rajasthan girls weird names: રાજસ્થાનમાં માતા-પિતા દીકરીઓને આપી રહ્યા છે મિસ કોલ, ફાલતુ, ગેરંટી જેવાં નામ – parents gave faltu, miss call, guarantee, etc weird names to their daughters in rajasthan

0


હાઈલાઈટ્સ:

  • રાજસ્થાનમાં ત્રીજી અને ચોથી દીકરીઓને આપવામાં આવે છે અજીબોગરીબ નામ
  • પુત્રના બદલે દીકરીઓનો જન્મ થતાં પિતાએ આપી દીધું ‘મિસ કોલ’ નામ
  • એક દીકરીએ કહ્યું- નામ મને સતત યાદ અપાવે છે કે હું પરિવાર માટે બોજ છું

ઉપરનું હેડિંગ વાંચીને તમને ક્યાંકને ક્યાંક અંદેશો આવી જ ગયો હશે કે, આ ન્યૂઝ સ્ટોરી દીકરા અને દીકરીના જન્મના ભેદભાવ અંગે હશે. આજે પણ કેટલાય લોકો એવાં છે કે, જે દીકરીઓનાં સ્થાને દીકરાઓના જન્મની આશ રાખીને બેઠાં હોય છે અને જ્યારે દીકરાના બદલે દીકરીનો જન્મ થાય છે તેઓ નિસાસો નાખે છે. અને આવી જ એક ચોંકાવનારી વિગત રાજસ્થાનમાંથી સામે આવી છે કે, જેમાં અમુક સમુદાય દ્વારા પોતાના ઘરે જો ત્રીજી કે ચોથી દીકરીનો જન્મ થાય તો તેઓને ફાલતુ, મિસ કોલ, ગેરંટી વગેરે જેવાં અજીબોગરીબ નામ આપવામાં આવે છે.

દીકરાઓના બદલે ત્રીજી કે ચોથી દીકરીઓના નામનો અર્થ જાણવાનો પ્રયાસ કરશો તો તમને વધારે આઘાત લાગશે. અમુક નામ અને તેના અર્થ જોઈએ તો, ધાપૂ (તંગ આવી ચૂક્યા છીએ), રામધાની (હે ભગવાન! અમને બહુ દીકરીઓ આપી), હે ચુકી (બસ બહુ થઈ ગઈ), અંતિમા (આશા છે કે આ અંતિમ હોય) વગેરે. આ દેશી અને પારંપરિક નામ તો છે જ, પણ જમાના સાથે તેઓના વિચાર તો ન બદલાયા પણ દીકરીઓને આધુનિક નામ આપવામાં પાછા ન પડ્યા. આધુનિક નામ જોઈએ તો મિસ કોલ, ફાલતુ, ગેરંટી જેવા નામો પણ આપવામાં આવી રહ્યા છે.

આ જ રીતે હે ચુકી નામની એક છોકરીએ પરિવારની ચોથી દીકરી છે. તેની ત્રીજી બહેનનું નામ ધાપૂ છે. હે ચુકી શર્માએ કહ્યું કે, આ નામથી હું શરમ અનુભવું છું. આ નામ મને સતત યાદ અપાવે છે કે હું પરિવાર માટે બોજો છું. સાથે તેણે કહ્યું કે, મોટી થયા બાદ હું મારું નામ બદલી નાખીશ. જ્યારે ટોંક જિલ્લાના દેવરી ગામની મંચિતા મીણાએ કહ્યું કે, મારી માતાની નાની બહેનનું નામ રામધની છે. દાદા-દાદીએ તેઓને આ નામ આપ્યું હતું. જો ઘરમાં ત્રીજી દીકરીનો જન્મ થાય છે તો આ જ નામ રાખવામાં આવે છે. તેઓએ નામ બદલવા માટે અનેક વિનંતીઓ કરી પણ કોઈ ફાયદો ન થયો.

આ ઉપરાંત દેવરી ગામમાં જ રહેતાં ભરત મીણાને પણ ચાર સંતાનો છે. જેમાં ચોથું સંતાન એક દીકરો છે. તેણે પોતાની બીજી અને ત્રીજી દીકરીનું નામ અંતિમા અને મિસ કોલ રાખ્યું છે. નામોને લઈને તેણે કહ્યું કે, અંતિમા એટલા માટે રાખ્યું કે તે ત્રીજી દીકરી હતી, જ્યારે મિસ કોલ એટલા માટે રાખ્યું કેમ કે અમને તે સમયે દીકરો જોઈતો હતો, પણ દીકરીનો જન્મ થઈ ગયો. જેથી અમે દીકરાને મિસ કર્યો તો તેનું નામ મિસ કોલ રાખી દીધું.

આ ઉપરાંત લસાડિયા ગામના સંપત મીણાને પ્રથમ પુત્રનો જન્મ થયો હતો અને બીજા પુત્રની આશમાં તેઓને ત્યાં ચાર દીકરીઓનો જન્મ થયો. તેમણે ત્રીજી દીકરીનું નામ ‘નારાજી’ તો ચોથી દીકરીનું નામ ‘ગેરંટી’ રાખ્યું છે. જો કે, તમને જાણીને નવાઈ લાગશે કે, અમુક છોકરીઓને આવા નામમાં કાંઈ ખોટું લાગતું નથી. ગેરંટી નામની છોકરીનું કહેવું છે કે, શાળામાં અનેક છોકરીઓનું નામ આ પ્રકારે જ છે, જેથી તેને કાંઈ અસામાન્ય લાગતું નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here