vadu police: જમાઈએ ₹20 હજાર ન આપતાં દીકરીને માતા-પિતાએ જ બનાવી બંધક, અભયમે રેસ્ક્યૂ કર્યું – vadodara 23 year old woman harassed by her own parents abhayam team rescued her

0


હાઈલાઈટ્સ:

  • 23 વર્ષીય મહિલા સાથે માતા-પિતાએ અમાનવીય વર્તન કરીને બંધક બનાવી
  • પતિ લગ્નમાં આપેલા વચન મુજબ મહિલાના માતા-પિતાને પૈસા ચૂકવી શક્યો નહોતો
  • પતિ તેની પત્નીને લેવા ગયો ત્યારે પણ તેના માતા-પિતાએ પહેલા પૈસા આપવાની વાત કરી

વડોદરાઃ દહેજની માગને લઈને લોભી સાસરિયાઓ મહિલાનું શોષણ કરતા હોવાના કિસ્સા રોજ સામે આવી રહ્યા છે. પરંતુ એક અનોખા કેસમાં, 23 વર્ષની જાગૃતિ (નામ બદલ્યું છે) સાથે તેના જ માતા-પિતાએ અમાનવીય વર્તન કર્યું હતું અને તેને બંધક બનાવી હતી કારણ કે તેનો પતિ સામુદાયિક રિવાજ પ્રમાણે આપેલા વચન મુજબ 20 હજાર રૂપિયા આપવામાં નિષ્ફળ રહ્યો હતો. પાદરાના એક ગામમાં ગુરુવારે જાગૃતિને તેના માતા-પિતાએ ઘરે ખાટલા સાથે બાંધી દીધી હતી. પતિએ 181 અભયમને ફોન કર્યા બાદ મહિલાનું રેસ્ક્યૂ કરાયું હતું અને અભયમની ટીમે મામલાને વડુ પોલીસને સોંપ્યો હતો.

બ્રેનડેડ થયેલા વ્હાલસોયા ભાઈનું ત્રણ બહેનોએ કર્યું અંગદાન, 21 વર્ષના યુવકમાં ધબક્યું હૃદય
‘મહિલાએ અગાઉ અન્ય વ્યક્તિ સાથે લગ્ન કર્યા હતા અને બે દીકરીઓને જન્મ આપ્યો હતો. દીકરાને જન્મ ન આપી શકતા તેણે મહિલાને ડિવોર્સ આપી દીધા હતા. બાદમાં મહિલાના માતા-પિતાએ તેના લગ્ન પાદરાની ફેક્ટરીમાં મજૂરીકામ કરાવતા વ્યક્તિ સાથે કરાવ્યા હતા’, તેમ અભયમના અધિકારીએ જણાવ્યું હતું.

‘જાગૃતિ રાજસ્થાનના એક સમુદાય સાથે સંબંધ ધરાવે છે, જે અનોખી પરંપરાને અનુસરે છે. મહિલાનો પરિવાર પોતાની દીકરીઓના લગ્ન વખતે પતિ પાસેથી પૈસાની માગણી કરે છે. આ વિધિને ‘દાવા’ કહેવામાં આવે છે. જાગૃતિના માતા-પિતાએ 20 હજાર રૂપિયા માગ્યા હતા અને તેના પતિએ હપ્તામાં ચૂકવવાનું વચન આપ્યું હતું. કપલના લગ્ન થોડા મહિના પહેલા થયા હતા, પરંતુ પતિ તેના માતા-પિતાને વચન મુજબ નાણા ચૂકવી શક્યો નહોતો’, તેમ અધિકારીએ અમારા સહયોગી ટાઈમ્સ ઓફ ઈન્ડિયા સાથે વાતચીત કરતા જણાવ્યું હતું.

વર્ષો જૂનું પરિમલ ગાર્ડન આધુનિક બનશે, રૂ. 10 કરોડના ખર્ચે રિડેવલપ કરાશે
જાગૃતિના પિતા થોડા દિવસ પહેલા દીકરીને ઘરે બોલાવી હતી અને તેમના જમાઈને વચન પ્રમાણેની રકમ આપશે તો જ પત્નીને પરત મેળવી શકશે તેમ કહ્યું હતું. ગુરવારે મહિલાનો પતિ પાદરામાં આવેલા સાસુ-સસરાના ઘરે ગયો હતો પરંતુ તેમણે જાગૃતિને જવા દેવાની ના પાડી હતી. તેઓ ગુસ્સે થઈ જતાં પતિ ત્યાંથી જતો રહ્યો હતો અને મદદ માટે 181 અભયમનો સંપર્ક સાધ્યો હતો.

‘આ દરમિયાન મહિલાએ તેના માતા-પિતાને તે પતિ સાથે રહેવા માગતી હોવાનું કહ્યું હતું. ગુસ્સે થઈને માતા-પિતાએ ઘરના એક ખાટલા સાથે તેને દોરડાથી બાંધી દીધી હતી’, તેમ અધિકારીએ ઉમેર્યું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here