only 18 percent doctor pass DNB exam: ઓર્થોપેડિક માટેની ડિપ્લોમેટ ઓફ નેશનલ બોર્ડ પરીક્ષામાં દેશમાં ફક્ત 18 ટકા ડોક્ટર પાસ! – dnb exam result only 18 percent pass in orthopedic specialization leaves doctor stunned

0


હાઈલાઈટ્સ:

  • નેશનલ બોર્ડ ઓફ એક્ઝામિનેશનના દ્વારા લેવાયેલી ડિપ્લોમેટ ઓફ નેશનલ બોર્ડ પરીક્ષામાં મોટાપાયે ડોક્ટરો નપાસ
  • DNB પરીક્ષા MD/MS ની સમકક્ષ ગણાતો અનુસ્નાતક અભ્યાસક્રમ છે, NBE દ્વારા સંચાલિત થાય છે.
  • આ કોર્સને ખાનગી હોસ્પિટલો અને સંસ્થાઓમાં હાથ ધરવામાં આવે છે અને NBE પરીક્ષા લેવાય છે.

નવી દિલ્હી: ઓર્થોપેડિક્સમાં પોસ્ટ ગ્રેજ્યુએશન કરી રહેલા પાંચમાંથી એક ડોક્ટર નેશનલ બોર્ડ ઓફ એક્ઝામિનેશન (NBE) દ્વારા આયોજિત અંતિમ થિયરી પરીક્ષા પાસ કરી છે. જ્યારે ENT વિષયમાં પણ લગભગ બે તૃતીયાંશ ડોક્ટર્સ પરીક્ષામાં નાપાસ થયા છે. તેવી જ રીતે બાળરોગ નિષ્ણાંતની પરીક્ષામાં પણ માત્ર 36% થી પરીક્ષાર્થીઓ પાસ થયા છે. NBE દ્વારા 24 નવેમ્બરે જાહેર કરાયેલા પરિણામોથી ડિપ્લોમેટ ઓફ નેશનલ બોર્ડ (DNB) નો અભ્યાસ કરતા ઘણા ડોકટરો માટે આઘાતજનક હતા.

DNB એ MD/MS ની સમકક્ષ ગણાતો અનુસ્નાતક અભ્યાસક્રમ છે, પરંતુ તે ખાનગી હોસ્પિટલો અને સંસ્થાઓમાં હાથ ધરવામાં આવે છે અને NBE દ્વારા સંચાલિત થાય છે. ડોકટરોને ખાતરી આપવામાં આવી હતી કે કોવિડને કારણે અભ્યાસમાં મુશ્કેલી અને વિક્ષેપને પરીક્ષાઓ યોજતી વખતે અને પરિણામ આપતી વખતે ધ્યાનમાં લેવામાં આવશે. જો કે, વિદ્યાર્થીઓએ દાવો કર્યો હતો કે પાસની ટકાવારી દર્શાવે છે કે ગેરવાજબી અઘરા પેપરની સાથે મૂલ્યાંકન પણ અત્યંત કઠોર રીતે કરવામાં આવ્યું હોવું જોઈએ. NBE માં વરિષ્ઠ અધિકારીઓએ કોવિડ દરમિયાન ડોકટરો દ્વારા નબળી તૈયારી માટે નબળા પરિણામોને જવાબદાર ઠેરવ્યા હતા. ઓર્થોપેડિક્સમાં સ્પેશિયલાઈઝેશન કરતા લોકોએ ધ્યાન દોર્યું કે જો કોવિડ કારણ હતું, તો પરિણામો તમામ સ્પેશિયલાઈઝેશનમાં સમાનરૂપે નબળા હોવા જોઈએ. પરંતુ ઓબસ્ટેટ્રિક્સ અને ગાયનેકોલોજી અને ડર્મેટોલોજીમાં પાસ થવાની ટકાવારી લગભગ 90% અને સામાન્ય સર્જરી, ઓપ્થામોલોજી, રેડિયો ડાઇગ્નોસ્ટિક અને સાઈકિયાસ્ટ્રિ સહિત અન્ય કેટલાકમાં 60% થી વધુ હતી.

ઓર્થોપેડિક્સમાં રેસિડેન્ટ ડોક્ટરએ કહ્યું કે “DNB ઓર્થોપેડિક્સમાં પ્રેફરન્સ ખૂબ ઊંચા હોય છે અને તેથી માત્ર NEET PG પરીક્ષામાં સારા રેન્ક ધરાવતા લોકોને જ સ્પેશિયલાઈઝેશન મળે છે. તેથી એવું ન હોઈ શકે કે ઓર્થોપેડિક્સમાં સ્પેશિયલાઈઝેશન ધરાવતા 80% થી વધુ ડોકટરો નબળા વિદ્યાર્થીઓ હોય. જો નબળું પરિણામ સંસ્થામાં ઓછી ગુણવત્તાવાળી તાલીમને આભારી છે, તો નબળી ગુણવત્તાવાળી સંસ્થાઓને માન્યતા આપવા માટે NBE જવાબદાર રહેશે. જો કે, આ પણ સાચું હોઈ શકે નથી કારણ કે કેટલીક સંસ્થાઓ કે જેમાં ઝીરો ઉમેદવારો પાસ થતા જોવા મળ્યા છે તે ઓર્થોપેડિક્સ ક્ષેત્રની શ્રેષ્ઠ ઇન્સ્ટિટ્યુટ પૈકી એક છે.”

NBE એ TOI સાથે શેર કરેલા ડેટા અનુસાર, DNB બાળરોગ નિષ્ણાંતોની પાસ થવાની ટકાવારી છેલ્લી ત્રણ પરીક્ષાઓમાં સતત ઓછી રહી છે, જે જૂન 2020 સત્રમાં સૌથી વધુ 43.4% છે. એસોસિયેશન ઓફ નેશનલ બોર્ડ એક્રેડિટેડ ઇન્સ્ટિટ્યૂશન્સ (ANBAI) ના પ્રમુખ અને ગંગા હોસ્પિટલમાં ઓર્થોપેડિક્સ અને સ્પાઇન સર્જરી વિભાગના વડા, ડૉ એસ રાજસેકરને જણાવ્યું હતું કે ANBAI એ NBE ને પત્ર લખ્યો છે કે જો કોઈપણ સ્પેશિયલાઈઝેશનમાં ખૂબ જ ઓછી ટકાવારી હોય તો પરિણામોના પ્રકાશન પહેલાં પુનઃમૂલ્યાંકન પર વિચાર કરવો જોઈએ.” અમે એ પણ અરજી કરી છે કે ઓછામાં ઓછા 50% પરીક્ષકો NBE સંસ્થાઓમાંથી હોવા જોઈએ.” એક ઓર્થોપેડિક નિવાસી ડોક્ટર જેઓ આ પહેલા પરીક્ષામાં નાપાસ થયા હતા અને 16 થી 19 ડિસેમ્બર દરમિયાન યોજાનારી આગામી ડીએનબી પરીક્ષામાં ભાગ લઈ રહ્યા છે તેમણે જણાવ્યું કે, “ફક્ત થિયરી પરીક્ષા પાસ કરનારા જ પ્રેક્ટિકલ માટે બેસી શકે છે. તેથી જેઓ પ્રાયોગિક પરીક્ષા પાસ કરે છે તેનું અંતિમ પરિણામ પણ ઓછું હોઈ શકે છે.”



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here