અને ડિવોર્સ આપવાની વાત કરી પરંતુ મેં ના પાડી દીધી. ત્રણ મહિના પહેલા તેણે ફરી ડિવોર્સ લેવા માટે મારો સંપર્ક કર્યો હતો.”

સારા અલી ખાનને ‘ચકાચક’ ડાન્સ કરાવનાર વિજય ગાંગુલી કોણ છે? ‘અનુપમા’ સાથે ખાસ કનેક્શન

rakhi ritesh bb

સ્નિગ્ધાને જ્યારે જાણકારી મળી કે રિતેશે રાખી સાવંતના પતિ તરીકે ‘બિગ બોસ 15’ના ઘરમાં એન્ટ્રી કરી છે ત્યારે તેને ઝટકો લાગ્યો હતો. “મને હજી વિશ્વાસ નથી થતો કે તે રાખી સાવંત જેવી સેલિબ્રિટીને કેવી રીતે પરણી ગયો. હું તેને ઓળખું છું ત્યાં સુધી તે જૂઠ્ઠું બોલી રહ્યો છે. એનઆરઆઈ હોવાના અને કંપનીનો માલિક હોવાના તેના દાવા પણ પોકળ છે. ‘બિગ બોસ 15’માં રિતેશ રાખી સાવંતનો પતિ કેવી રીતે હોઈ શકે? હજી પણ અમારા છૂટાછેડા થયા નથી ત્યારે તેના આ બીજા લગ્ન કાયદાની દ્રષ્ટિએ અમાન્ય છે”, તેમ વાત પૂરી કરતાં સ્નિગ્ધાએ કહ્યું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here