rakhi sawant: BB 15: રિતેશ બહાર થતાં ધ્રૂસકે-ધ્રૂસકે રડી રાખી સાવંત, કોરી ખાઈ છે એક વાતની ચિંતા – bigg boss 15 rakhi sawant cried a lot as husband ritesh evicted

0


હાઈલાઈટ્સ:

  • ઓછા વોટ મળવાના કારણે બિગ બોસ 15ના ઘરમાંથી એલિમિનેટ થયો રિતેશ
  • રિતેશ કાયમ માટે છોડી દેશે તેવી રાખી સાવંતને સતાવી રહી છે ચિંતા
  • રાખી સાવંત સાથે ગેરવર્તણૂક કરતાં સલમાન ખાને રિતેશનો લીધો હતો ઉધડો

આ અઠવાડિયાનું એલિમિનેશન રાખી સાવંત માટે ભાવુક રહ્યું, જેનો પતિ રિતેશ સૌથી ઓછા વોટ મળવાના કારણે બિગ બોસ 15ના ઘરમાંથી બહાર થયો. રિતેશ બહાર થતાં દર્શકોને એક્ટ્રેસની ચિંતાજનક બાજુ જોવા મળી, જેને બિગ બોસ 15ના ઘર છોડવાથી પણ વધારે બીજો મોટો ડર હતો.

સલમાન ખાને રિતેશ શોમાંથી બહાર થઈ રહ્યો હોવાની જાહેરાત કરતા રાખી સાવંતને આંચકો લાગ્યો હતો. રિતેશ બહાર જવા માટે જેવો ઉભો થયો કે રાખી સાવંત તેની પાછળ દોડી હતી અને તેને રોકવાનો પ્રયાસ કર્યો હતો. તે ભાવુક થઈ ગઈ હતી અને તેને ન છોડવા માટે કહ્યું હતું. સૌથી વધારે ચિંતા તેને એ વાતની હતી કે, રિતેશ હંમેશા માટે તેને છોડી રહ્યો છે.

અજય દેવગણ-કાજોલની દીકરી ન્યાસાના બોલ્ડ અવતારે મચાવી ધમાલ
રાખી સાવંતે પતિ રિતેશને તેને ન છોડવા તેમજ કેનેડા અથવા વિદેશમાં જતા ન રહેવાની વિનંતી કરી હતી. તે પોતાના આંસુ રોકી શકી નહોતી અને કહ્યું હતું ‘મને છોડીને ન જા. તું ભાગી ન જતો. કેનેડા કે બીજે ક્યાંક’. રાખીએ જતો અટકાવવા માટે તેના પગ પણ પકડી લીધા હતા અને ચિંતા વ્યક્ત કરતા કહ્યું હતું ‘તું મને છોડી દઈશ’.

આ દરમિયાન, રિતેશે રાખી સાવંતને ગેમ રમવા અને તેના માટે ટ્રોફી જીતવાનું કહ્યું હતું. તેને રડતી અને ન છોડવાની વિનંતી કરતી જોઈને, રિતેશે કહ્યું હતું ‘અરે નહીં છોડુ તને’

સુઝૈન ખાને કથિત BF અર્સલાન ગોની માટે યોજી શાનદાર બર્થ ડે પાર્ટી!, દરેક ક્ષણે જોવા મળી તેની સાથે
રાખી સાવંતની ભયભીત બાજુ જોઈને સલમાને તેને ખાતરી આપી હતી કે, રિતેશ ક્યાંય નહીં જાય. અગાઉ તેના એલિમિનેશનની જાહેરાત કરતી વખતે, હોસ્ટે જણાવ્યું હતું કે, રાખી સાથેના ગેરવર્તણૂકના કારણે તેને ઓછા વોટ મળ્યા હોવાથી કાઢી મૂકવામાં આવ્યો હતો.

બાદ, રાખી દેવોલીના ભટ્ટાચાર્જીને કહેતી જોવા મળી હતી કે, તે રિતેશ વગર નહીં રહી શકે. તેને નોમિનિટ કરવા માટે તેણે પોતાને દોષિત ઠેરવી હતી. આ સિવાય તેણે કહ્યું હતું કે, જો તેને નોમિનેટ ન કર્યો હોત તો બહાર ન થયો હોત.

‘વીકએન્ડ કા વાર’ એપિસોડમાં સલમાન ખાને પત્ની રાખી સાવંત પ્રત્યે ખરાબ વર્તન કરવા બદલ રિતેશનો ઉધડો લીધો હતો. તેણે તેને ચેતવણી આપી હતી અને આગળ તેમ કર્યુ તો પરિણામ જોવાની ધમકી આપી હતી. આ સિવાય સલમાને રાખી સાવંતને તે આવું વર્તન કેમ સહન કરે છે તેવો સવાલ પણ કર્યો હતો. તેણે ત્યારે કહ્યું હતું કે, તે કાયમ માટે તેને છોડી દેશે તેવો વિચાર ભયભીત કરે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here