hooda seeks helps from pm: સર્જિકલ સ્ટ્રાઈકના હીરોએ કેન્સરપીડિત બહેન માટે માગી મદદ, PM મોદીએ પર્સનલી ફોન કર્યો – surgical strike hero seeks help on twitter for cancer-stricken sister, pm modi calls personally

0


હાઈલાઈટ્સ:

  • સર્જિકલ સ્ટ્રાઈકના હીરો લે.જનરલ હુડ્ડાએ કેન્સરગ્રસ્ત બહેન માટે મદદ માગી
  • ટ્વીટ કર્યાંના 3 કલાકની અંદર પીએમ મોદીએ હુડ્ડાને કોલ કર્યો
  • પીએમ મોદીએ શક્ય તમામ મદદ કરવાનું આશ્વાસન આપ્યું

પ્રધાનમંત્રી નરેન્દ્ર મોદી હંમેશા સેના અને જવાનોની પડખે હોવાનું જણાવતાં આવ્યા છે. દિવાળી સહિતના તહેવાર તે જવાનોની સાથે ઉજવે છે. અને જવાન જ્યારે કોઈ તકલીફમાં હોય ત્યારે પીએમ મોદી તેને મદદ પૂરી પાડે છે. આવો જ પ્રધાનમંત્રીની ઉદારતાનો કિસ્સો સામે આવ્યો છે. પાકિસ્તાન સામે કરવામાં આવેલ સર્જિકલ સ્ટ્રાઈક પર દેશ ગૌરવ કરી રહ્યું તેના હીરો લે. જરનલ (રિટાયર્ડ) ડી.એસ.હુડ્ડાએ પોતાની કેન્સરગ્રસ્ત બહેન માટે ટ્વિટર પર પીએમ મોદી પાસે મદદ માગી હતી અને 3 કલાકની અંદર જ પીએમ મોદીએ સામેથી હુડ્ડાને ફોન કરીને મદદનું આશ્વાસન આપવામાં આવ્યું હતું.

લે.જનરલ ડી.એસ. હુડ્ડાએ સેનામાં ચાર દાયકા સુધી પોતાની સેવા આપી હતી અને વર્ષ 2016માં રિટાયર થયા હતા. તે ભારતીય સેનાના નોર્થ કમાનના કમાન્ડિંગ ઈન ચીફ રહ્યા હતા. અને 2016માં તેઓની દેખરેખ હેઠળ જ ભારતીય સૈનિકોએ સર્જિકલ સ્ટ્રાઈકને અંજામ આપ્યો હતો. ઉરી આતંકી હુમલા બાદ સર્જિકલ સ્ટ્રાઈકમાં નિયંત્રણ રેખાની પાર અનેક આતંકી ઠેકાણાઓને નિશાન બનાવવામાં આવ્યા હતા. આ સર્જિકલ સ્ટ્રાઈકે દેશના તમામ લોકોને ભારે ગર્વની લાગણી મહેસૂસ કરાવી હતી. અને સર્જિકલ સ્ટ્રાઈકના હીરો રહેલાં ડી.એસ. હુડ્ડાએ હાલમાં જ ટ્વિટર પર પીએમ મોદી પાસે પોતાની કેન્સરગ્રસ્ત બહેન માટે મદદ માગતી ટ્વીટ કરી હતી.

રાજ્યોમાં ચૂંટણીઓ પહેલાં જે નેતાઓનાં ઘરે IT, ED, CBIની રેડ પડી તેમનાથી જ હારી BJP

ડી.એસ.હુડ્ડાએ પોતે કરેલ ટ્વીટમાં પીએમ મોદીને ટેગ કર્યાં હતા. હુડ્ડાની ટ્વીટ કર્યાંના 3 કલાકની અંદર જ પીએમ મોદીએ વ્યક્તિગત હુડ્ડાને ફોન કર્યો હતો અને ફોન ઉપર પીએમ નરેન્દ્ર મોદીએ તમામ જરૂરી મદદ માટેનું આશ્વાસન તો આપ્યું હતું જ સાથે-સાથે હુડ્ડાની બહેનના સ્વાસ્થ્ય અંગે પણ પૂછપરછ કરી હતી. પીએમ મોદીના આ ઉદારતાએ હુડ્ડાનું દિલ જીતી લીધું હતું. પીએમની મદદ બાદ હુડ્ડાએ લખ્યું કે પીએમ મોદીએ દખલરગીરી કરતાં ગર્વ મહેસૂસ કરી રહ્યો છું. જય હિંદ

લેફ્ટનન્ટ જનરલ હુડ્ડાને સેનામાં હતા ત્યારે પરમ વિશિષ્ટ મેડલ, ઉત્તમ યુદ્ધ સેવા મેડલ, ઓપરેશન પરાક્રમ મેડલ, ઓપરેશન વિજય મેડલ સહિત અનેક મેડલોથી સન્માનિત કરવામાં આવ્યા હતા. એટલું જ નહીં, પણ વર્ષ 2019માં લોકસભા ચૂંટણી પહેલાં હુડ્ડાએ કોંગ્રેસને વિઝન ડોક્યુમેન્ટ બનાવવામાં પણ મદદ કરી હતી. અને તે અંગે રાહુલ ગાંધીએ એક ટ્વીટ પણ કરી હતી. સર્જિકલ સ્ટ્રાઈકને લઈને કોંગ્રેસે ભાજપ સરકાર સામે આરોપ લગાવ્યા હતા. તે સમયે હુડ્ડાએ પણ કહ્યું હતું કે, સર્જિકલ સ્ટ્રાઈકને સિક્રેચ રાખવી જોઈતી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here