maninagar she team member suicide case: SHE ટીમ મહિલા પોલીસકર્મી આપઘાત કેસ: મૃતકના ભાઈએ કહ્યું- ‘આ મર્ડર છે’ – maninagar she team member alleged suicide case brother said this is murder

0


અમદાવાદ: મણિનગર પોલીસ શી ટીમની 34 વર્ષીય મેમ્બર મનીષા વાઘેલાની 3 દિવસ પહેલા રહસ્યમય રીતે આપઘાત કરેલી હાલતમાં લાશ મળી આવી હતી. આ અંગે શનિવારે તેમના ભાઈ શક્તિસિંહ વાઘેલાએ કહ્યું કે ‘તે આપઘાત કરી શકતી નથી..આ હત્યા છે આત્મહત્યા નથી.’

મનીષાનો ભાઈ પ્રેક્ટિસ ડોક્ટર છે. તેમણે કહ્યું કે, મારી બહેન એક ફાઇટર હતી, તે રવિવારે યોજાનારી પોલીસ સબ-ઇન્સ્પેક્ટરની પરીક્ષાની તૈયારી કરી રહી હતી. તેમણે વધુમાં કહ્યું કે, મનીષાએ જૂનાગઢમાં હથિયારધારી અને નિઃશસ્ત્ર પોલીસ એકમો માટે બે વાર તાલીમ લીધી હતી.

વાઘેલાએ કહ્યું: ‘જ્યારે મનીષાએ લગ્ન કર્યાં ત્યારે તેણે તેનું ધોરણ 10 પૂરું કર્યું હતું અને ત્યાર બાદ તેણે માત્ર ગ્રેજ્યુએશન જ નહીં પરંતુ એલએલબીની ડિગ્રી પણ મેળવી હતી. મનીષાનો પુત્ર મયુર (15) તેની સાથે હતો જ્યારે તેમને ખોખરામાં કર્મભૂમિ રો હાઉસ ખાતેના તેના નિવાસસ્થાનથી મનિષાની લાશ મળી આવી હતી. મનિષાના ભાઈએ વધુમાં જણાવ્યું કે તેમના પતિ વિજયસિંહ જાડેજા તે સમયે સિવિલ હોસ્પિટલમાં તેમના સંબંધીને ત્યાં હાજર હતા.

વાઘેલાએ જણાવ્યું હતું કે, જો તે મારો ફોન ન ઉપાડી શકો તો પછીથી કોલ બેક કરી શકતી હતી, પરંતુ તેણીએ ફોન ના ઉપાડ્યો અને કોલ બેક પણ ના કર્યો. જેથી શુક્રવારે મેં તેને મળવાનું નક્કી કર્યું. જ્યારે હું અને મયુર તેના ઘરે પહોંચ્યા ત્યારે તેની આપઘાત કરેલી હાલતમાં લાશ મળી આવી હતી.

વાઘેલાએ કહ્યું કે, હાલ તેઓ પોસ્ટમોર્ટમના રિપોર્ટની રાહ જોઈ રહ્યા છે. તેમણે કહ્યું કે જ્યારે મનિષાનો મૃતદેહ મળ્યો, ત્યારે ઘરમાં બધું બરાબર હતું. તેણીના મોબાઈલ પલંગ પર પડેલા હતા, જેથી લૂંટના પ્રયાસની શક્યતા લાગતી નથી.

વાઘેલાએ કહ્યું કે, ‘મનીષાની લાશ શોધનાર તેઓ પ્રથમ વ્યક્તિ છે. તેમણે કહ્યું કે, તેના પગ ઘૂંટણથી વળેલા હતા. મનિષાની લાશ જે જગ્યા પરથી મળી આવી છે, તેના પરથી એવું લાગે છે કે તેણીએ આપઘાત નહીં કર્યો હોય. આ કેસમાં પોલીસે મૃત્યુની સંપૂર્ણ તપાસ કરવાની જરૂર છે.’



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here