girl caught amazing catch: બેટ્સમેને મારી શાનદાર સિક્સ, સ્ટેડિયમમાં બેઠેલી યુવતીએ લપક્યો જબરદસ્ત કેચ – young lady sitting in the stadium made a amazing catch in bbl match

0


હાઈલાઈટ્સ:

  • બિગ બેશ લીગમાં સિડની થંડર્સના બિલિંગ્સની તોફાની બેટિંગ
  • બિલિંગ્સે ફટકારેલી બે સિક્સ પર સ્ટેડિયમમાં બેઠેલાં દર્શકોએ કરી શાનદાર કેચ
  • સ્ટેડિયમમાં બેઠેલાં દર્શકોએ કરેલી શાનદાર કેચનો વિડીયો વાયરલ થયો

ક્રિકેટ જગતમાં ટી20 મેચો આવતાંની સાથે જ રોમાંચમાં વધારો થયો છે. ટી20 મેચોમાં ચોગ્ગા અને છગ્ગાની રમઝટ જોવા મળે છે. ટી20 મેચોમાં ક્રિકેટની રોમાંચની સાથે ગ્લેમર પણ જોવા મળતું હોય છે. ઓસ્ટ્રેલિયામાં હાલ બિગ બેશ લીગ રમાઈ રહી છે. તેમાં એક મેચ દરમિયાન બેટ્સમેનોએ મારેલી બે સિક્સ પર સ્ટેડિયમમાં બેસેલાં લોકોએ શાનદાર કેચ લપક્યો હતો. જેના વિડીયો સોશિયલ મીડિયામાં વાયરલ થઈ રહ્યા છે.

ઓસ્ટ્રેલિયામાં હાલ એકબાજુ ઓસ્ટ્રેલિયા અને ઈંગ્લેન્ડ વચ્ચે એશિઝ સીરિઝ રમાઈ રહી છે, ભારત અને પાકિસ્તાન વચ્ચેની મેચ જેટલું જ આ મેચનું મહત્વ છે. અને બીજી બાજુ ટી20 ટુર્નામેન્ટ બિગ બેશ લીગ રમાઈ રહી છે. રવિવારે બિગ બેશ લીગમાં સિડની થંડર અને બ્રિસબેન હિટ વચ્ચે રોમાંચક મેચ રમાઈ હતી. જેમાં સિડની થંડર્સના બેટ્સમેન સેમ બિલિંગ્સે તોફાની ઈનિંગ્સ રમતાં પાંચ છગ્ગા ફટકાર્યા હતા. જેમાંથી બે સિક્સ પર સ્ટેડિયમમાં બેઠેલી એક યુવતી અને એક યુવકે શાનદાર કેચ પકડ્યો હતો.

સિડની થંડર્સના સેમ બિલિંગ્સે પોતાની વિસ્ફોટક ઈનિંગ્સથી સ્ટેડિયમમાં બેઠેલાં દર્શકોનું ભારે મનોરંજન કર્યું હતું. બિલિંગ્સની જ્યારે બે સિક્સ દરમિયાન સ્ટેડિયયમાં બેઠેલાં દર્શકો વચ્ચે બોલ પહોંચ્યો ત્યારે તેઓએ શાનદાર ઉત્સાહ દેખાડતાં કેચ લપકવા માટે દોટ મુકી હતી. બિલિંગ્સે પોતાનો પ્રથમ સિક્સ ફાસ્ટ બોલર જેમ્સ બેજલીના બોલ પર ફટકારી હતી. જેમ્સના ફૂલટોસ બોલનો જવાબ તેણે મિડ વિકેટ ઉપર સિક્સર ફટકારીને આપ્યો હતો. આ શોટ જ્યારે સ્ટેડિયમમાં ગયો ત્યારે યુવકે કેચ પકડવામાં કોઈ ભૂલ કરી ન હતી. જે બાદ ઈનિંગ્સની 15મી ઓવરમાં અફઘાનિસ્તાનના સ્પિનર મુઝીબ-ઉર-રહેમાનના બોલ પર ચેણે લોંગ ઓન ઉપરથી સિક્સ ફટકારી હતી. આ દરમિયાન સ્ટેડિયમમાં બેઠેલી એક યુવતીએ તેનો કેચ પકડ્યો હતો. જો કે, બોલ તેના હાથમાં બરાબરનો ચચર્યો હતો. જે બીબીએલ દ્વારા શેર કરવામાં આવેલાં વિડીયોમાં જોઈ શકાય છે.

જો રૂટે તોડ્યો સચિન-ગાવસ્કરનો રેકોર્ડ, હવે પાકિસ્તાની ક્રિકેટરના રેકોર્ડ પર નજર

સિડની થંડર્સનો બેટર સેમ બિલિંગ્સ આજે આક્રમક અંદાજમાં જોવા મળ્યો હતો. બ્રિસબેન હિટ સામે ચોથા નંબરે બેટિંગ કરવા આવેલાં વિકેટકીપર બેટ્સમેન બિલિંગ્સે ધમાકેદાર શોટ્સ લગાવીને હાફ સેન્ચુરી ફટકારી હતી. બિલિંગ્સે 27 બોલમાં 5 સિક્સ અને 5 ચોગ્ગા ફટકારીને 64 રન બનાવ્યા હતા. અને બિલિંગ્સની તોફાની બેટિંગને કારણે સિડની થંડર્સે 20 ઓવરના અંતે 7 વિકેટના નુકસાન પર 196 રન બનાવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here