neil bhatt: પતિ-પત્ની બન્યા બાદ નવા પ્રોજેક્ટમાં સાથે દેખાશે ‘વિરાટ’-‘પાખી’, જલ્દી જ કરશે શૂટિંગ? – ghkkpm actor neil bhatt and aishwarya sharma has signed new ad project after marriage

0


હાઈલાઈટ્સ:

  • નીલ ભટ્ટ અને ઐશ્વર્યા શર્માએ 30 નવેમ્બરે ઉજ્જૈનમાં લગ્ન કર્યા હતા.
  • ‘ગુમ હૈ કિસી કે પ્યાર મેં’ની જોડી રીલ લાઈફમાં જીવનસાથી ન બની શકી પણ અસલ જિંદગીમાં બની ગઈ છે.
  • પતિ-પત્ની બન્યા બાદ નીલ-ઐશ્વર્યા સીરિયલ સિવાયના એક પ્રોજેક્ટમાં દેખાશે તેવી ચર્ચા છે.

એક્ટર નીલ ભટ્ટ અને એક્ટ્રેસ ઐશ્વર્યા શર્મા ટીવી ઈન્ડસ્ટ્રીના પોપ્યુલર રિયલ લાઈફ કપલ પૈકીના એક છે. હાલ આ બંને સીરિયલ ‘ગુમ હૈ કિસી કે પ્યાર મેં’માં વિરાટ અને પાખીના રોલમાં જોવા મળે છે. સાથે કામ કરતાં-કરતાં એકબીજાના પ્રેમમાં પડેલા નીલ અને ઐશ્વર્યાએ 30 નવેમ્બર 2021ના રોજ ઉજ્જૈનમાં લગ્ન કર્યા હતા. કપલના લગ્નની તસવીરો સોશિયલ મીડિયા પર ખૂબ વાયરલ થઈ હતી. #NeilkiAish હેશટેગ પણ તેમના લગ્ન સમયે ખાસ્સું ચર્ચામાં રહ્યું હતું. ત્યારે નીલ અને ઐશ્વર્યાના ફેન્સને ખુશ કરી દે તેવા સમાચાર સામે આવ્યા છે.

ગેરકાયદે છે રાખી સાવંતના લગ્ન? રિતેશની પહેલી પત્નીએ કહ્યું- ‘અમારા ડિવોર્સ નથી થયા’

નીલ અને ઐશ્વર્યા ‘ગુમ હૈ કિસી કે પ્યાર મેં’માં તો કપલ તરીકે નથી દેખાતાં પરંતુ તેમને ઓન-સ્ક્રીન કપલ તરીકે જોવાનું ફેન્સનું સપનું સાકાર થશે. મીડિયા રિપોર્ટનું માનીએ તો કપલે એક નવો પ્રોજેક્ટ સાઈન કર્યો છે જેમાં તેઓ સાથે જોવા મળશે. મીડિયા રિપોર્ટનું માનીએ તો પતિ-પત્ની બન્યા પછી નીલ અને ઐશ્વર્યાએ એક વિજ્ઞાપનની ડીલ સાઈન કરી છે.

હવે વિજ્ઞાપનોમાં રિયલ લાઈફ કપલને લેવાનો ટ્રેન્ડ વર્ષોથી ચાલતો આવ્યો છે. શાહરૂખ ખાન-ગૌરી ખાન, અક્ષય કુમાર ટ્વિન્કલ ખન્ના, વિરાટ કોહલી-અનુષ્કા શર્મા, કરીના કપૂર-સૈફ અલી ખાન, અભિષેક બચ્ચન-ઐશ્વર્યા રાય જેવા બી-ટાઉનના ઘણાં કપલ વિજ્ઞાપનમાં સાથે જોવા મળી ચૂક્યા છે. આ જાહેરાતોમાં રિયલ લાઈફ કપલની ઓન-સ્ક્રીન કેમેસ્ટ્રી ફેન્સને પસંદ આવી હતી.

આ પોપ્યુલર ટ્રેન્ડમાં હવે નીલ ભટ્ટ અને ઐશ્વર્યા શર્માનું નામ પણ જોડાવાનું છે. રિયલ લાઈફ કપલ હવે એક વિજ્ઞાપનમાં સાથે જોવા મળશે તેવી અટકળો છે. મીડિયા રિપોર્ટમાં સૂત્રોના હવાલેથી દાવો કરવામાં આવ્યો છે કે, નીલ ભટ્ટ અને ઐશ્વર્યા શર્મા ટૂંક સમયમાં જ પોતાની પહેલી વિજ્ઞાપનની ડીલ સાઈન કરવાના છે. રિયલ લાઈફની આ જોડી હોમ ઈમ્પ્રુવમેન્ટના એડમાં જોવા મળશે. જેમાં બંને વચ્ચેનો રોમાન્સ પણ દેખાશે. આ એડ ચોક્કસથી નીલ અને ઐશ્વર્યાના ફેન્સને ખુશ કરી દેશે.

‘સિર્ફ તુમ’નો’રણવીર’ પ્રેમને વધુ એક તક આપવા તૈયાર, ડિવોર્સ મંજૂર થતાં જ પ્રેમિકા સાથે કરશે લગ્ન!

જણાવી દઈએ કે, ‘ગુમ હૈ કિસી કે પ્યાર મેં’માં ઐશ્વર્યા નીલની ભાભીના રોલમાં જોવા મળે છે. અગાઉ શોમાં બંનેને પૂર્વ પ્રેમી બતાવાયા હતા. વિરાટના લગ્ન સઈ સાથે થયા છે જ્યારે પાખીએ વિરાટના ભાઈ સાથે લગ્ન કર્યા છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here