Lokesh Rahul: સાઉથ આફ્રિકા પ્રવાસઃ રોહિતની ગેરહાજરીમાં રાહુલ બનશે ટેસ્ટ ટીમનો ઉપસુકાની – india tour south africa lokesh rahul set to become deputy of virat kohli in test series

0


હાઈલાઈટ્સ:

  • ભારત અને સાઉથ આફ્રિકા વચ્ચે ત્રણ ટેસ્ટ મેચની સીરિઝ રમાશે જેનો પ્રારંભ 26 ડિસેમ્બરથી થશે
  • હેમસ્ટ્રિંગની ઈજાના કારણે રોહિત શર્મા ટેસ્ટ સીરિઝમાંથી બહાર થઈ ગયો છે
  • રોહિતની ગેરહાજરીમાં લોકેશ રાહુલને ટેસ્ટ ટીમનો ઉપસુકાની બનાવવામાં આવશે

ભારતીય ક્રિકેટ ટીમ હાલમાં સાઉથ આફ્રિકાના પ્રવાસે ગઈ છે જ્યાં તે યજમાન ટીમ સામે ત્રણ ટેસ્ટ મેચની સીરિઝ રમશે. આ સીરિઝમાં ઓપનર લોકેશ રાહુલ ટીમનો ઉપસુકાની બનશે. ભારત અને સાઉથ આફ્રિકા વચ્ચે 26 ડિસેમ્બરથી ટેસ્ટ સીરિઝનો પ્રારંભ થશે.

ટેસ્ટ સીરિઝ માટે રોહિત શર્માને ઉપસુકાની બનાવવામાં આવ્યો હતો. જોકે, ઈજાના કારણે તે ટેસ્ટ સીરિઝમાંથી બહાર થઈ ગયો છે. 29 વર્ષીય રાહુલ અત્યાર સુધી 40 ટેસ્ટ રમી ચૂક્યો છે અને તેણે 35.16ની સરેરાશ સાથે 2321 રન નોંધાવ્યા છે. જેમાં છ સદી સામેલ છે. મહત્વની વાત એ છે કે તેને ભવિષ્યમાં લાંબા ગાળા માટે સુકાની તરીકે જોવામાં આવી રહ્યો છે.

ખળભળાટ મચાવનારી પ્રેસ કોન્ફરન્સ બાદ કોહલીએ ટીમ સાથે કરી મસ્તી
ભારતીય ક્રિકેટ કંટ્રોલ બોર્ડના એક અધિકારીએ જણાવ્યું હતું કે, સાઉથ આફ્રિકા સામેની ત્રણ ટેસ્ટ મેચની શ્રેણી માટે લોકેશ રાહુલને વિરાટ કોહલીનો ડેપ્યુટી બનાવવામાં આવશે. અગાઉ મીડિયામાં અહેવાલ હતા કે રાહુલ ઉપસુકાની પદનો પ્રબળ દાવેદાર છે.

રોહિત શર્માને અજિંક્ય રહાણેના બદલ ટીમનો ઉપસુકાની બનાવવામાં આવ્યો હતો. જોકે, મુંબઈમાં નેટ પ્રેક્ટિસ દરમિયાન તેને હેમસ્ટ્રિંગની ઈજા થઈ હતી. જેના કારણે તે સાઉથ આફ્રિકા સામેની ટેસ્ટ સીરિઝમાંથી બહાર થઈ ગયો છે. આ પરિસ્થિતિમાં પસંદગીકારો માટે રહાણેને ફરીથી ઉપસુકાની બનાવવો મુશ્કેલ હતું કેમ કે અંતિમ ઈલેવનમાં પણ તેનું સ્થાન પાક્કુ નથી. જ્યારે રિશભ પંતને અત્યારે આ જવાબદારી આપવી ઉતાવળીયું ગણાશે.
29 વર્ષ પછી દ.આફ્રિકામાં ઈતિહાસ રચી શકશે કોહલી એન્ડ કંપની? શું કહે છે આંકડાલોકેશ રાહુલ ત્રણેય ફોર્મેટમાં રમતા હોય તેવા ખેલાડીઓમાં સામેલ છે. રાહુલની ઉંમર અને તેના અનુભવને જોતા ભવિષ્ય માટે તેને સુકાની તરીકે કેળવવાનો આ યોગ્ય સમય છે. જેથી જ્યારે કોહલી ટેસ્ટમાં સુકાની પદ છોડે ત્યારે તેને આ જવાબદારી સોંપી શકાય. માનવામાં આવી રહ્યું છે કે આગામી દિવસોમાં તેને ટેસ્ટ અને વન-ડેમાં રોહિતનો ડેપ્યુટી બનાવવામાં આવશે. આ ઉપરાંત તે આઈપીએલની નવી લખનઉ ટીમનો સુકાની પણ બનશે તેવી ચર્ચા ચાલી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here