Gujarat Gram Panchayat Election police beat voter: ગ્રામ પંચાયતની ચૂંટણી: વીરપુરમાં પોલીસે મતદારને માર માર્યાનો વિડીયો વાયરલ – gujarat gram panchayat election video of policeman beating a voter in virpur goes viral

0


હાઈલાઈટ્સ:

  • રાજ્યની 8684 ગ્રામ પંચાયતોમાં 8560 સરપંચ, 53 હજાર સભ્યો માટે મતદાન
  • વીરપુરમાં પોલીસકર્મીએ મતદારને મુક્કા માર્યા હોવાનો વિડીયો સામે આવ્યો
  • ભરૂચમાં જૂથ અથડામણ, 5ને ઈજા, વલસાડમાં પણ આચારસંહિતા ભંગ થઈ

રાજકોટ: આજે ગુજરાતમાં ગ્રામ પંચાયતની ચૂંટણીનું મતદાન ચાલી રહ્યું છે. આ દરમિયાન રાજકોટના વીરપુરમાં પોલીસ દ્વારા મતદારને માર માર્યાનો એક વિડીયો સોશિયલ મીડિયામાં વાયરલ થયો છે. મીડિયા રિપોર્ટ મુજબ વીરપુરમાં મતદાન મથકમાં મોબાઈલ લઈ જવા મામલે પોલીસ કર્મીએ મતદારને મુક્કા માર્યા હોવાનું વિડીયોમાં સામે આવ્યું છે. સમગ્ર મામલે હાલ વધુ તપાસ ચાલી રહી છે.

મતદાર સાથે પોલીસનું ગેરવર્તન
ટીવી ચેનલના અહેવાલ અનુસાર વીરપુરમાં એક મતદાર સાથે પોલીસનું ગેરવર્તન સામે આવ્યું છે. જેમાં પોલીસ દ્વારા મતદારને માર માર્યો હોવાની માહિતી સામે આવી રહી છે. મતદાર સાથે પોલીસના ઝપાઝપીના વિડીયો પણ સામે આવ્યા છે. વિડીયોમાં જોઈ શકાય છે કે, એક પોલીસકર્મીએ મતદારને પકડી રાખ્યો છે તો બીજા કર્મીએ તેનો કોલર પકડીને ધમકાવી રહ્યા છે. આ દરમિયાન એક પોલીસકર્મીએ તેને મુક્કા મારીને જબરજસ્તી કારમાં બેસાડી રહ્યો હોવાનું પણ વિડીયોમાં જોવા મળી રહ્યું છે.

ભરૂચમાં જૂથ અથડામણમાં 5ને ઈજા
મીડિયા રિપોર્ટ અનુસાર ભરૂચના વાલિયા તાલુકાના ડહેલી ગામમાં ગ્રામ પંચાયતની ચૂંટણી દરમિયાન જ બે કોમના લોકો વચ્ચે અથડામણ થઈ હતી. જેમાં મહિલા અને ડેપ્યુટી સરપંચના પતિ સહિત પાંચ લોકોને ઇજાઓ થઈ હોવાનું જાણવા મળ્યું છે. અથડામણમાં ઈજાઓ થતાં તેમને તાત્કાલિક સારવાર અર્થે 108 એબ્યુલન્સની સેવાની મદદથી વાલિયાના સામુહિક આરોગ્ય કેન્દ્ર ખાતે ખસેડવામાં આવ્યા હતા. જ્યાં તેમની સારવાર કરવામાં આવી રહી છે.

વલસાડમાં આચારસંહિતાનો ભંગ
પ્રાપ્ત અહેવાલ અનુસાર વલસાડ તાલુકાના ભદેલી જગાલાલા ગામના વોર્ડ ન. 5 ઉમેદવારે વોર્ડ ન 12માં મતદાન કરીને બેલેટ પેપરનો ફોટો સોશિયલ મીડિયામાં વાયરલ કરતા ગ્રામપંચાયતની ચૂંટણીમાં વિવાદ સર્જાયો છે. ઉમેદવારના હરીફ ઉમેદવારની પેનલના સભ્યે ચૂંટણી અધિકારીને આચાર સહિતા ભંગની ફરિયાદ કરીને ઉમેદવારનું સભ્યપદ રદ્દ કરવા માંગ કરી હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here