vadodara couple tests omicron positive: ઝામ્બિયાથી વડોદરા આવેલા વૃદ્ધ દંપતીમાં કોરોનાના ઓમિક્રોન વેરિયન્ટની પુષ્ટિ – an elderly couple who come vadodara from zambia found infected with omicron variant

0


હાઈલાઈટ્સ:

  • ઝામ્બિયાથી વડોદરા આવેલા એક વૃદ્ધ દંપતીને કોવિડ-19ના ઓમિક્રોન વેરિયન્ટનો ચેપ લાગ્યો
  • સંક્રમણને અટકાવવા માટે આરોગ્ય તંત્ર દ્વારા કોન્ટેક્ટ ટ્રેસિંગ અને ટેસ્ટિંગ માટેની કાર્યવાહી શરૂ
  • ટ્રાવેલ હિસ્ટ્રી હોવાથી દંપતીના સેમ્પલ જીનોમ સિક્વન્સિંગ માટે લેબમાં મોકલતા પુષ્ટિ થઈ હતી

વડોદરા: ઝામ્બિયાથી વડોદરા શહેરમાં આવેલા એક વૃદ્ધ દંપતીને કોવિડ-19ના ઓમિક્રોન વેરિયન્ટનો ચેપ લાગ્યો છે. તેઓએ આ અઠવાડિયાની શરૂઆતમાં કોવિડ -19 માટે સકારાત્મક પરીક્ષણ કર્યું હતું. આમ હવે રાજ્યમાં જામનગર, સુરત અને મહેસાણા બાદ હવે વડોદરામાં પણ કોરોનાના નવા વેરિયન્ટની એન્ટ્રી થતાં લોકોમાં ફફડાટ ફેલાયો છે. તેમજ સંક્રમણને અટકાવવા માટે આરોગ્ય તંત્ર દ્વારા કોન્ટેક્ટ ટ્રેસિંગ અને ટેસ્ટ માટેની કાર્યવાહી હાથ ધરવામાં આવી છે.

ફતેહપુરા વિસ્તારમાં રહેતું દંપતી ઓમિક્રોન પોઝિટિવ
વડોદરા મ્યુનિસિપલ કોર્પોરેશન (VMC)ના અધિકારીઓના જણાવ્યા અનુસાર આ દંપતી 7 ડિસેમ્બરે આવી પહોંચ્યું હતું. ફતેહપુરા વિસ્તારના રહેવાસી દંપતી ‘જોખમી’ દેશમાંથી ન હોવાથી ગાઈડલાઈન મુજબ સેલ્ફ મોનિટરિંગમાં હતા.

સેમ્પલ જીનો સિક્વન્સિંગ માટે માટે મોકલાયા હતા
VMC અધિકારીઓએ જણાવ્યું કે કેટલાક સંબંધીઓના સૂચન પર દંપતીએ RTP-CR ટેસ્ટ કરાવ્યો હતો. જેમાં 75 વર્ષીય વ્યક્તિ અને તેમની 67 વર્ષીય પત્નીએ સકારાત્મક પરીક્ષણ કર્યું હતું અને તેમને હોમ આઇસોલેશનની સલાહ આપવામાં આવી હતી. જો કે, વિદેશની ટ્રાવેલ હિસ્ટ્રી હોવાથી તેમના સેમ્પલ જીનોમ સિક્વન્સિંગ માટે મોકલવામાં આવ્યા હતા.

દંપતીના સંપર્કમાં આવેલા લોકોની તપાસ શરૂ
શુક્રવારે સાંજે ગુજરાત બાયોટેકનોલોજી રિસર્ચ સેન્ટરના અહેવાલમાં પુષ્ટિ કરવામાં આવી હતી કે તેઓ ઓમિક્રોન વેરિઅન્ટથી સંક્રમિત છે. જેથી VMC અધિકારીઓએ દંપતીના સંપર્કમાં આવેલા લોકોને શોધીને તેમનું પરીક્ષણ કરવાની કવાયત શરૂ કરી છે.

છેલ્લા 24 કલાકમાં 60 કે, નવસારીમાં એકનું મોત
આ દરમિયાન શુક્રવારે સાંજે 5 વાગ્યા સુધી છેલ્લા 24 કલાકમાં ગુજરાતમાં વધુ 60 કોવિડ -19 કેસ ઉમેરાતા કુલ આંકડો 8.28 લાખ પર પહોંચી ગયો છે. નવસારી જિલ્લામાં એક કોવિડ મૃત્યુ સાથે રાજ્યમાં મૃત્યુઆંક વધીને 10,101 થયો છે.

ગુજરાતમાં નવા પોઝિટિવ કેસમાં વડોદરાના 14, રાજકોટના 13, અમદાવાદના 8 અને સુરત જિલ્લાના પાંચ કેસનો સમાવેશ થાય છે. આ દરમિયાન ગુજરાતમાં પ્રથમ ડોઝ માટે 28,734 અને બીજા ડોઝ માટે 2.12 લાખ લોકોને રસી આપવામાં આવી હતી. આંકડા મુજબ 4.64 કરોડને પહેલો ડોઢ અને 4.02 કરોડ બીજો ડોઝ આપવામાં આવ્યો હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here