mount abu temperature: માઉન્ટ આબુમાં હાડ થીજવતી ઠંડી, પારો શૂન્યથી 3 ડિગ્રી નીચે ગગડ્યો – first time in december the temperature in mount abu reached -3 degrees celsius

0


હાઈલાઈટ્સ:

  • માઉન્ટ આબુમાં શીતલહેર, તાપમાનનો પારો 0 ડિગ્રીથી નીચે
  • માઉન્ટ આબુમાં વહેલી સવારે -3 તો ગુરુ શિખર પર -5 ડિગ્રી તાપમાન નોંધાયું
  • કાતિલ ઠંડીને કારણે માઉન્ટ આબુમાં બરફની ચાદર છવાઈ ગઈ

ઉત્તર ભારતમાં વેસ્ટર્ન ડિસ્ટર્બન્સને કારણે આગામી થોડા દિવસ સુધી કાતિલ ઠંડીનો સામનો કરવા તૈયાર રહેવા માટે હવામાન વિભાગ દ્વારા જણાવવામાં આવ્યું છે. ગુજરાતમાં છેલ્લા ત્રણ દિવસથી લોકોને ફુલ ગુલાબી ઠંડીનો અહેસાસ થઈ રહ્યો છે. આ વચ્ચે ગુજરાતીઓના મનપસંદ હિલ સ્ટેશન માઉન્ટ આબુમાં પણ હાડ થીજવતી ઠંડી પડી રહી છે. તેવામાં શનિવારની સવારે માઉન્ડ આબુમાં તાપમાનનો પારો શૂન્ય ડિગ્રીથી નીચે ગગડી ગયો હતો. માઉન્ટ આબુમાં સવારે માઈનસ 3 ડિગ્રી તાપમાન નોંધાયું હતું, જ્યારે માઉન્ટ આબુના ગુરુ શિખર પર તાપમાન માઈનસ 5 ડિગ્રી પર પહોંચી ગયું હતું. તાપમાન શૂન્ય ડિગ્રીની નીચે પહોંચી જવાને કારણે માઉન્ટ આબુમાં બરફની ચાદર છવાઈ ગઈ હતી.

શનિવાર અને રવિવારને કારણે મોટી સંખ્યામાં ગુજરાતીઓ માઉન્ટ આબુ પહોંચ્યા હતા. પણ અહીં જબરદસ્ત ઠંડીનો તેઓને સામનો કરવો પડી રહ્યો છે. ઉત્તર ભારતમાં વેસ્ટર્ન ડિસ્ટર્બન્સને કારણે આગામી ત્રણ દિવસ સુધી રાજસ્થાનમાં શીતલહેર આવવાની હવામાન વિભાગે ચેતવણી આપી છે. જેની અસર હવે માઉન્ટ આબુમાં જોવા મળી રહી છે. માઉન્ટ આબુમાં તાપમાન માઈનસ 3 ડિગ્રી થઈ જવાને કારણે સમગ્ર પંથકમાં બરફની ચાદર છવાઈ ગઈ હતી. એટલું જ નહીં પણ નળનું તેમજ ટાંકીનું પાણી પણ થીજી ગયું હતું. એટલું જ નહીં, પણ હોટેલ્સની બહાર મુકવામાં આવેલાં ટેબલ ઉપર પણ બરફની ચાદર છવાઈ ગઈ હતી.

સૌરાષ્ટ્ર અને ઉત્તર ગુજરાતમાં કોલ્ડ વેવની આગાહી, આજથી ત્રણ દિવસ પડશે કાતિલ ઠંડી

જો કે, અહીં ફરવા આવેલાં ગુજરાતીઓએ આવી ફુલ ગુલાબી ઠંડીની મજા માણતા જોવા મળ્યા હતા. અહીં રાતના સમયે તો ઠીક પણ સવારના સમયે પણ લોકો તાપણી કરતાં જોવા મળ્યા હતા. ફરવા આવેલાં પ્રવાસીઓમાંથી નાના બાળકો અને વૃદ્ધો કાતિલ ઠંડીને કારણે ધ્રુજી ઉઠ્યા હતા. બીજી બાજુ યુવાનોએ ઠંડીની ફુલ મજા માણી હતી.

ઉલ્લેખનીય છે કે, માઉન્ટ આબુમાં છેલ્લા બે દિવસથી સતત તાપમાનનો પારો શૂન્ય ડિગ્રીથી નીચે નોંધાઈ રહ્યો છે. અને ડિસેમ્બર મહિનામાં પહેલીવાર માઉન્ટ આબુમાં તાપમાન માઈનસ 3 ડિગ્રી પર પહોંચ્યું છે. માઉન્ટ આબુના ટોચના શિખર ગુરુ શિખર પર તો તાપમાન તેનાથી પણ નીચું માઈનસ 5 ડિગ્રી નોંધાયું હતું. સવાર ઉપરાંત સમગ્ર દિવસ દરમિયાન આબુમાં કાતિલ ઠંડીનો અનુભવ થઈ રહ્યો છે. દિવસનું મહત્તમ તાપમાન પણ 21 ડિગ્રી રહ્યું હતું.

તમે ટેસ્ટ કરી છે ચાંદખેડામાં ફેમસ નવરંગની દાબેલી?



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here