traffic drive in ahmedabad: અમદાવાદમાં શરૂ થઈ ટ્રાફિક ડ્રાઈવ, બાળકોને વાહન ચલાવા આપનારા બે વાલીઓ સામે કેસ દાખલ – traffic drive against the teenager drivers held in ahmedabad

0


હાઈલાઈટ્સ:

  • શુક્રવારે 15 વર્ષીય છોકરાનું રોડ એક્સિડન્ટમાં મોત થયું હતું.
  • છોકરાના મોત બાદ ટ્રાફિક પોલીસે ડ્રાઈવ શરૂ કરવાનો નિર્ણય કર્યો છે.
  • સ્કૂલ અને કોલેજની આસપાસના વિસ્તારોમાં પોલીસે ડ્રાઈવ શરૂ કરી છે.

અમદાવાદ: ડ્રાઈવિંગ લાઇસન્સ ન ધરાવતાં સંતાનોને ટુ-વ્હીલર ચલાવવા આપી દેનારા મા-બાપ સામે શહેરના ટ્રાફિક પોલીસે ગુનો દાખલ કર્યો છે. શનિવારે ટ્રાફિક પોલીસ સ્ટેશનમાં આવા બે કેસ દાખલ કરવામાં આવ્યા છે.

રાહતની વાત! ઓમિક્રોનના મોટાભાગના સંક્રમિતોમાં લક્ષણો નહીં, ઓક્સિજન સપોર્ટની પણ જરૂર ના પડી

કિશોર વયના ડ્રાઈવરો સામે શહેરમાં ડ્રાઈવ ચલાવવામાં આવી હતી. આ ડ્રાઈવમાં ભાગ લેનારા પોલીસ ઈન્સ્પેક્ટર નીલ પરમારે જણાવ્યું કે, સ્કૂલ અને કોલેજની નજીકના વિસ્તારોમાં ડ્રાઈવ હાથ ધરવામાં આવી હતી. 25થી વધુ કિશોર વયના વાહનચાલકોના ડ્રાઈવિંગ લાઇસન્સ ચેક કરવામાં આવ્યા હતા અને બે વાલીઓ સામે ગુનો નોંધાયો છે. “ગુજરાત યુનિવર્સિટીના વિસ્તારમાં સઘન તપાસ કરવામાં આવી હતી”, તેમ ઈન્સ્પેક્ટર નીલ પરમારે જણાવ્યું.

ડ્રાઈવમાં ભાગ લેનારા પોલીસકર્મીના જણાવ્યા અનુસાર, જ્યારે આ બાળકોને પકડવામાં આવ્યા ત્યારે તેમણે વિવિધ બહાના આગળ ધર્યા હતા. કેટલાકે એવું કહ્યું કે, તેમના વાલીઓ વ્યસ્ત હોવાથી તેમને જાતે વાહન ચલાવીને સ્કૂલ કે કોલેજ આવવું પડ્યું હતું. “એક વિદ્યાર્થીએ દાવો કર્યો કે તે પહેલીવાર વાહન ચલાવી રહ્યો છે અને તેના પિતાને નથી ખબર તે તેમનું ટુ-વ્હીલર લઈને આવ્યો છે”, તેમ પોલીસકર્મીએ ઉમેર્યું.

મોટાભાગના વિદ્યાર્થીઓએ એવું બહાનું બતાવ્યું કે, તેમને સ્કૂલ કે કોલેજ જવામાં મોડું થતું હતું અને તેમના વાલીના વાહન લઈને આવવા સિવાય તેમની પાસે કોઈ વિકલ્પ નહોતો, તેમ પોલીસે ઉમેર્યું.

SHE ટીમ મહિલા પોલીસકર્મી આપઘાત કેસ: મૃતકના ભાઈએ કહ્યું- ‘આ મર્ડર છે’

ઉલ્લેખનીય છે કે, શુક્રવારે ટ્રાફિક પોલીસે જાહેરાત કરી હતી કે, તેઓ કિશોર વયના વાહનચાલકો સામે ડ્રાઈવ શરૂ કરવાના છે, જે અઠવાડિયા સુધી ચાલશે. રુદ્ર શર્મા નામના 15 વર્ષીય કિશોરનું રોડ અકસ્માતમાં મોત થયા બાદ આ ડ્રાઈવ શરૂ કરવાનો નિર્ણય લેવાયો હતો. અમદાવાદના નવા વાડજ વિસ્તારમાં આવેલા શ્રીનાથ એપાર્ટમેન્ટમાં રહેતા રુદ્રને શુક્રવારે બપોરે AMTS બસે પાછળથી ટક્કર મારી હતી. રુદ્ર પોતાના પિતાના ટુ-વ્હીલર પર ઘરે પરત ફરી રહ્યો હતો ત્યારે તેની સોસાયટીના ગેટ પાસે જ આ અકસ્માત સર્જાયો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here