સોશિયલ મીડિયા પર થઈ મુલાકાત, લગ્ન કરવા છત્તીસગઢથી અરવલ્લી પહોંચી ગઈ છોકરી – teenage from chhattisgarh came to gujarat to marry social media friend

0


હાઈલાઈટ્સ:

  • સોશિયલ મીડિયા પર યુવા વર્ગ કિંમતી સમય બરબાદ કરી રહ્યો છે.
  • અરવલ્લીના છોકરાની મુલાકાત છત્તીસગઢની છોકરી સાથે ઈન્સ્ટા પર થઈ.
  • લગ્ન કરવા માટે ઘરે કહ્યા વગર છત્તીસગઢથી અરવલ્લી પહોંચી ગઈ છોકરી.

મોડાસા- એવુ કહેવામાં આવે છે કે પ્રેમને કોઈ સરહદ નથી નડતી. અને ઈન્ટરનેટની ક્રાંતિ પછી તો દુનિયા જાણે નાની બની ગઈ છે. ઉપરથી વિવિધ સોશિયલ મીડિયા પ્લેટફોર્મને કારણે લોકો દેશ અને દુનિયાના વિવિધ લોકો સાથે સરળતાથી મિત્રતા કરી શકે છે. પરંતુ આ સોશિયલ મીડિયા અને ઈન્ટરનેટને કારણે ઘણીવાર યુવાવર્ગ અભ્યાસના અને કારકિર્દી ઘડતરના મહત્વના સમયને બરબાદ કરી નાંખે છે. માતા-પિતા જાણી નથી શકતા કે આખરે તેમના બાળકો ફોનમાં શું કરી રહ્યા છે અને ઘણીવાર તેઓ પોતાની ભૂલોને કારણે મોટી સમસ્યામાં પણ મૂકાતા હોય છે. અરવલ્લી જિલ્લાથી આ પ્રકારનો એખ કિસ્સો સામે આવ્યો છે.

દીકરીએ પ્રેમલગ્ન કરતાં નારાજ પરિવારે વેર વાળ્યું, જમાઈ-વેવાણ પર જીવલેણ હુમલો કર્યો

મેઘરજ તાલુકાનો બારમા ધોરણમાં અભ્યાસ કરતો 17 વર્ષનો એક છોકરો સોશિયલ મીડિયા પ્લેટફોર્મ ઈન્સ્ટાગ્રામના માધ્યમથી છત્તીસગઢની એક 18 વર્ષીય છોકરીના સંપર્કમાં આવ્યો. વાતચીત કરીને તેમણે એકબીજાનો પરિચય આપ્યો અને પછી ધીમે ધીમે વાત આગળ વધી. લગભગ ચાર મહિના સુધી તેમણે એકબીજા સાથે વાતો કરી અને તેમને લાગ્યું તે તેઓ એકબીજાને પ્રેમ કરવા લાગ્યા છે. આટલું જ નહીં, બન્નેએ લગ્ન સુધીનો નિર્ણય લઈ લીધો અને છોકરીને છત્તીસગઢથી અરવલ્લી સુધી બોલાવી લીધી.

બ્રેનડેડ થયેલા વ્હાલસોયા ભાઈનું ત્રણ બહેનોએ કર્યું અંગદાન, 21 વર્ષના યુવકમાં ધબક્યું હૃદય
છોકરી છત્તીસગઢથી અરવલ્લી પહોંતી તો ઘરે આ પ્રકારે એકાએક અજાણી છોકરીને જોઈને છોકરાના માતા-પિતા અને પરિવારજનો પણ ચોંકી ગયા. શરુઆતમાં છોકરાના માતા-પિતાએ તેમને શાંતિથી સમજાવવાનો પ્રયત્ન કર્યો પરંતુ તેમણે લગ્ન કરવાનો મક્કમ ઈરાદો કરી જ લીધો હતો. આખરે છોકરાના માતા-પિતાએ 181 અભયમ હેલ્પલાઈન પર ફોન કરી મદદ માંગવી પડી હતી. અભયમ ટીમના કાઉન્સિલર ચૌધરી ચેતના અને કોન્સ્ટેબલ ભાવનાબેન પોતાની ટીમ સાથે રાત્રે 11 વાગ્યાની આસપાસ મેઘરજના ગામમાં પહોંચ્યા હતા.

રાજ્યમાં ઓમિક્રોનનો પાંચમો કેસ, મહેસાણાની મહિલાને બેસણાંમાંથી ચેપ લાગ્યો!
અભયમની ટીમ દ્વારા બન્નેનું કાઉન્સિલિંગ કરવામાં આવ્યું. પૂછપરછ દરમિયાન જાણવા મળ્યું કે છોકરી પોતાના ઘરેથી કહ્યા વિના આવી ગઈ હતી. તેણે જીદ પકડી હતી કે તે ઘરે જવા નથી માંગતી. છોકરાએ પણ લગ્નની જીદ પકડી રાખી હતી. પૂછપરછમાં જાણવા મળ્યું કે છોકરાએ લોકેશન મોકલ્યુ હતું જેની મદદથી તે અહીં સુધી પહોંચી હતી. તેણે કહ્યું કે, આ છોકરો મને ખૂબ પ્રેમ કરે છે અને મહારાણીની જેમ રાખશે, માટે હું છેક ત્યાંથી અહીં આવી ગઈ છું.

181ની ટીમે લગભગ એક કલાક સુધી છોકરીનું કાઉન્સિલિંગ કર્યું ત્યારે તેણે પોતાના પરિવારની જાણકારી આપી. ટીમે તેને ઘરે પાછી જવા સમજાવી. છોકરાના પરિવારે ટીમને જણાવ્યું કે અમારે કોઈ કાર્યવાહી નથી કરવી, માત્ર તેને સુરક્ષિત ઘરે મોકલવી છે. આખરે ટીમે છોકરીને છત્તીસગઢ પોતાના ઘરે મોકલી હતી. ઉલ્લેખનીય છે કે આ પ્રકારના કિસ્સા બાળકો અને ખાસકરીને વાલીઓ માટે લાલબત્તી સમાન છે. કારકિર્દી ઘડવાના સમયમાં બાળકો આ પ્રકારે સોશિયલ મીડિયા પર સમય બરબાદ કરે તો તેમના માટે ભવિષ્યમાં નુકસાન જ છે. ઘણાં બાળકો આ પ્રકારે છેતરપિંડી અને ઠગાઈનો પણ શિકાર બનતા હોય છે. વાલીઓ પોતાના બાળકોની ઓનલાઈન એક્ટિવિટી પર નજર રાખે તે જરુરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here