second hand smartphone: જૂનો સ્માર્ટફોન ખરીદી રહ્યા છો! ખાસ બાબતોનું ધ્યાનમાં રાખશો તો નુકસાન નહીં થાય – how to buy used smartphone in best condition

0


હાઈલાઈટ્સ:

  • ટચ પેનલ ડુપ્લીકેટ છે કે ઓરિજનલ, એ વિશે દરેક ગ્રાહક જાણી શકતું નથી
  • જૂના ફોનને બિલ વગર ખરીદવો જોખમી છે, કોઇવાર ચોરી કરેલો ફોન પણ વેચી દેવામાં આવે છે
  • જૂનો ફોન ખરીદતાં પહેલા એની કન્ડિશન ચેક કરી લેવી, ખાસ કરીને ચારેય ખૂણા જોઇ લેવાં

નવી દિલ્હીઃ ભારતમાં સ્માર્ટફોન યૂઝર્સનો આંડકો જોતાં મોટા ભાગની કંપની નવા-નવા ફીચર્સ સાથે એમના સ્માર્ટફોન લોન્ચ કરતી રહે છે. જોકે ભારતમાં નવા સ્માર્ટફોનના માર્કેટ સાથે સેકન્ડ હેન્ડ સ્માર્ટફોનનું માર્કેટ પણ વિકસ્યું છે. જ્યાંથી લોકો એમના મનપસંદ સ્માર્ટફોનને સારી કન્ડિશનમાં ઓછી કિંમતે ખરીદી શકે. પરંતુ સેકન્ડ હેન્ડ સ્માર્ટફોન ખરીદવો એ નવો સ્માર્ટફોન ખરીદવા જેટલુ સહેલુ હોતું નથી. ઘણીવાર એવા સેકન્ડ હેન્ડ ફોન પણ ભૂલથી ખરીદી લેવાય છે જેનાથી ગ્રાહકોને આર્થિક નુકસાન પહોંચે છે.

જોકે આ બાબતથી ડરવાની જરુર નથી, નવો સ્માર્ટફોન બજેટ બહાર હોય તો એ જ ફોન સેકન્ડ હેન્ડ માર્કેટમાંથી સસ્તામાં મળી શકે છે અને આવા ફોન ખરીદતી વખતે થોડા મુદ્દાઓનું ધ્યાન રાખીએ તો ક્યારેય નુકસાન થવાની સંભાવના રહેતી નથી.

સ્માર્ટફોનનું બિલઃ
જો તમે તમારો મનપંસદ સ્માર્ટફોન સેકન્ડ હેન્ડ માર્કેટમાંથી ખરીદી રહ્યા છો તો તમામ ફીચર્સ અને સ્પેસિફિકેશન ચેક કર્યા પછી એનું બિલ જોવાનું ભૂલશો નહીં. બની શકે છે તમને વેચવામાં આવતો સ્માર્ટફોન ચોરીનો પણ હોઇ શકે. આ નુકસાનથી બચવા માટે હમેશા આગ્રહ રાખો કે સેકન્ડ હેન્ડ સ્માર્ટફોન ખરીદતી વેળાએ એનુ બિલ લેવાનું ભૂલશો નહીં. સ્માર્ટફોનના બિલ સાથે એનું બોક્સ અને અન્ય એસેસરીઝ જેવી કે ચાર્જર અને હેન્ડ્સફ્રી પણ યાદ કરીને માંગી લેવાં.

ફોનની કન્ડિશન તપાસી લેવીઃ
જૂનો સ્માર્ટફોન કોઇપણ જગ્યાએથી ખરીદતી વખતે એની કન્ડિશન પર ખાસ ધ્યાન આપવું. કોઇપણ ફોન ખરીદતાં પહેલા એનું સ્પીકર અને ચાર્જિંગ પોર્ટ ચેક કરી લેવા. આ સાથે ફોનના ચારેય ખૂણા જોઇ લેવાનું ભૂલશો નહીં. ફોન પર કવર લાગેલું હોય તો કવર કાઢીને ફોન જોઇ લેવો.

ડિસ્પ્લે પર ખાસ ધ્યાન આપવુંઃ
ઘણીવાર એમ પણ બને છે કે જૂના ફોન પર ડુપ્લીકેટ સ્ક્રીન લગાવીને વેચી દેવામાં આવે છે, જેની ઓળખ કરવી બધા માટે સહેલુ હોતું નથી. સ્ક્રીન ચેક કરતી વખતે ટચ પેનલ પર સ્પર્શ કરીને ચેક કરવું, એના પર ટાઇપિંગ કરી લેવું. કારણ કે ઓરિજિનલ ટચ પેનલમાં બહુ સરળતાથી કામ કરે છે જ્યારે નકલી ટચ પેનલ એ રીતે પર્ફોર્મ નથી કરતી. આ રીતે તમે ડિસ્પ્લે ટચ સ્ટેટસ ચેક કરી શકશો. જો ફોનમાં ડુપ્લીકેટ સ્ક્રીન લાગેલી હશે તો એ તમને એનો અંદાજો આવી જશે.

સ્માર્ટફોનની નીચેનો આ નાનકડો હોલ હોય છે ખૂબ જ જરૂરી, જાણો શું હોય છે ઉપયોગ
કેમેરાની ક્વોલિટીઃ
આજના સ્માર્ટફોનમાં સૌથી મહત્વનું ફીચર છે એનો કેમેરાની ક્વોલિટી. કારણ કે આજકાલ સેલ્ફી લેવાનો ટ્રેન્ડ ચાલી રહ્યો છે. લોકો મોંઘા ફોન એટલા માટે પણ ખરીદી રહ્યા છે કે એમાં સેલ્ફી કે રિયર કેમેરાની ક્વોલિટી સારી હોય છે. આથી જ્યારે જૂનો સ્માર્ટફોન ખરીદતાં હોવ ત્યારે કેમેરા ચેક કરી લેવા. આ માટે અલગ-અલગ એન્ગલ અને લાઇટમાં અલગ અલગ ફોટા ક્લિક કરી જોઇ લેવું. જો કેમેરા ખરાબ હશે કે બીજી કોઇ ખામી હશે તો ફોટા પરથી અનુમાન આવી જશે. કેમેરા ચેક કર્યા પછી ફોન લેવું હિતાવહ રહેશે.
શું તમે પણ માનો છો? પેરેન્ટ્સ અને બાળકોની વચ્ચે સંબંધ ખરાબ કરી રહ્યા છે સ્માર્ટફોન



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here