gujarat gram panchayat election: ગ્રામ પંચાયત ચૂંટણી મતદાન: ભરૂચમાં જૂથ અથડામણ, નવસારીમાં આચારસંહિતા ભંગ – polling for 8560 sarpanches, 53 thousand members in 8684 gram panchayats of gujarat today

0


ગાંધીનગર: આજે ગુજરાતની 8684 ગ્રામ પંચાયતોમાં 8560 સરપંચ અને 53 હજાર સભ્યો માટે મતદાન યોજાયું છે. જેમાં સરપંચ પદ માટે 27200 અને 53,507 સભ્યો માટે 119998 ઉમેદવાર મેદાનમાં છે. આ અંગે રાજ્ય ચૂંટણી પંચ દ્વારા ગ્રામ પંચાયતો માટે તમામ જિલ્લાઓમાં 23097 મતદાન મથકોમાંથી 1.82 કરોડ મતદારો પોતાના મતાધિકારનો ઉપયોગ કરી શકે તે માટે કોરોનાની ચૂસ્ત ગાઈડલાઈન અમલની તેમજ સુરક્ષા વ્યવસ્થા ગોઠવી દેવામાં આવી છે.

ગુજરાતમાં ગ્રામ પ્ંચાયત માટેની ચૂંટણીનું મતદાન આજે સવારથી ચાલુ થયું છે. આ દરમિયાન ભરૂચ જિલ્લાના વાલિયા તાલુકાના ડહેલી ગામે મતદાનમાં જૂથ અથડામણની ઘટના સામે આવી છે, જ્યારે નવસારી અને વલસાડ જિલ્લામાં આચારસંહિતા ભંગ થયાની ફરિયાદ થઈ હોવાનું જાણવા મળ્યું છે.

મીડિયા રિપોર્ટ મુજબ નવસારી જિલ્લાના ચીખલી તાલુકાના વંકાલ ગામમાં ચૂંટણી દરમિયાન આચારસંહિતાનો ભંગ થયો હતો. જેમાં વંકાલ ગામના સરપંચના ઉમેદવાર દક્ષાબેન પટેલ દ્વારા મતદાન મથકની આસપાસ પોતાના નામ અને ચિહ્નવાળો એર બલૂન હવામાં યથાવત રાખતા આચારસંહિતા ભંગની ફરિયાદ કરવામાં આવી છે. આ ઉપરાંત ક્યાંક દારૂ તો ક્યાંક મહિલાઓને સાડી આપવામાં આવી હોવાના પણ આક્ષેપ કરવામાં આવ્યા છે.

પ્રાપ્ત માહિતી અનુસાર વિધાનસભા અને લોકસભાની ચૂંટણી માટે સૌથી મહત્વની ગણાતી સ્થાનિક અને ગ્રામ્ય સ્તરની ચૂંટણી કોઈપણ રાજકીય પક્ષ પોતાની ચિહ્નનો ઉપયોગ કર્યા વગર પોતાના સમર્પિત ઉમેદવારોને જીતાડવા તમામ પ્રયાસ કર્ છે. આ ચૂંટણીમાં પહેલી વખત મોટી ચૂંટણીની જેમ અનેક ગામોમાં મતદારોને પોતાની તરફ આકર્ષવા માટે ઉમેદવારોએ પરંપરાગત પ્રયોગો સાથે વિવિધ પ્રકારની ગિફ્ટની વહેંચણી કરીને સ્પર્ધાનું તત્વું ઉમેર્યું છે.

ઉલ્લેખનીય છે કે, રાજ્યના ચૂંટણી પંચે ગયા મહિને 10812 ગ્રામ પંચાયત, 10221 સરપંચ અને 89049 સભ્યો-વોર્ડ માટે 19 ડિસેમ્બરે ચૂંટણી યોજવાની જાહેરાત કરી હતી. આ પૈકી 1197 ગ્રામ પંચાયત સંપૂર્ણ બિનહરિફ થઈ હતી જ્યારે 9669 સભ્ય પણ બિનહરિફ જાહેર થયા હતા. આ સિવાય 6446 ગ્રામ પંચાયત આંશિક બિનહરિફ થઈ હતી. એમાં 451 સરપંચ અને 26254 સભ્ય વોર્ડ પણ બિનહરિફ થયા હતા, જ્યારે 2651 ગ્રામ પંચાયત, 65 સરપંચ અને 3155 સભ્યની જગ્યા માટે રાજકીય પક્ષો વચ્ચે બળાબળનાં પારખાં થશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here