Omicron Variant symptoms: રાહતની વાત! ઓમિક્રોનના મોટાભાગના સંક્રમિતોમાં લક્ષણો નહીં, ઓક્સિજન સપોર્ટની પણ જરૂર ના પડી – most of the omicron patients showed no symptoms and did not need oxygen support

0


અમદાવાદ/રાજકોટ/સુરત: કોરોનાની પહેલી અને બીજી લહેરની શરૂઆતમાં જોવા મળેલા આલ્ફા અને ડેલ્ટા વેરિયંટના દર્દીઓ અને ઓમિક્રોન વેરિયંટના દર્દીઓમાં મોટો તફાવત જોવા નથી મળ્યો, તેમ નિષ્ણાતોનું કહેવું છે. ઓમિક્રોન વેરિયંટથી સંક્રમિત થયેલા મોટાભાગના દર્દીઓમાં લક્ષણો જોવા મળ્યા નથી અને તેમને ઓક્સિજન સપોર્ટની પણ જરૂરિયાત ઊભી થઈ નથી.

ભારતમાં ઓમિક્રોનની ત્રીજી વેવ ફેબ્રુઆરીમાં પીક પર હશે, કોવિડ કમિટીએ આપી ચેતવણી


ગુજરાતમાં કોરોનાના ઓમિક્રોન વેરિયંટના પ્રથમ ત્રણ દર્દીઓ જામનગરમાં મળ્યા હતા. આ ત્રણેયને તાજેતરમાં જ સરકાર સંચાલિત જી.જી. હોસ્પિટલમાંથી ડિસ્ચાર્જ કરવામાં આવ્યા છે. નિષ્ણાતોનું કહેવું છે કે, રાજ્યના ઓમિક્રોનના સૌથી પહેલા દર્દી (72 વર્ષીય વૃદ્ધ)માં તાવ અને સૂકા કફ જેવા લક્ષણ જોવા મળ્યા હતા. આ સિવાય બાકીના બંને દર્દીઓમાં કોરોનાના કોઈ લક્ષણ નહોતા.

આ દર્દીઓની સારવાર કરનારા ડૉક્ટરે કહ્યું, “કોવિડ પ્રોટોકોલ પ્રમાણે, તેમનું ટેમ્પરેચર નિયમિતપણે ચેક કરવામાં આવતું હતું અને તેમને પેરાસિટામોલ તેમજ વિટામિનની ગોળીઓ આપવામાં આવતી હતી. પ્રોટોકોલ પ્રમાણે, તેમને આગામી સાત દિવસ સુધી ક્વોરન્ટીન રહેવું પડશે અને કોઈ તકલીફ થાય તો અમને જાણકારી આપવાની રહેશે. 14 દિવસ પછી તેમનો કોરોનાનો બેવાર ટેસ્ટ કરવામાં આવ્યો હતો અને બંને વખત રિપોર્ટ નેગેટિવ આવતાં તેમને ડિસ્ચાર્જ કરાયા હતા.”

અમદાવાદ સિવિલ હોસ્પિટલના મેડિકલ સુપ્રિટેન્ડન્ટ ડૉ. રાકેશ જોષીએ કહેવા પ્રમાણે, હોસ્પિટલમાં ઓમિક્રોનનો માત્ર એક દર્દી છે અને તેમની હાલત સ્થિર છે. આ દર્દી મૂળ ખેડાના છે અને યુકેથી પરત આવ્યા હતા. “ડેલ્ટા વેરિયંટમાં ફેફસાને ખૂબ નુકસાન થતું જોવા મળ્યું હતું. પરંતુ આ વેરિયંટમાં એવું નથી. જોકે, સાવચેતી રાખવી આવશ્યક છે કારણકે ઓમિક્રોન ઝડપથી ફેલાય છે અને તેના દર્દીઓને અલાયદા વોર્ડમાં રાખવામાં આવે છે”, તેમ ડૉ. જોષીએ ઉમેર્યું.

ઓમિક્રોનના સંક્રમણની ઝડપ 70 ગણી પરંતુ ફેફસામાં અસર 10 ગણી ઓછી

સુરતમાં ઓમિક્રોન વેરિયંટનો એકમાત્ર દર્દી છે પરંતુ તેને કોઈ તકલીફ નથી. તેની તપાસ દરમિયાન ડૉક્ટરોને એકપણ લક્ષણ દેખાયા નહોતા. હેલ્થ ઓફિસરે કહ્યું, “એક સ્વસ્થ વ્યક્તિ જેટલો જ આ દર્દી સામાન્ય છે.” આફ્રિકાથી પરત આવેલા 42 વર્ષીય બિઝનેસમેનનો રિપોર્ટ પરત આવ્યાના આઠ દિવસ બાદ પોઝિટિવ આવ્યો હતો. બાદમાં જિનોમ સિક્વન્સિંગ કરતાં ઓમિક્રોન વેરિયંટની પુષ્ટિ થઈ હતી.

શહેરના નિષ્ણાતોનું કહેવું છે કે, ગળામાં ખરાશ, શરીરમાં દુખાવો અને હળવો તાવ ભારત અને દુનિયાના અન્ય ભાગોમાં ઓમિક્રોનના દર્દીઓમાં જોવા મળ્યા છે. જોકે, આ વેરિયંટ કેવું રૂપ લઈ શકે છે તેના માટે વધુ વિગતો મેળવવી જરૂરી છે.

(રાજકોટથી નિમેશ ખાખરિયા અને સુરતથી યજ્ઞેશ મહેતાના ઈનપુટ સાથે)



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here