sacrilege in kapurthalaa: પંજાબમાં નિશાન સાહિબનું અપમાન કરવાનો પ્રયાસ કરતા વધુ એક શખ્સની હત્યા – another man killed by locals after alleged sacrilege attempt in kapurthala punjab

0


હાઈલાઈટ્સ:

  • શનિવારે અમૃતસરના સુવર્ણ મંદિરમાં ગુરુગ્રંથ સાહિબનું અપમાન કરવા બદલ હત્યા થઈ હતી
  • કપૂરથલામાં પણ અમૃસરની જેમ નિશાન સાહિબનું અપમાન કરવાના પ્રયાસ બદલ બીજી હત્યા
  • ગુરુદ્વારાના કમ્પાઉન્ડમાં સ્થાનિકોએ પોલીસ સાથે ઝપાઝપી કર્યા બાદ યુવકની હત્યા કરી દીધી

કપૂરથલા: પંજાબના અમૃતસરમાં ગુરુદ્વારામાં નિશાન સાહિબને કથિત રીતે અપમાનિત કરવાના પ્રયાસ કરતા એક યુવકને માર માર્યાના કલાકો પછી હવે કપૂરથલા પણ જિલ્લામાં સ્થાનિકો દ્વારા અન્ય એક વ્યક્તિની હત્યા કરવામાં આવી છે. પ્રાપ્ત માહિતી અનુસાર નિજામપુર ગામના રહેવાસીઓએ રવિવારની વહેલી સવારે ગુરુદ્વારામાંથી એક વ્યક્તિને પકડ્યો હતો અને આરોપ લગાવ્યો હતો કે તે લગભગ સવારે 4 વાગ્યે નિશાન સાહિબ (શીખ ધ્વજ)નો અનાદર કરતો જોવા મળ્યો હતો.

ઘટનાની માહિતી મળતાં જ પોલીસની ટીમ ઘટનાસ્થળે પહોંચી હતી અને યુવકને પોતાની કસ્ટડીમાં લીધો હતો. જો કે, ગ્રામજનો આગ્રહ કરી રહ્યા હતા કે શંકાસ્પદ વ્યક્તિની ગુરુદ્વારામાં તેમની સામે પૂછપરછ કરવામાં આવે. આ દરમિયાન પોલીસ સાથે ઝપાઝપી બાદ સ્થાનિકોએ આ વ્યક્તિની હત્યા કરી નાખી હતી.

પોલીસ અને શીખ જૂથો વચ્ચે સંઘર્ષ ચાલુ હતો તે દરમિયાન શંકાસ્પદ શખ્સ ગુરુદ્વારા કમ્પાઉન્ડની અંદર પોલીસ કસ્ટડીમાં હતો. જેથી શીખ જૂથોએ પોલીસને તે શખ્સને લઈ જવાની મંજૂરી આપી ન હતી. ગુરુદ્વારાના કેરટેકર અમરજીત સિંહે ફેસબુક પર લાઇવ સ્ટ્રીમ કરેલા એક વિડિયોમાં જણાવ્યું હતું કે, જ્યારે તેઓ સવારે 4 વાગ્યે નિત નેમ (રોજની પ્રાર્થના) માટે બહાર આવ્યો ત્યારે તેમણે યુવકને નિશાન સાહિબનો અનાદર કરતા જોઈ ગયા હતા.

સિંઘે કહ્યું, ‘જ્યારે મેં શંકાસ્પદ વ્યક્તિને પડકાર્યો ત્યારે તેણે અંધારામાં ભાગવાનો પ્રયાસ કર્યો, પરંતુ તે થોડા સમય પછી પકડાઈ ગયો.’ તેમણે વધુમાં જણાવ્યું કે, ‘શંકાસ્પદ વ્યક્તિએ માત્ર એટલું જ કહ્યું કે તેને દિલ્હીથી મોકલવામાં આવ્યો હતો અને તેની એક બહેનને પણ અન્ય જગ્યાએ આ કારણથી જ મારી નાખવામાં આવી હતી.’

પંજાબમાં વ્યક્તિની હત્યા કરવામાં આવી હોવાની બીજી ઘટનામાં સુવર્ણ મંદિરના ગર્ભગૃહમાં ગુરુ ગ્રંથ સાહિબની સામે કૂદી પડવાથી ગુસ્સે ભરાયેલા સંત અને સેવાદારો દ્વારા સુવર્ણ મંદિરમાં એક યુવકને કથિત રીતે માર મારવામાં આવ્યો હતો. તેણે ‘રૂમાલા સાહિબ’ (પવિત્ર પુસ્તકની ફરતે કાપડ) પર પગ મૂક્યો અને તેની સામે મૂકેલી તલવાર ઉપાડીને ધાર્મિક સેવાઓમાં વિક્ષેપ પાડ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here