indian team for u-19 world cup: U-19 વર્લ્ડ કપ માટે ભારતીય ટીમની જાહેરાત, દિલ્હીના યશ ધુલને કેપ્ટન બનાવાયો – bcci announced team india for icc u-19 cricket world cup 2022

0


હાઈલાઈટ્સ:

  • આઈસીસી અંડર-19 વર્લ્ડ કપ માટે ભારતીય ટીમની જાહેરાત
  • 17 સભ્યોની ટીમનું સુકાનીપદ દિલ્હીના યશ ધુલેને સોંપવામાં આવ્યું
  • 14 જાન્યુઆરીથી 5 ફેબ્રુઆરી દરમિયાન વેસ્ટ ઈન્ડિઝમાં રમાશે વર્લ્ડ કપ ટુર્નામેન્ટ

રવિવારે બીસીસીઆઈ દ્રારા આઈસીસી અંડર-19 વર્લ્ડ કપ માટેની ભારતીય ટીમની જાહેરાત કરી દેવામાં આવી છે. અંડર-19 વર્લ્ડ કપ માટે 17 સભ્યોની ભારતીય ટીમનું સુકાનીપદ દિલ્હીના બેટ્સમેન યશ ધુલને સોંપવામાં આવ્યું છે. આગામી વર્ષે 14 જાન્યુઆરીથી 5 ફેબ્રુઆરી દરમિયાન વેસ્ટ ઈન્ડિઝમાં અંડર-19 વર્લ્ડ કપ ટુર્નામેન્ટ રમવામાં આવશે.

ચાર વખતની વિશ્વ વિજેતી રહેલી ભારતીય ટીમને સાઉથ આફ્રિકા, આયર્લેન્ડ અને યુગાન્ડા સાથે ગ્રૃપ બીમાં સામેલ કરવામાં આવી છે. ઉલ્લેખનીય છે કે, ભારતીય ટીમના સુકાનીપદ તરીકે ધુલેનું નામ ચર્ચામાં હતું, કેમ કે આગામી 23 ડિસેમ્બરથી યુએઈમાં શરૂ થનાર એશિયા કપ માટે તેને ભારતીય ટીમનો સુકાની બનાવવામાં આવ્યો છે. અંડર-19 વર્લ્ડ કપ માટે ભારતીય ટીમના વાઈસ કેપ્ટન પદે આંધ્ર પ્રદેશના એસ.કે. રશીદની નિયુક્તિ કરવામાં આવી છે.

સાઉથ આફ્રિકા પ્રવાસઃ રોહિતની ગેરહાજરીમાં રાહુલ બનશે ટેસ્ટ ટીમનો ઉપસુકાની

બીસીસીઆઈએ નિવેદન આપતાં જણાવ્યું હતું કે, વેસ્ટ ઈન્ડિઝમાં જાન્યુઆરી 14થી 5 ફેબ્રુઆરી સુધી ચાર યજમાન દેશો દ્વારા રમાનાર આઈસીસી અંડર-19 મેન્સ ક્રિકેટ વર્લ્ડ કપ માટે ઓલ ઈન્ડિયા જુનિયર સિલેક્શન કમિટી દ્વારા ભારતીય ટીમની પસંદગી કરી લેવામાં આવી છે. ઉલ્લેખનીય છે કે, 14મા એડિશનમાં 16 ટીમો વચ્ચે ટ્રોફી માટે 48 મેચ રમવામાં આવશે.
વિવાદ વચ્ચે દાદાનો વ્યંગ, કહ્યું- વિરાટનો એટિટ્યુડ ગમે છે, પણ તે બહુ લડે છે
આ વર્લ્ડ કપ ટુર્નામેન્ટમાં ટીમ ઈન્ડિયા સૌથી સફળ ટીમ છે. કેમ કે, વર્ષ 2000, 2008, 2012 અને 2018માં ટીમ ઈન્ડિયા ચાર વખત વર્લ્ડ કપ વિજેતા રહી હતી. જ્યારે 2016માં તે બીજા સ્થાન પર રહી હતી. અને 2020ના વર્લ્ડ કપમાં ફાઈનલ મેચમાં ન્યૂઝીલેન્ડ સામે ટીમ ઈન્ડિયાની હાર થઈ હતી.

ટુર્નામેન્ટમાં ભારતની પ્રથમ મેચ 15 જાન્યુઆરીના રોજ સાઉથ આફ્રિકાની સામે ગયાનામાં રમવામાં આવશે. જે બાદ 19 જાન્યુઆરીના રોજ આયરલેન્ડની સામે ભારતીય ટીમ ટકરાશે. 22 જાન્યુઆરીના રોજ ભારત પોતાની ત્રીજી મેચ યુગાન્ડા સામે રમશે. આ ત્રણેય મેચ ભારતીય સમયાનુસાર સાડા સાત વાગ્યાથી શરૂ થશે. અને ફેબ્રુઆરી 1 અને ફેબ્રુઆરી 2ના રોજ સર વિવિયન રિચર્ડ્સ ક્રિકેટ ગ્રાઉન્ડમાં સેમિ ફાઈનલ મેચ રમાશે અને આ જ ગ્રાઉન્ડમાં ફાઈનલ મેચ પણ રમવામાં આવશે.

ભારતીય ટીમઃ યશ ધુલ (કેપ્ટન), હરનૂર સિંહ, અંગક્રિશ રઘુવંશી, એસકે રશીદ (વાઈસ કેપ્ટન), નિશાંત સિંધુ, સિદ્ધાર્થ યાદવ, અનીશ્વર ગૌતમ, દિનેશ બાના (વિકેટકીપર), આરાધ્ય યાદવ (વિકેટકીપર), રાજ અંગદ બાવા, માનવ પરાખ, કૌશલ તાંબે, આર.એસ.હેંગરગેકર, વસુ વત્સ, વિક્કી ઓસ્તવાલ, રવિ કુમાર, ગર્વ સંગવાન



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here