golden temple: સુવર્ણ મંદિરમાં ગુરુગ્રંથ સાહિબનું અપમાન કરનારાને લોકોએ મોતને ઘાટ ઉતાર્યો – amritsar unknown man try to entered the holy sote of golden temple

0


હાઈલાઈટ્સ:

  • સુવર્ણ મંદિરમાં પવિત્ર ગુરુ ગ્રંથ સાહિબનું અપમાન કરવાની ઘટના સામે આવી છે
  • સચખંડ સાહિબની અંદર બનેલા જંગલને પાર કરી યુવકે ગુરુ ગ્રંથ સાહિબનું અપમાન કરવા પ્રયત્ન કર્યો
  • એસજીપીસીના સભ્યોએ ઓરોપીને પકડી લીધો, પરંતુ એની મારઝૂડ કરતાં મોત નીપજ્યું

અમૃતસરઃ અમૃતસરના ઐતિહાસિક સુવર્ણ મંદિરના પવિત્ર સ્થળમાં ગુરુગ્રંથ સાહિબનું અપમાન કરવાનો પ્રયત્ન કરવામાં આવ્યો છે. અહીં આરોપી યુવકે સચખંડ સાહિબના જંગલને પાર કરી પવિત્ર ગ્રંથ પાસે પહોંચવાનો પ્રયત્ન કર્યો હતો, પરંતુ ત્યાં હાજર એસપીજીસીના સભ્યો અને ટાસ્ક ફોર્સે આરોપી યુવકને પકડીને બહાર ખેંચ્યો અને મારતાં-મારતાં શિરોમણિ કમિટી ઓફિસ સુધી લાવ્યા હતા, પરંતુ આ દરમિયાન તેનું મોત નીપજ્યું હતું.

પોલીસના જણાવ્યા, અનુસાર રેહરાસ સાહિબ પાઠ દરમિાયન સુવર્ણ મંદિરની અંદર એક અજાણ્યા વ્યક્તિએ રેલિંગ કુદીને ગુરુગ્રંથ સાહિબજીની સામે મૂકેલી તલવારને પકડવાનો પ્રયત્ન કર્યો હતો. આ દરમિયાન ભીડે યુવકને ઝડપી લીધો અને એટલી હદ સુધી માર્યો કે એનુ મોત નીપજ્યું હતું. આ ઘટનાની જાણ થતાં જ પોલીસ અધિકારી સુવર્ણ મંદિર પર પહોંચી ગયા હતા. પરિસ્થિતિ વધુ વણસે નહીં એ માટે પવિત્ર સુવર્ણ મંદિરના આસપાસ મોટી સંખ્યામાં પોલીસનો બંદોબસ્ત ગોઠવી દેવામાં આવ્યો હતો.

આ મામલે એસજીપીસીના કાર્યકારી સભ્ય ગુરુપ્રીત સિંહ રંધાવાએ સોશિયલ મીડિયા પર કહ્યું- શ્રી અમૃતસર સાહિરમાં દુર્ભાગ્યપૂર્ણ ઘટનાની નિંદા, પંજાબ સરકારે તાત્કાલિક તપાસ શરૂ કરવી જોઇએ. બીજી તરફ અમૃતસર પોલીસના ડીસીપી પરમિંદર સિંહે ઘટનાની જાણકારી આપતાં કહ્યું કે, મૃતદેહ પોસ્ટમોર્ટમ માટે મોકલી દેવામાં આવ્યો છે. શરૂઆતની તપાસમાં સામે આવ્યું છે કે શખ્સ એકલો હતો.

કહેવામાં આવી રહ્યું છે કે, યુવક અચાનકથી જ ગ્રીલ ઉપર કુદીને ગુરુગ્રંથ સાહિબ જી પાસે પહોંચી ગયો હતો. મુખ્ય ભવનમાં માત્ર ગ્રંથીને જ બેસવાની અનુમતિ છે. દરબાર સાહિબમાં આ સ્થળ પવિત્ર ગુરુગ્રંથ સાહિબનો પ્રકાશ છે અને સંગત અહીં માથુ ટેકવે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here